Тоололго 1:3 - Библи

³ Аһароон та хоёр Израилиин сэрэгэй алба хэжэ шадаха, хори наһанһаа дээшэ наһатай бүхы эрэшүүлэй тоое, сэрэгэй бүлэг бүлэгөөрнь тоологты.

Тоололго 1:3 Referencias Cruzadas

2 Хаан түрэнүүд 24:9

Тиигээд Ёһааб уласай хүн зониие тоолон бүридхэһэн данса хаанда үгэбэ. Дайн дажарта ябажа шадаха найман зуун мянган эрэшүүл Израильда, табан зуун мянган хүн Иудада байба.

1 Угай бэшэг 5:18

Рэүбээнэй, Гаадай үри һадаһадай дунда, Мэнашшээгэй хахад обогой дунда һэлмэ болон бамбай баридаг, һурша номоор харбадаг, байлдаанда шадабаритай дүшэн дүрбэн мянган долоон зуун жаран дайшалхы эрэшүүл байһан юм.

2 Угай бэшэг 25:5

Амацияа Иудын болон Бэньямиинэй обогуудай хори болон дээшэ наһатай бүхы эрэшүүлые суглуулаад, уг угаарнь мянганай болон зуунай бүлэгүүд болгон хубаарилаад, дээрэнь сэрэгэй ноёдые табиба. Иигэжэ эрхим, дайшалхы дүршэлтэй, жада, бамбай баридаг гурбан зуун мянган сэрэгшэд бии гэжэ тэрэ элирүүлбэ.

Египедһээ гаралга 12:17

Эһээлтэгүй талханай һайндэр гэжэ тэмдэглэгты. Энэ үдэр Би таанадые Египедһээ гаргаһан болоноб, ушар тиимэһээ хэтын тогтоол болгон энэ һайндэр хойшодоо үеын үедэ тэмдэглэжэ ябаха болонот.

Египедһээ гаралга 30:14

Хори наһа гүйсэһэн хүн бүхэн тоо бүридхэлэй эхилхэдэ, Эзэндэ иимэ үргэл хэхэ ёһотой.

Египедһээ гаралга 38:26

бүридхэлдэ ороһон хори наһанһаа дээшэ амин бүхэнһөө (зургаан зуун гурба мянга табан зуун табин хүн) һүмын хахад шээкэлэй хэмжээгээр абтаба.

Тоололго 14:29

Хамтын тоо бүридхэлдэ ороһон Минии арадай хоринһоо дээшэ наһатайшуул энэ сүл губида булта хосорхо. Ушар юуб гэхэдэ, Намда уурлажа, дураа гутан гэмэрэлдээт.

Тоололго 26:2

– Израильшуудые уг угаарнь тоологты. Хоринһоо дээшэ наһатайшуулые тоологты. Израилиин сэрэгэй алба хэжэ шадаха бүхы эрэшүүлыень тоологты.

Тоололго 3:15

– Левиин обогой бүхы уг болон гэр бүлэнүүдые бүридхэн тооло. Бүхы эрэшүүлыень, мүн нэгэ һаратайһаа дээшэ наһатай болоһон хүбүүн үхибүүдыень бүридхэн тооло.

Тоололго 32:11

«Египедһээ эндэ ерэһэн таанадай хоринһоо дээшэ наһатайшуулай хэншье тэрэ газарыемни харахагүй. Энэ арадта газар үгэхэб гэжэ Би Абраһаамда, Исаагта, Яковта тангариглаа һэм. Теэд тэдэнэр Минии үгэ дуулаагүй.

Тоололго 33:1

Моисей Аһароон хоёр израильшуудые ударидажа, бүлэг бүлэгүүд болгон жагсаажа, Египедһээ гаргаһан юм. Тэдэнэр иимэ орон нютагуудые гаталбад.

Тоололго 4:3

Гушанһаа таби хүрэтэр наһатай бүхы эрэшүүлыень бүридхэн тооло. Тэдэ эрэшүүл майхан һүмын үргэл болон мүргэлэй ёһололгын алба хэг.

Хуули дабталга 24:5

Хэн нэгэн һая һамга абаа гээшэ һаа, дайн дажарта бү мордог, ямаршье ажал тэрээндэ даалгаха хэрэггүй. Нэгэ жэлэй туршада тэрэ сүлөөтэй гэртээ байжа, залуу һамгаяа жаргуулха ёһотой.

Хуули дабталга 3:18

Тэрэ үедэ би тус обогуудай зондо иигэжэ захираа бэлэйб: «Эзэн Бурхантнай энэ газарые таанадта эзэлэн һуухыетнай үгөө. Дайлалдажа шадаха зонтнай бултадаа зэбсэгжээд, Израилиин улад зоной урда байлдаанда орохо ёһотой!