Тимофейдэ 1-дэхи 5:8 - Библи

⁸ Өөрынгөө аба эжыдэ, илангаяа гэр бүлэдөө һанаагаа табидаггүй хүн һүзэгһөө арсаба, тиимэ хүн һүзэглэдэггүй хүнһөө доро гээшэ.

Шэнэ Хэлсээн

⁸ Өөрынгөө аба эжыдэ, илангаяа гэр бүлэдөө һанаагаа табидаггүй хүн этигэл һүзэгһөө арсаба, тиимэ хүн һүзэглэдэггүй хүнһөө доро гээшэ.

Тимофейдэ 1-дэхи 5:8 Referencias Cruzadas

Эхин 30:30

Ерэхэдэм мал һүрэгтнай хэды үсөөн һэм, харин мүнөө хэды шэнээн олон болоо гээшэб! Минии ерэһэндэ Эзэн таниие иигэжэ үреэн үршөөгөө! Харин би өөрын зөөри зөөшэтэй болохын тула өөртөө хэзээ хүдэлхэ, ажаллаха хүмбиб?!

Исай 58:7

Үлэсхэлэн хооһонтой эдеэ хоолоо хубаалдан, орохо гэргүй ядуу зониие гэртээ оруулагты. Хубсаһагүй зониие харабал, хубсалуулагты, түрэлхидтөө туһалагты.

Матвей 18:17

Тэдэнииешье дуулахаяа арсабалнь, һүзэглэгшэдэй бүлгэмдэ дуулга. Хэрбээ һүзэглэгшэдэй бүлгэмые дуулахаяа арсабалнь, ши тэрэ хүндэ ондоо яһатанай хүндэ гү, али алба татаашада хандаһандал адляар хандажа бай.

Матвей 7:11

Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэтнай эрижэ байһан хүндэ бүришье бэлэнээр һайн һайханиие үршөөхэ бэшэ аал?

Иоанн 15:22

Хэрбээ эдэ зондо Минии ерэжэ, хөөрэлдөөгүй һаа, тэдэ нүгэл хилэнсэггүй байха һэн, харин мүнөө тэдэнэр нүгэлнүүдэйнгөө түлөө хүлисэл гуйжа шадахагүй.

Коринфынхидтэ 1-дэхи 6:6

Харин тиихэдэ һүзэглэгшэ хүн һүзэглэгшэ аха дүүгэйнгээ урдаһаа зарга барижа, үшөө тиихэдэ һүзэггүй зоноор асуудалаа шиидхүүлжэ байна.

Коринфынхидтэ 2-дохи 12:14

Гурбадахияа таанадтай ошожо уулзахаяа би бэлэн байнаб, тиихэдээ ашаан болохогүйб. Би алта мүнгэндэтнай һанаарханагүйб, харин өөһэдыетнай бэдэрнэб. Үхибүүд аба эжыдээ алта мүнгэ суглуулха бэшэ, харин аба эжынь үхибүүдтээ суглуулжа байха ёһотой.

Коринфынхидтэ 2-дохи 6:15

Яажа Христоос шолмостой эбтэй эетэй байжа шадахаб? Яажа һүзэгтэй зон һүзэггүй зонтой эблэржэ шадахаб?

Галадуудта 6:10

Арга боломжотой байхадаа бүхы хүнүүдтэ, илангаяа өөрынгөө бүлгэмэй һүзэглэгшэдтэ үлүү ехээр һайниие хэжэ ябагты.

Тимофейдэ 2-дохи 2:12

Хэрбээ бидэ зоболонгуудые дабажа байбал, Тэрээнтэйл хамта зонхилхобди. Хэрбээ бидэ Тэрээнһээ арсабал, Тэрэ баһал бидэнһээ арсаха.

Тимофейдэ 2-дохи 3:5

Бурханда һүзэглэһэн хэбэр үзүүлээд, үнэн дээрээ сэдьхэлдээ ямаршье һүзэггүй хүнүүд байха. Тиимэ хүнүүдһээ зайсажа байгаарай.

Тидтэ 1:16

Тэдэнэр Бурханиие мэдэнэбди гэдэг, харин үйлэ хэрэгүүдынь Бурханиие мэдэхэгүй байһыень харуулна. Тэдэ хүнүүд Бурханда жэрхэдэһэтэй байна. Тэдэнэр мэдэлдэ оросогүй, ямаршье һайн юумэ хэжэ шадахагүй хүнүүд юм.

Пётрой 2-дохи хандалга 2:1

Урдань израильшуудай дунда хуурмаг лүндэншэдэй элирдэгтэл адляар таанадай дунда хуурмаг һургагшад байха. Тэдэнэр зүб замһаа хадууруулдаг хуурмаг һургаалнуудые нюусаар асарха, тэдэниие эрхэ сүлөөтэй болгоһон Эзэнһээ арсаха, тиигэжэ тэдэнэр өөһэдтөө түргэн хосорол олохо.

Иудын хандалга 1:4

Өөһэдынгөө харата хэрэгүүдые сагааруулха зорилготойгоор Бурханаймнай буян хэшэг тухай һургаалые хазагайруулдаг, буруу болгодог, манай Захирагша болон Эзэн Иисүүс Христоосые буруушаадаг һүзэг шүтөөнгүй зарим хүнүүд бидэнэй дунда шургажа ороо. Тэдэ зон хэһээлтэдэ орохо гэжэ Нангин Бэшэг соо эртэ урдын сагһаа хойшо бэшээтэй байдаг.

Гэршэлгэ 2:13

таанад сатанагай хаан шэрээгэй газарта байдагта гэжэ Би мэдэнэб. Зүгөөр таанад Намда үнэн сэхээр хандадагта, сатанагай байдаг газартатнай Минии үнэн сэхэ гэршэ Антипын алуулһан үдэрнүүдтэшье Намһаа арсаагүйт.

Гэршэлгэ 3:8

танай бүтээһэн үйлэ хэрэгые мэдэнэб, – тиин Би урда тээхи үүдыетнай нээбэб, тэрэниие хэншье хаажа шадахагүй, юундэб гэхэдэ, таанад хүсэ багатайшье һаа, Минии һургаал сахинат, Минии һургаалһаа арсаагүйт.