Тимофейдэ 2-дохи 1:8 - Библи

⁸ Тиимэһээ манай Эзэн Иисүүс Христоос тухай гэршэлхэеэ бү айгаарай, Христоосой түлөө түрмэдэ һуужа байһан намһаа бү эшэжэ, улайжа байгаарай. Харин Бурханай үгэһэн хүсэ шадалаар Һайн Мэдээсэлэй түлөө зоболонгуудые дабажа гараарай.

Шэнэ Хэлсээн

⁸ Тиимэһээ манай Дээдын Эзэн Иисус Христос тухай гэршэлхэеэ бү айгаарай, Христосой түлөө түрмэдэ һуужа байһан намһаа бү эшэжэ, улайжа байгаарай. Харин Бурханай үгэһэн хүсэ шадалаар Һайн Мэдээсэлэй түлөө зоболон дабажа байгаарай.

Тимофейдэ 2-дохи 1:8 Referencias Cruzadas

Псалманууд 19:7

Эзэн Өөрын ёһолон шэлэһэн хаанаа абардаг гэгшые мүнөө мэдэбэб. Өөрын арюун тэнгэриһээ тэрээндэ харюу үгэжэ, хүсэ шадалта гараараа тэрээндэ илалта туйлуулаа.

Исай 51:7

Үнэн шударгые мэдэдэг, ой ухаандаа Минии хуули ёһо хадууһан арад түмэн, Намайе шагнагты! Зоной наада энедэ барихаһаа, доромжолхоһоо бү айгты.

Исай 8:20

Эзэнэй һургаал болон гэршэлэлгэдэ хандагты. Тэдэниие сахин дүүргээгүй һаа, худал хуурмаг үгэнүүдтэ хүрмэгдэхэт. Теэд тэдэ үгэнүүд хооһон, аша туһагүйл.

Марк 8:38

Хэрбээ забхай, нүгэлтэ энэ дэлхэйн зоной дунда байхадаа Намһаа, Минии һургаалһаа эшэбэлтнай, Хүн түрэлхитэнэй Хүбүүн Эсэгынгээ алдартай Бурханай Эльгээмэлнүүдтэй хамта ерэхэдээ, таанадһаа эшэхэл.

Лука 9:26

Намһаа, Минии һургаалһаа эшэбэлтнай, Би, Хүн түрэлхитэнэй Хүбүүн хожом Өөрынгөө, Эсэгынгээ, мүн Бурханай Эльгээмэлнүүдэй алдар нэрэ нэрлүүлэн, энэ дэлхэйдэ ерэхэдээ, таанадһаа Өөрөөшье эшэхэб.

Иоанн 15:27

Мүн таанаршье Минии гэршэ болохот, ушарынь хэлэбэл, эгээл эхинһээ Намтай суг байгаа ха юмта.

Иоанн 19:35

Таанарайшье үнэншэхын тула бараниие өөрынгөө нюдөөр хараһан хүн энээн тухай хөөрөө бэлэй. Тэрэ хүнэй гэршэлэн харуулһаниинь үнэн зүб юм, үнэн зүб юумэ хэлэнэб гэжэ тэрэ хүн мэдэнэ.

Хэрэгүүд 5:41

Иисүүсэй нэрэ алдарай түлөө иигэжэ доромжолуулан зобохонь зохистой гэжэ тоолоһон элшэнэр баяртайгаар Зүблэлэй суглаанһаа гаража ошобод.

Римэйхиндэ 1:16

Һайн Мэдээсэл тухай номнохоёо би эшэнэгүйб. Ушарынь юуб гэхэдэ, тэрэ һүзэглэһэн хүн бүхэниие, нэн түрүүн еврейнүүдые, тиихэдэ баһал бусад арадуудые абарха Бурханай һүр хүсэн юм.

Римэйхиндэ 16:25

Бурханда магтаал соло дуудая! Тэрэ болбол Иисүүс Христоос тухай минии номноһон Һайн Мэдээсэлэй ёһоор танай һүзэгые бэхижүүлхэ аргатай. Урдань тэрэ Һайн Мэдээсэл үни удаан саг соо далда нюуса байгаа.

Римэйхиндэ 8:36

«Танай түлөө бидэниие үдэр бүри алана, үүсэлэн гаргуулха хонид мэтэ болообди», – гэжэ Нангин Бэшэг соо хэлэгдэнэ.

Римэйхиндэ 9:33

Бурхан Нангин Бэшэг соо тон тиигэжэ хэлэнэ: «Хара даа! Би Сион дээрэ хүнүүдэй бүдэрдэг шулуун, хүнүүдэй торожо унадаг шулуун табинаб. Харин Тэрээндэ һүзэглэһэн хүн хэзээдэшье урмаа хухархагүй».

Коринфынхидтэ 1-дэхи 1:6

Тиигэжэ Христоос тухай гэршэлһэнэймнай үнэн зүб байһаниинь таанадта баталагдаба.

Коринфынхидтэ 2-дохи 6:7

Бидэ үнэн зүбые хэлэдэгбди, Бурханай һүр хүсэн манаар дамжан ажалладаг. Үнэн сэдьхэлнай – манай добтолхошье, бэеэ хамгаалхашье хуяг дуулга мүн.

Эфесэйхиндэ 3:1

Тиимэл шалтагаанаар би, Павел, еврей бэшэ таанадай түлөө Иисүүс Христоосһоо боложо хаалтада һуунаб.

Эфесэйхиндэ 3:13

Тиимэһээ минии тулижа, зобожо байһанда урмаа бү хухарагты гэжэ би таанадые гуйнаб. Минии зоболон танай аша туһада юм.

Эфесэйхиндэ 4:1

Эзэндэ алба хэжэ байһан дээрэһээ хаалтада һууһан би Бурханай таанадта даалгаһан уялгада зохистойгоор амидарагты гэжэ ехэтэ гуйнаб.

Эфесэйхиндэ 4:17

Дэмы хооһон бодолтой, оюун ухааниинь балартаһан ондоо яһатанда адли бэеэ абажа ябахаяа болигты гэжэ би таанадые Эзэнэй нэрээр гуйнаб. Сэдьхэл зүрхэниинь шулуундал адли шэрүүн байжа, Бурханиие мэдэрхэ гэжэ огто хүсэхэгүй байһан дээрэһээ тэдэнэр Бурханай хайрлажа байһан амидаралһаа хасагдаба.

Филиппынхидтэ 1:7

Таанад хододоо минии зүрхэ сэдьхэл соо оршонот! Тиимэһээл иигэжэ таанадта һанаагаа табижа байдагни зүб юм. Түрмэдэшье байхадамни, Һайн Мэдээсэлые хамгаалха, хатуугаар баталха эрхэ сүлөөтэйшье байхадамни, та бүгэдэ намда Бурханай даалгаһан ажалда хабаадалсажа туһалжа ябадаг һэнта.

Филиппынхидтэ 3:10

Христоосые, Тэрэниие амидыруулһан хүсые мэдэрхэ гэжэ хүсэнэб. Тэрээндэл адляар зобохо, Тэрээндэл адляар үхэхэ дуратай байнаб,

Филиппынхидтэ 4:13

Христоосой намда үршөөжэ байһан хүсэ шадалаар би ямаршье байдалые дабаха аргатайб.

Колоссынхидтэ 1:11

Тэрэнэй алдарта хүсэ шадалаар бэхижэн, таанад аргагүй ехэ тэнхээ тэсэбэритэй болохот. Тиимэһээ тэнгэриин гэрэл туяада Өөрынгөө һунгаһан хүнүүдтэ бэлдээд байһан юумые хубаалсаха эрхэ таанадта үгэһэн Эсэгэ Бурхандаа баяртайгаар баясхалан хүргэгты.

Колоссынхидтэ 1:24

Мүнөө би таанадай түлөө зоболон эдлэжэ байхадаа жаргалтай байнаб, ушарынь ямар бэ гэхэдэ, Христоосой бэень болохо һүзэглэгшэдэй бүлгэмэй түлөө би Христоостол адляар зобоноб, тиихэдээ дутуу зоболонгуудые хүсэлдүүлжэ байнаб.

Фессалоникиинхидтэ 1-дэхи 3:4

Түрүүн таанадтай хамта байхадаа хашуулан мүрдүүлхэбди гэжэ бидэ уридшалан хэлээ һэмди. Тон тиимэл юумэн ушараа.

Тимофейдэ 2-дохи 1:10

Харин мүнөө манай Абарагша Иисүүс Христоосой ерэхэдэнь, тэрэ үршөөлынь эли болоо. Христоос Иисүүс үхэлые туйлажа, Һайн Мэдээсэлэй ашаар бүхы хүнүүдтэ мүнхын амидарал үршөөгөө.

Тимофейдэ 2-дохи 1:12

Тиимэһээ би иигэжэ тулижа зобожо байнаб, зүгөөр би эшэжэ улайнагүйб. Ушарынь юуб гэхэдэ, хэндэ һүзэглэжэ байһанаа би мэдэнэб, намда даалгаһан юумэеэ тэрэ Үдэр болотор Иисүүс Христоос хадагалжа шадаха гэһэн этигэлтэйб.

Тимофейдэ 2-дохи 1:16

Гэхэтэй сасуу оло дахин һанааемни заһажа байһанайнь түлөө Эзэн Онисифорой гэр бүлэдэ үршөөл хайраа харуулһай даа. Түрмэдэ һуужа байна гээд тэрэ намһаа эшэжэ зобожо байгаагүй,

Тимофейдэ 2-дохи 2:3

Иисүүс Христоосой үнэн сэхэ сэрэгшэдэл адляар зоболонгуудые дабажа байгаарай.

Тимофейдэ 2-дохи 2:8

Минии номноһон Һайн Мэдээсэлэй ёһоор үхөөд амидырһан Давидай үри һадаһан болохо Иисүүс Христоосые һанажа байгаарай.

Тимофейдэ 2-дохи 2:9

Тэрэл Һайн Мэдээсэлэй түлөө би зобожо, үшөө тиихэдэ дээрмэшэндэл мэтэ гэнжээр хүлеэтэй байнаб. Зүгөөр Бурханай үгые гэнжээр хүлихэ аргагүй.

Тимофейдэ 2-дохи 4:17

Тэрэ үедэ Эзэн намтай байжа, намайе зоригжуулаа. Тиимэһээ би Бурханай үгэ бусад арадуудай бултанайнь дуулахаар гүйсэд номнохо шадалтай байгааб. Бурхан намайе үхэлэй һабарһаа аршалаа.

Тимофейдэ 2-дохи 4:5

Харин ши ямаршье ушарта бэеэ барижа, зоболонгуудые дабажа, Һайн Мэдээсэл дэлгэрүүлхэ ажалаа бүтээжэ, Бурханай зарасын дүүргэхэ ёһотой уялга гүйсэдхэжэ байгаарай.

Пётрой 1-дэхи хандалга 1:5

Бурханай хүсэн этигэл һүзэгэйтнай ашаар сагай эсэстэ абаралгада хүртэтэртнай таанадые һахижа байна.

Иоаннай 1-дэхи хандалга 4:14

Эсэгэ Бурхан газар дэлхэйе Абарагша болгон, Хүбүүгээ эльгээгээ гэжэ бидэ хараабди, гэршэлэн баталнабди.

Иудын хандалга 1:24

Таанадые нүгэлдэ унахаһаатнай аршалжа, Өөрынгөө Алдарай урда тээ хирэгүй сэбэр, баяртай байлгажа шадаха,

Гэршэлгэ 1:2

Иоанн хараһан үзэһэнөө бултыень үнэн зүб гэжэ баталба. Энэнь Бурханай үгэ, Иисүүс Христоосой гэршэлгэ мүн.

Гэршэлгэ 1:9

Би Иисүүсэй шаби, Иоанн ахатнай гээшэб. Бурханай хаан түрын эрхэтэн мүн туладаа би таанартал адляар зобон тулижа, тэбшэн тэсэжэ байнаб. Бурханай үгэ номноһонойнгоо, Иисүүсые гэршэлһэнэйнгээ түлөө би Патмос гэжэ олтирогто сүлэгдөө һэм.

Гэршэлгэ 12:11

Манай аха дүүнэр Үргэлэй Хурьганай шуһаар, мүн гэршэлһэн үгөөрөө тэрэ гэмнэгшые илаа. Аха дүүнэрнай ами наһаа гамнаагүй, үхэлһөө айгаагүй.

Гэршэлгэ 19:10

Би газарта һунан хэбтэжэ, хүлдэнь мүргөөб. Теэд тэрэ намда хэлэбэ: «Иимэ юумэ бү хээрэй, мэдэжэ бай! Би Иисүүс тухай гэршэлдэг шамтайл адли, шинии аха дүүнэртэл адли зарасань гээшэб! Бурханда һүгэдэн мүргэ! Иисүүс тухай гэршэлэгшэд лүндэншэдые урмашуулдаг һүлдэтэй».