Тоололго 1:50 - Библи

⁵⁰ гэбэшье левидүүдтэ Гэршэлгын майхан һүмэ, тэрэ һүмэдэ хабаатай бүхы юумэнүүдые болон хэрэгсэлнүүдые даалга. Тэдэнэр майхан һүмэ, тэрэнэй бүхы хэрэгсэлнүүдые абажа ябаг, тэрээниие хамгаалжа, майхан һүмэ тойрон хотон хүреэнүүдээ бариг.

Тоололго 1:50 Referencias Cruzadas

2 Угай бэшэг 24:6

Тиихэдэнь хаан тэдэнэй толгойлогшо Ёядаа гэгшые дуудажа асаруулаад, хэлэбэ: – Иуда болон Иерусалимһаа мүнгэ татабари суглуулхыень юундэ левидүүдые эльгээнэгүйбши? Суглаанай майханиие заһабарилан байха хэрэгтэ мүнгэ суглуулдаг байха гээд Эзэнэй богоол Моисей болон израильшуудай суглаан шиидээ һэм шуу.

Нэхэмьяа 12:22

Персиин Даариин хан шэрээгэй урда Яддууһагай, Ёханаанай, Ёядаагай, Элиашиибай үенүүдтэ левидүүдэй, санаартадай толгойлогшонорой тоо бэшэг ябуулагдаһан байна.

Нэхэмьяа 12:47

Харин Зэрубабээлэй, мүн Нэхэмьяагай үенүүдтэ бүхы израильшууд дуушадта, мүн үүдэнүүдэй харуулшадай үдэр бүриин аша туһада хубитые оруулдаг, тэрээнһээ гадна левидүүдэй хубиие таһалдаг, левидүүд Аһарооной үри һадаһадай хубиие таһалжа үгэдэг һэн.

Нэхэмьяа 12:8

Тиигээд левидүүд: Иисүүс, Биннуй, Кадмиһээл, Шэрээбияа, Иуда, Маттаанияа. Маттаанияа өөрынгөө түрэл гаралнуудтай хамта баяр баясхалангай дуунуудые эмхидхээ.

Нэхэмьяа 13:22

Субботын нангиниие тахихын тула би левидүүдтэ арюудхалга хээд, үүдэнэй харуулда зогсохо гэһэн захиралта үгэбэб. Өөрынгөө агуу хайраар, минии Бурхан, намайе үршөөгыт, минии аша туһада энэниие хадуужа абыт.

Нэхэмьяа 13:5

арбанай нэгэ хуби гэжэ левидүүдтэ, дуушадта, үүдэнэй харуулшадта үгтэдэг орооһо, үзэмэй дараһан архи, тоһо гэхэ мэтые, санаартадта бэлэгүүдые, талхан үргэлнүүдые, уталгануудые, амһартануудые хадагалдаг байһан ехэ таһалгые Тобияада үгэбэ.

Псалманууд 122:4

Манай сэдьхэл садхалан зоной дээрэлхэлгээр, бардам зоной доромжололоор ехэ дүүрэнхэй.

Египедһээ гаралга 31:18

Синай дээрэ Моисейтэй хөөрэлдэжэ дүүргэхэдөө, Эзэн тэрээндэ Өөрын гараар һиилэһэн Хэлсээнэй хоёр шулуун хабтаһа үгэбэ.

Египедһээ гаралга 38:21

Аһароон санаартанай хүбүүн Итамаарай ударидалга доро левидүүд Моисейн захиралтаар хэлсээнэй майхан һүмын хамаг гаргашын тоо бүридхэбэ.

Тоололго 1:53

Израильшуудта гай тодхор ушархагүйн тула левидүүд Гэршэлгын майхан һүмын хажууда хотон хүреэнээ баряад, Гэршэлгын майхан һүмэеэ харууһалан харуулда зогсохо ёһотой.

Тоололго 10:21

Тэдэнэй хойноһоо нангин шүтөөнөө үргэлһэн Кэһаадай обогойхид ошобо. Тэдэнэй ерэтэр нангин һүмэ баригдажа үрдихэ ёһотой байгаа.

Тоололго 17:7

Моисей тэдэ дулдынуудые Хэлсээнэй бэшэгэй хадагалагдажа байһан майхан һүмэ соо оруулжа, Эзэнэй урда табиба.

Тоололго 18:5

Дахяад израильшуудта Минии дураа гутан уурлахагүйн тула нангин һүмын, үргэлэй шэрээгэй ажалые сахин таанад өөһэдөө харюусаха болонот.

Тоололго 2:17

Аян замда гарахада, Суглаанай Майхан һүмэ ба левидүүдэй хотон хүреэн бусад хотон хүреэнүүдэй тэгэн дунда ябаха болоно. Тогтон байрлагша шэнгеэрээ аян замда гарахадаа, хотон хүреэн бүхэн өөр өөрынгөө тугай дэргэдэ ябаха ёһотой.

Тоололго 20:11

Моисей гараа үргэжэ, тэрэ дулдыгаар байсын шулууе хоёр дахин тоншобо. Тэрэ шулуунһаа уһанай ехээр урдахада, тэндэ байһан хүнүүд болон үхэр мал уһа уужа, ундаа харяабад.

Тоололго 4:15

Отог хүреэнэйнгээ аян замда түхеэржэ бэлэн болотор, Аһароон ба тэрэнэй хүбүүд майхан һүмэеэ, тэрэнэйнгээ бүхы хэрэгсэлнүүдые орёожо бэлдэг. Багсалжа бэлэн болоходонь, тэдэнииень абажа ябахаяа, Кэһаадай гэр бүлынхид тэдээндэ дүтэлэг. Зүгөөр тэдэнэр үхэхэгүй гээ һаа, майхан һүмын нангин юумэнүүдтэ гар бү хүрэг.

Тоололго 4:3

Гушанһаа таби хүрэтэр наһатай бүхы эрэшүүлыень бүридхэн тооло. Тэдэ эрэшүүл майхан һүмын үргэл болон мүргэлэй ёһололгын алба хэг.

Тоололго 8:19

Бүхы израильшуудай дундаһаа левидүүдые шэлэжэ абаад, тэдэниие Аһароондо ба тэрэнэй хүбүүдтэ үгэбэб. Тэдэнэр майхан һүмын дэргэдэхи алба гүйсэдхэжэ, бүхы израильшуудай энхэ амгалан байхын түлөө алба хэхэ. Усадхалда орохогүйн тула израильшууд нангин газарта дүтэлхэ ёһогүй.

Тоололго 8:20

Моисей, Аһароон ба израильшууд левидүүдтэй хамта Эзэнэй Моисейдэ айладаһан зарлигые түгэс дүүргэбэ.

Тоололго 8:22

Энээнэй удаа левидүүд Аһарооной болон тэрэнэй удамай харгалзалга доро майхан һүмын ажал хэдэг болоо. Аһароон болон тэрэнэй хүбүүд Моисейдэ Эзэнэй үгэһэн бүхы зарлигые бэелүүлэн гүйсэдхэбэ.

Гэршэлгэ 15:5

Удаань иимэ юумэ харааб: тэнгэри дээрэ Гэршэлгын Майханай Хамагай Нангин газарынь нээгдэбэ.