Тимофейдэ 1-дэхи 6:2 - Библи

² Христоосто һүзэглэдэг эзэнэй богоолшолгодо байһан барлаг нэгэ һүзэгтэй эзэнтэй байһан ушарһаа эзэндээ хайхарамжагүйгөөр хандаха ёһогүй. Тэрээнһээ гадна, һүзэгтэй, Бурханай хайра дурада хүртэһэн хүндэ алба хэжэ байһандаа бүришье оролдосотойгоор ажаллаха ёһотой. Ши тиигэжэл хүнүүдые һургажа, идхажа байгаарай.

Шэнэ Хэлсээн

² Христосто һүзэглэдэг эзэнэй харьяалда байһан барлаг эзэнтэйгээ аха дүүнэр байһан ушарһаа эзэнээ хүндэлхэ ёһотой. Тэрээнһээ гадна, һүзэгтэй, Бурханай хайра дурада хүртэһэн хүндэ алба хэжэ байһан хадаа бүришье оролдосотойгоор ажаллаха ёһотой юм. Ши тиигэжэл хүнүүдые һургажа, идхажа байгаарай.

Тимофейдэ 1-дэхи 6:2 Referencias Cruzadas

Ёһээл 2:28

Би Өөрын Һүлдөөрөө хүн бүхэниие нэбтэрүүлхэб. Таанадай хүбүүд басагад зүн бэлиг мэдэдэг болохо, үбгэд хүгшэдтнай зүүдэ зүүдэлхэ, залуушуултнай үзэгдэл үзэжэ захалха.

Тоололго 16:3

Тэдэнэр булта Моисей Аһароон хоёрто ерээд, иигэжэ хэлэбэд: – Болигты бидэндэ һургаал заабари хэлэхэеэ! Бидэнэр булта нангин бүлгэм гээшэбди! Маанадай дунда Эзэн байна! Таанад Эзэнэй арадһаа юугээрээ үлүү дээрэ болошоо юмта?

Матвей 23:8

Теэд таанарай хэншье багша гэжэ өөрыгөө нэрлүүлхэ ёһогүй, юундэб гэбэл, таанар ори ганса багшатайт, тиин таанад бултадаа аха дүүнэр гээшэт.

Матвей 25:40

Тиихэдэнь хаан: «Эгээлэй юрын Минии дахагшадай нэгэндэнь тиимэ һайн юумэ хэхэдээ, таанад Намдашье һайниие хээ гээшэт», – гэжэ харюусаха.

Матвей 6:24

Хэншье хоёр эзэндэ зарагдажа шадахагүй: нэгэн гэбэл, таанад нэгэ эзэндээ дурагүй, нүгөөдэдөө дуратай байхалта; али үгышье һаа, нэгэ эзэндээ дуратайгаар, нүгөөдэдөө дурагүйгөөр ажаллаха бшуут. Таанад Бурханда болон эд зөөридэ нэгэ зэргэ алба хэжэ шадахагүйлта.

Хэрэгүүд 1:15

Хэдэн хоногой удаа зуун хорёод һүзэглэгшэдэй суглараад байхада Пётр бодожо хэлэбэ:

Римэйхиндэ 11:17

Һуулгагдаһан модоной зарим һалаануудыень таһалаад, орондонь зэрлиг оливай һалаануудые һуурижуулба ха. Бусад арадуудай түлөөлэгшэ таанад эгээл тэрэ зэрлиг оливай модотой адлит, мүнөө таанад үндэһэндэ, шэмэ шүүһэндэ баһа хабаатай болобот.

Римэйхиндэ 8:29

Бурханай шэлэжэ абаһан хүнүүд Хүбүүндэнь адли байха табилантай, тиин Хүбүүниинь олон һүзэглэгшэ аха дүүнэрэй дунда ууган Хүбүүниинь байха.

Галадуудта 5:6

Иисүүс Христоосой ашаар абарагдаха һанаатай байбал, бэлгээ отолуулаа гүбди, али отолуулаагүй гүбди – ямаршье илгаагүй юм, гансал хайра дура үгэдэг этигэл шухала юм.

Эфесэйхиндэ 1:1

Иисүүс Христоостой нэгэдэһэн Эфес хотын һүзэгтэй Бурханай хүнүүд, Бурханай эрхэ мэдэлээр Иисүүс Христоосой элшэн болоһон Павел таанадые амаршална.

Эфесэйхиндэ 1:15

Тиимэһээ таанадай Эзэн Иисүүстэ һүзэглэжэ, Бурханай хүнүүдые бүгэдыень энхэржэ хайрлажа ябадаг тухай дуулахадаа,

Эфесэйхиндэ 3:6

Тэрэнь бусад арадууд Һайн Мэдээсэлэй ашаар баһал Бурханай үршөөлдэ хүртэхэ, тэдэнэр баһал нэгэ бэеын эрхэтэн болохо, Бурханай Иисүүс Христоосоор дамжуулһан найдуулга баһа тэдэндэ үгтэхэ гэһэн удхатай юм.

Колоссынхидтэ 4:1

Эзэд, өөһэдынгөө барлагуудта үнэн сэхээр хандагты. Таанад өөһэдөө тэнгэридэ Эзэнтэй байһанаа мэдэнэт.

Фессалоникиинхидтэ 2-дохи 1:3

Аха дүүнэрни, таанадай түлөө бидэ үргэлжэ Бурханда баясхалан хүргэжэ байха ёһотойбди. Юундэб гэхэдэ, таанад бүри эршэтэйгээр Бурханда һүзэглэжэ байнат, бүри ехээр бэе бэеэ хайрланат.

Тимофейдэ 1-дэхи 4:11

Эдэ бүхэниие хүнүүдтэ захи, эдэ бүхэндэ хүнүүдые һурга.

Тимофейдэ 1-дэхи 5:1

Наһатай хүнүүдтэ хатуу үгэ бү хэлэ, харин эсэгэдээл адляар хандажа бай. Шамһаа залуу хүбүүдтэ өөрынгөө дүүнэртэл адли ханда,

Тидтэ 2:1

Харин ши үнэн бодото һургаалые номножо байгаарай.

Тидтэ 2:15

Эдэ юумэнүүдтэ һургажа, бүхы эрхэ засагаа хэрэглэн, шагнагшадаа зоригжуулжа, шүүмжэлэн элирүүлжэ байгаарай. Шамайе хэншье доогуур бү хараг.

Тидтэ 3:8

Энэ хэлээшэмнай үнэн. Үлзытэй хэрэгүүдые оролдосотойгоор бүтээжэ байхыень Бурханда һүзэглэһэн хүнүүдые ши идхан һургажа байгаарай. Иимэ хэрэгүүд зондо ехэл аша туһатай, һайн.

Еврейнүүдтэ 3:1

Бурханай баһал Өөртөө дуудаһан арюун гэгээн аха дүүнэрни! Баримталжа байһан һүзэгэймнай Ахамад Санаарта болгогдон эльгээгдэһэн Иисүүс тухай һанажа байгты.

Еврейнүүдтэ 3:14

Хэрбээ бидэ эхилһэн амидаралаа һүүл болоторнь хатуугаар баримталжа байбал, Христоосто хабаатай болонобди.

Пётрой 1-дэхи хандалга 5:1

Мүнөө би танай һүзэглэгшэдэй бүлгэмэй хүтэлэгшэдтэ ханданаб. Би өөрөө бүлгэмэй хүтэлэгшэб, Христоосой зобохыень хараа һэнби, һаядаа элирхэйлэгдэхэ Тэрэнэй алдарые хубаалсахаб.

Пётрой 2-дохи хандалга 2:10

Илангаяа энэнь бэеынгээ харата хүсэлэнгүүдэй мэдэлдэ байдаг, Бурханай эрхэ засагые тоодоггүй хүнүүдтэ хабаатай. Тэдэ убайгүй, һэшхэлгүй хуурмаг һургагшанар огторгойншье хүсэнүүдые доромжолхоёо айдаггүй.

Иудын хандалга 1:8

Тэдэнэй хэһээлтэ хүн бүхэндэ һэргылэмжэ болоно. Тэдэ зондол адли өөһэдынгөө үзэгдэлнүүдые баримталан, хуурмаг һургагшад бэеэ бузарлуулна, засаг буруушаана, огторгойн хүсэнүүдые муушална.