Тоололго 10:10 - Библи

¹⁰ Суглаа зарлахадаа, мүн шэнэ һарын эхин үдэрнүүдтэ, һайндэрнүүдэй болоходонь, бүреэнүүдээ үлеэгты. Израильшуудай түгэс шатаалта ба амгалан байдалай үргэлнүүдые асархадань, бүреэнүүдээ үлеэгты. Энэ ёһолол Эзэндэ, шинии Бурханда, шам тухай һануулга болоно. Би шамда эдэниие бэелүүлхыешни захирнаб. Би Эзэн, шинии Бурхан гээшэб!

Тоололго 10:10 Referencias Cruzadas

4 Хаан түрэнүүд 4:23

Тэрэнэй үбгэн иигэжэ һамганһаа асууба: – Мүнөөдэр тэрээндэ юундэ ошохо гэбэбши? Мүнөөдэр һарын нэгэншье бэшэ, субботошье бэшэл? – Хуу һайн байха, – гээд,

1 Угай бэшэг 15:24

Шэбааньяа, Ёшапаат, Нэтанээл, Амасай, Захарияа, Бэнайяа, Элиээзэр Бурханай ханзын урда бүреэнүүдые үлеэгээ, Обээд-Эдоом Ехияа хоёр ханзын дэргэдэхи харуулшад байгаа.

1 Угай бэшэг 15:28

Бүхы израильшууд шаг шууяа татан, эбэр бүреэ дуугарган, бүреэнүүдэй, хэнгэрэгэй хүгжэм доро, хуур, арфа дээрэ наадан, Эзэнэй хэлсээнэй ханза тэлэн абаашаха замдань дууряан ябаба.

1 Угай бэшэг 16:42

Һэмаан Едүтүүн хоёр бүреэнүүд, кимвалнууд болон хүгжэмэй бусадшье зэмсэгүүд дээрэ наадажа байгаа; Едүтүүнэй хүбүүдые үүдэнэй дэргэдэ табиба.

2 Угай бэшэг 29:26

Давидай хүгжэмтэ зэбсэгүүдые баринхай левидүүд болон санаартад үхэр бүреэнүүдтэеэ зогсобо.

2 Угай бэшэг 29:28

Түгэс шатаалта үргэлэй дууһан үргэгдэтэр сугларагша бүхы зон мүргэн зальбаржа, дуушад дуулажа, үхэр бүреэнүүд дуугаралдажа байгаа бэлэй.

2 Угай бэшэг 7:6

Санаартад зиндаагай ёһоор һууринуудтаа зогсобо. Израилиин бүхы улад зоной зогсоод байхада, левидүүд хүгжэм наадажа байгаа. Хэтэ мүнхын хайра үршөөлтэй Эзэниие магтан дуулахын тула Давид хаан хүгжэмэй зэбсэгүүдые зохёон дархалһан гээд мэдээжэ. Санаартад ёһолол ябуулжа, дуу хүгжэм гаргажа байба.

Эзраа 3:10

Эзэнэй һүмын һуури барилгашадай табижа дүүргэхэдэ, санаартад санаартанайнгаа хубсаһа үмдэжэ, Эзэнэйнгээ алдар солые Израилиин хаан Давидай табиһан хуули ёһоор дуудахын тула, санаартад бэшхүүрнүүдээ, левидүүд, Асаапай хүбүүд, дэмшэнүүдээ бариба.

Нэхэмьяа 12:35

тиигээд бүреэнүүдтэй санаартад, баһа тиигээд Ёнатаанай хүбүүн Захарияа (Ёнатаан Шэмаяагай хүбүүн, Шэмаяа Маттаанияагай, Маттаанияа Михайяагай, Михайяа Заххуурай, Заххуур Асаапай хүбүүн бэлэй),

Псалманууд 150:3

Тэрэниие бүреэ дуугаруулан магтагты! Тэрэниие ятаг, морин хуураар дэмжэн магтагты!

Псалманууд 81:3

Ядуу болон үншэн хэнзые аршалагты, зобоһон-тулиһан болон үгытэй зониие зүбөөр шүүжэ байгты.

Псалманууд 81:4

Ядуу болон үгытэйе абарагты, хорото муу зоной һабарһаа мултаруулагты!»

Псалманууд 89:15

Маанадые зүдэрүүлһэн үдэрэй тоогоор, маанадай хохидол үзэһэн жэлнүүдэй тоогоор бидэниие баясуулыт.

Египедһээ гаралга 28:29

Аһароон нангин ордон руу орохо бүреэ энгэртээ Израилиин хүбүүдэй нэрэ хээд ябажа, Эзэнэй урда саг үргэлжэ һануулжа байха болоно.

Египедһээ гаралга 30:16

Израилиин зонһоо иимэ түлөөһэ абажа, Уулзалгын майхан һүмын дэргэдэхи ажалда хэрэглэхэш. Энэ бол Эзэндэ Израиль тушаа һануулһан тэмдэг, таанадай түлөө түлбэри болохо.

Исай 27:13

Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Левит 23:24

– Израильшуудта хэлэ: Долоодохи һарын түрүүшын үдэр таанадта амгалан тэнюун оршоной, нангин үдэр болохо. Бүреэнүүдэй абяан тэрээн тухай тунхаглан зэдэлэг.

Тоололго 10:9

Өөрынгөө газар дээрэ дайсадтай тулалдахын урда тээ шангаар аад, түргэ түргөөр бүреэнүүдээ үлеэ. Тиихэдэшни Эзэн, шинии Бурхан, дохёоешни дуулаад, таанадые дайсадһаа абарха.

Тоололго 28:11

Шэнэ һарын эхиндэ тахилай шэрээ дээрэ түгэс шатаалта үргэлдэ иимэ үргэлнүүдые асарагты: эрэмдэггүй эбэртэ бодо малнуудһаа хоёр буруун буха, нэгэ хуса, долоон эрэ хурьга.

Тоололго 29:1

Долоодохи һарын эхин үдэр таанад сугларжа, һайндэрлэхэ ёһотойт. Энэ үдэр ямаршье ажал бү хэгты. Энэ үдэр бүреэнүүдые үлеэхэ үдэр.

Матвей 11:28

Хүшэр хүндэ ашаанда даруулжа ядарһан зон булта Намда ерэгты, Би танай һанаа амаруулхаб.

Хэрэгүүд 10:4

Корнелий тэрэниие айн шэртэжэ: – Юун болооб даа, Эзэмни? – гэжэ асууба. – Шинии зальбарал болон хэһэн буяншни Бурханда хүрөө. Тэрэ шамайе һанана, – гээд Эльгээмэл Корнелидэ хэлэбэ. –

Фессалоникиинхидтэ 1-дэхи 4:16

Айладхаһан абяанай гарахада, Бурханай ахалагша Эльгээмэлэй дуу дуулдахада, Бурханай бүреэгэй дуугархада, Эзэн Өөрөө тэнгэриһээ доошоо бууха. Эдэ бүхэнэй болохын урда тээ Христоосто һүзэгтэйгөөр наһа бараһан зон амидырха.

Фессалоникиинхидтэ 1-дэхи 4:18

Иигэжэл, эдэ үгэнүүдээр бэе бэеэ урмашуулжа байгты.

Нүүнэй Иисүүс 4:7

«Эзэнэй Иорданиие гаталхада, Тэрээнтэй баталһан хэлсээнэй ханзын урда Иорданай уһанай хубаарһанай дурасхаалда байгаа», – гэхэт; тиимэһээ эдэ шулуунууд Израилиин хүбүүдтэ хэтэ мүнхэдөө дурасхаалай хүшөө болохо.

Нүүнэй Иисүүс 6:4

Бүреэгэй абяа дуулахадаа, бүхы зон шангаар хашхараг, тиихэдэнь хотын хана һууридаа хүрэтэр бутаран унаха, тиихэдэнь хүн бүхэн өөрынгөө зүгһөө хото руу орохо.

Гэршэлгэ 22:17

Арюун Һүлдэшье, хадамай басаганшье: «Ерэ!» – гэнэд. Шагнажа байгаашашье: «Ерэ!» – гэг. Ундаа ехээр хүрэгшэдшье ерэг! Амидаралгын уһа абаха дуратайшуул ерэжэ, тэрэ уһа миинтэ абаг лэ!

1 Хаан түрэнүүд 20:5

Давид Ёнатаанда: – Үглөөдэр шэнэ һарын баяр һэн тула би хаантай хамта эдеэ хоолой шэрээдэ һууха ёһотойб. Гэбэшье та намайе эльгээн табигты. Гурбадахи үдэрэй үдэшэ болотор би хээрэ талада хоргодохоб.