Тоололго 1:53 - Библи

⁵³ Израильшуудта гай тодхор ушархагүйн тула левидүүд Гэршэлгын майхан һүмын хажууда хотон хүреэнээ баряад, Гэршэлгын майхан һүмэеэ харууһалан харуулда зогсохо ёһотой.

Тоололго 1:53 Referencias Cruzadas

1 Угай бэшэг 23:32

Эзэнэй гэртэ алба хэхэдээ, өөһэдынгөө аха, дүүнэрые, Аһарооной хүбүүдые, майхан һүмэ, харууһалха уялгануудынь эдэ мүн.

2 Угай бэшэг 13:10

Харин бидэ Эзэн Бурхантаяа хамта байһаарбди. Бидэ Тэрэнээ орхёогүйбди, Аһарооной угай санаартад Эзэнээ тахиһаар, левидүүд тэдээндэ туһалһаар лэ байна.

2 Угай бэшэг 13:11

Үглөө, үдэшэ бүхэндэ тэдэ Эзэндэ түгэс шатаалта үргэл үргэнэ, уталгануудые ууюулна, сэбэр шэрээ дээрэ талхан үргэл табина, үдэшэ бүри алтан дэн, бусад дэнгүүдые носооно; бидэ Эзэн Бурханайнгаа һургаал сахинабди, харин таанад тэрэниие орхинхойт.

Ерэмияа 23:15

Тиимэһээ Би, Түмэн Сэрэгтэ Эзэн, Иерусалимай худал лүндэншэдтэ хоротой эдеэ эдюулхэб, хоротой уһа уулгахаб. Юуб гэбэл, тэдэ бүхы газар нютагаар Бурханда һүзэггүй байлгые дэлгэрүүлээ.

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Левит 10:6

Моисей Аһароон болон тэрээнэй Эльазаар Итамаар хоёр хүбүүдтэнь хэлэбэ: – Үхэхэгүйн тула, уур хилэнгэйнь хамаг хүн зондо хүрэхэгүйн тула толгойгоо бү нюсэгэлэгты, хубсаһаа бү хахалагты, юрэдөө, гай гашуудалаа бү харуулагты. Зүгөөр Эзэнэй галаар дүргэгдэһэн тухай танай аха дүүнэр, бүхы израильшууд уйдхар гашуудалаа харуулхадань болохо.

Тоололго 1:50

гэбэшье левидүүдтэ Гэршэлгын майхан һүмэ, тэрэ һүмэдэ хабаатай бүхы юумэнүүдые болон хэрэгсэлнүүдые даалга. Тэдэнэр майхан һүмэ, тэрэнэй бүхы хэрэгсэлнүүдые абажа ябаг, тэрээниие хамгаалжа, майхан һүмэ тойрон хотон хүреэнүүдээ бариг.

Тоололго 1:54

Израильшууд Эзэнэй Моисейдэ зааһан зарлигыень түгэс дүүрэн дүүргэбэ.

Тоололго 16:46

Моисей Аһароондо иигэжэ хэлэбэ: – Өөрынгөө бойпуур абаад, үргэлэй шэрээ дээрэһээ улаан сог болон уталга тэрээн соогоо хээд, аятай һайхан үнэр хангалтуулан, арад зондоо түргэн ошожо, тэдэниие аршалан арюудха. Ушар юуб гэхэдэ, Эзэнэй уур сухал хүрэжэ, гай тодхор эхилбэ, тэрэниие болюулха хэрэгтэй!

Тоололго 16:9

Таанадые Израилиин Бурхан Израилиин бүхы арад түмэнһөө шэлэжэ абаад, зондо алба хэжэ, хүнүүдэй урда зогсожо, Эзэнэй Нангин һүмэдэ албалхын түлөө шэлээл. Энэнь таанадта багадаа гү?!

Тоололго 17:7

Моисей тэдэ дулдынуудые Хэлсээнэй бэшэгэй хадагалагдажа байһан майхан һүмэ соо оруулжа, Эзэнэй урда табиба.

Тоололго 2:17

Аян замда гарахада, Суглаанай Майхан һүмэ ба левидүүдэй хотон хүреэн бусад хотон хүреэнүүдэй тэгэн дунда ябаха болоно. Тогтон байрлагша шэнгеэрээ аян замда гарахадаа, хотон хүреэн бүхэн өөр өөрынгөө тугай дэргэдэ ябаха ёһотой.

Тоололго 3:23

Гэршооной обог хотон хүреэнүүдээ баруун зүгтэ – майхан һүмын ара талада бариха ёһотой.

Тоололго 3:29

Кэһаат обогойхид өөһэдынгөө хотон хүреэнүүдые майхан һүмын урда таладань бариха ёһотой,

Тоололго 3:35

Абиһааилай хүбүүн Цүриһээл Мэрариин үенүүдэй ударидагша байгаа. Тэдэнэр өөһэдынгөө хотон хүреэнүүдые майхан һүмын хойто зүгтэнь бариха ёһотой.

Тоололго 3:38

Майхан һүмын үүдэн талада, наранай гарадаг зүгтэ Моисей Аһароон хоёрой, тэдэнэй хүбүүдэй хотон хүреэнүүд баригдаха ёһотой. Тэдэнэй харууһалган доро израильшуудай энэ Нангин һүмэ үгтэнэ. Хэрбэеэ эндэ ондоо хүнүүд оробол, тэдэнэр алуулагдаха ёһотой.

Тоололго 31:30

Арад зондоо хубаари болгожо, тэн хахадыень үгэһэн олзоһоо хүнүүдшье, үхэрнүүдшье, элжэгэнүүдшье, хонидшье байг хамаагүй, тэдэнэй табин толгойн нэгыень левидүүдтэ үгэ. Ушар юуб гэхэдэ, левидүүд Эзэнэй майхан һүмэдэ алба хэнэ ха юм.

Тоололго 31:47

Моисей олзолон абтаһан тэдэ басагадай болон үхэр малай табин толгой бүхэнһөө нэгэ толгойень абаад, майхан һүмэдэ алба хэдэг левидүүдтэ үгэбэ, Эзэнэй захиралта дүүргэбэ.

Тоололго 8:19

Бүхы израильшуудай дундаһаа левидүүдые шэлэжэ абаад, тэдэниие Аһароондо ба тэрэнэй хүбүүдтэ үгэбэб. Тэдэнэр майхан һүмын дэргэдэхи алба гүйсэдхэжэ, бүхы израильшуудай энхэ амгалан байхын түлөө алба хэхэ. Усадхалда орохогүйн тула израильшууд нангин газарта дүтэлхэ ёһогүй.

Тимофейдэ 2-дохи 4:2

Бурханай үгэ номногты гэжэ захинаб. Хүнүүдэй дуулаха дуратай, дурагүйшье байбалнь, сухарингүй номнохо ёһотойш. Буруу хэһэн юумэнүүдыень заажа, нүгэлнүүдыень шүүмжэлэн элирүүлэ. Гэхэтэй сасуу тэрэ хүнүүдые урмашуулжа, тэсэбэритэйгээр һурга.

1 Хаан түрэнүүд 6:19

Бэт-Шээмэшэй далан хүниие ханза нээжэ хараһанайнь тула Эзэн хюдан усадхаба. Арад зониие угаа ехээр хюдаһандань зон гашуудан уйлалдаа һэн.