Тимофейдэ 1-дэхи 5:10 - Библи

¹⁰ дэмбэрэлтэй хэрэгүүдээрээ суутай байха ёһотой: үхибүүдээ һайн хүмүүжүүлһэн, аяншадые гэртээ амаруулжа байһан, бусад һүзэглэгшэдэй урда өөрынгөө уялгануудые дүүргэжэ, зобожо байһан зондо туһалжа, өөрыгөө үлзытэй һайхан хэрэгүүдтэ зорюулжа байха ёһотой.

Шэнэ Хэлсээн

¹⁰ һайн һайхан үйлэ хэрэгүүдээрээ суурхаһан байха ёһотой: үхибүүдээ һайн хүмүүжүүлһэн, аяншадые гэртээ амаруулжа байһан, бусад һүзэглэгшэдэй урда өөрынгөө уялгануудые дүүргэжэ, зобожо байһан зондо туһалжа, өөрыгөө үлзытэй һайхан хэрэгүүдтэ зорюулжа байха ёһотой.

Тимофейдэ 1-дэхи 5:10 Referencias Cruzadas

Эхин 18:4

Таанадта хүлөө угааха уһа асарха. Модоной һүүдэртэ амархат.

Эхин 19:2

– Хүндэтэ айлшад, мэндээ! Аян замтнай амгалан гү? Хайраараа орхингүй, минии, танай богоолой, гэртэ орыт. Манайда хонолго табижа, хүлөө угаажа амараад, эдеэ хоол барихыетнай уринаб. Тиигээд үглөөгүүр аян замдаа гарана бэзэт. – Үгы, – гэжэ тэдэ харюусаба. – Танайда орожо, түбэг ушараажа байһамнай үлүү. Бидэнэй газаашье хоноходо болохо.

Эхин 24:32

Абраһаамай зарасанар гэртэнь ошожо оробо. Лаваан тэмээнүүдэйнь ашаа буулгаад, үбһэ тэжээлтэй хашаа руу оруулба. Тиигээд тэрэ айлшандаа мүн суг ябаһан зондонь хүлөө угааха уһа үгэбэ.

Эхин 43:24

бүгэдыень Иосифой гэртэ уриба, хүлнүүдээ угаахыень уһа асарба, тиихэдэнь тэдэ хүлөө угаажа амарба. Зараса элжэгэнүүдтэнь тэжээл үгэбэ.

Псалманууд 119:4

Шатажа байгаа нүүрһэтэй сэрэгшэ хүнэй хурса годли!

Исай 1:17

Һайн хэрэгүүдые хэжэ һурагты. Үнэн зүбөөр хэрэг ябуулагты: дарлалта доро байгаашада туһалагты, үншэн хэнзые аршалагты, бэлбэһэн эхэнэрые үмэглэгты».

Левит 25:35

Хэрбээ аха дүүнэршни үгырөөд, шамда ерээ һаань, туһа хүргэ, ондоо тээһээ ерэһэншье байг, хүдөө ажаһуудагшье байг, шамтай сугтаа байг.

Матвей 25:17

Тэрээндэл тон адляар хоёр мянган алтан мүнгэ абаһан зарасань мүнгэеэ эрьесэдэ оруулаад, үшөө хоёр мянган алтан мүнгэнэй ашаг олзо олобо.

Матвей 5:16

Энээндэл адляар танай гэрэл туяа улад зоной урда гэрэлтэжэ байхань болтогой, тиигэбэл дэмбэрэлтэ һайхан хэрэгүүдыетнай зон хараад, тэнгэридэхи Эсэгэдэтнай магтаал соло дуудахал.

Лука 7:38

Тиигээд Иисүүсэй ара талада хүлдэнь һуугаад, уйлажа байгаад, нюдэнэйнгөө нулимсаар хүлыень угааба, толгойнгоо үһөөр аршан, таалан, һайхан хангалтай тоһо хүлдэнь түрхибэ.

Лука 7:44

Тиигээд эхэнэр тээшэ эрьелдэн, Симондэ хэлэбэ: – Энэ эхэнэрые харана гүш? Танайда ороходом, ши хүл угааха уһа үгөөгүйш, харин энэ эхэнэр нюдэнэйнгөө нулимсаар хүлыем угаагаад, үһөөрөө аршаа.

Хэрэгүүд 10:22

– Бидэниие зуунай дарга Корнелий эльгээгээ. Тэрэ үнэн сэдьхэлтэн, Бурханда һүзэглэдэг хүн, тэрэниие бүхы еврей зон ехээр хүндэлдэг. Хэлэһэн юумыетнай Корнелиин шагнахын тула Бурханай Эльгээмэл тэрэниие танда эльгээжэ, таниие гэртээ дуудажа асархыень захираа, – гэжэ харюусабад.

Хэрэгүүд 22:12

Тэндэ Хуули хэшээлтэйгээр сахидаг Анания гэжэ хүн намда ерээ. Тэрэ хүниие Дамааскын бүхы еврейнүүд ехэ хүндэлдэг юм.

Хэрэгүүд 6:3

Аха дүүнэр, Арюун Һүлдөөр дүүрэһэн, сэсэн ухаатай долоон эрэшүүлые өөһэдынгөө дундаһаа шэлэжэ абагты. Тиихэдэтнай бидэ энэ хэрэгые тэдэндэ даалгахабди,

Хэрэгүүд 9:36

Яафа хотодо Табитаа гэжэ нэрэтэй нэгэ шаби басаган ажаһуугаа. (Табитаа гээшэнь «Зээрэн» гэһэн удхатай) Тэрэ басаган хүнүүдтэ һайе хэдэг, ядарһан дуталдаһан зондо туһалдаг байгаа.

Хэрэгүүд 9:39

Пётр дары тэдэнтэй ошолсобо. Тэрэнэй ерэхэтэй сасуу дээдэ дабхарай таһалгада хүргэбэ. Тэндэ сугларһан бэлбэһэн эхэнэрнүүд Пётрые тойрожо, уйлалдан, тэрээндэ Газель басаганай амиды ябахадаа нэхэжэ оёһон олон суба болон элдэб янзын хубсаһануудые харуулба.

Римэйхиндэ 12:13

Дуталдажа байһан һүзэглэгшэдтэй хубаалсажа, аяншадые гэртээ оруулан хүндэлжэ байгты.

Эфесэйхиндэ 2:10

Ямар байнабди, тиимээр Бурхан бидэниие бүтээгөө, бидэниие Иисүүс Христоостой нэгэдүүлэн һайн һайхан хэрэгүүдые хэдэг заншалтай байхыемнай анханһаа түлэблэн бүтээгөө.

Колоссынхидтэ 1:10

Тиигэбэл таанад Эзэнэй хүсэһэн ёһоор ажамидаржа, Тэрээндэ һайшаагдаха юумые хэжэ байхат. Таанад дэмбэрэлтэй хэрэгүүдые бүтээжэ, Бурханиие бүрил һайн мэдэрдэг болохо һэнта.

Тимофейдэ 1-дэхи 2:10

харин шажан Бурханда зорюулһан эхэнэрнүүдтэл зохихо үлзытэй һайхан үйлэ хэрэгүүдээр өөһэдыгөө шэмэглэжэ байхыень хүсэжэ байнаб.

Тимофейдэ 1-дэхи 3:2

Гэхэтэй сасуу һүзэглэгшэдэй бүлгэмэй хүтэлэгшэ ямаршье гэмгүй, гансал һамгатай, ухаансар, бэеэ баридаг, ехэ томоотой, аяншадые угтажа абадаг, хүнүүдые һургаха абьяастай,

Тимофейдэ 1-дэхи 3:7

Тиихэдээ муугаар хэлүүлхэгүйн тула, шолмосой һабарта орохогүйн тула тэрэ хүн һүзэглэгшэдэйнгөө бүлгэмһөө гадна зоной дунда хүндэтэй байха ёһотой.

Тимофейдэ 1-дэхи 5:16

Хэрбээ Христоосто һүзэглэгшэ эхэнэрэй түрэлхидэй дунда бэлбэһэн эхэнэрнүүд байбал, тэдэниие һүзэглэгшэдэй бүлгэмэй ашаан болгонгүй, өөһэдөө тэдээндээ анхаралаа хандуулха ёһотой. Һүзэглэгшэдэй бүлгэм ори гансаараа үлэһэн бэлбэһэн эхэнэрнүүдтэл анхаралаа хандуулха ёһотой.

Тимофейдэ 1-дэхи 5:25

Тон тэрээндэл адли һайн хэрэгүүдэй зариманиинь мүнөө эли байна, зүгөөр эли бэшэ байһаниинь һүүлдэ элирэн гараха.

Тимофейдэ 1-дэхи 6:18

Дэмбэрэлтэ һайхан юумэ хэжэ, үлзы һайхан хэрэгүүдээрээ баяжажа, бардам гартай, бусад хүнүүдтэй юумээрээ хубаалсахада бэлэн байхыень заабаришалжа бай.

Тимофейдэ 2-дохи 1:5

Үнэн зүрхэнһөө Бурханда һүзэглэдэг байһыешни би һананаб. Лоида хүгшэн эжышни, Эвниикэ эхэшни үнэн зүрхэнһөө һүзэглэдэг бэлэй. Шишье баһал тиимэ һүзэгтэйш гэжэ би этигэнэб.

Тимофейдэ 2-дохи 2:21

Хүнүүдшье баһал тиимэ. Зарим хүнүүд нүгэл хэхэеэ болижо, арюун сэбэр болоод, тусхай хүнүүд болодог. Тэдэнэй ажамидарал Бүтээгшэдэ таатай арюун гэгээн байдаг, тэдэ ямаршье һайн һайхан хэрэгүүдые хэхэдэ бэлэн байдаг.

Тимофейдэ 2-дохи 3:15

шинии үхибүүн байха сагһаа мэдэдэг Нангин Бэшэг шамайе һургажа, сэсэн ухаатай болгоно. Тиин тэрэ ухаан Иисүүс Христоосто этигэһэн һүзэгэйшни ашаар шамайе абарна.

Тимофейдэ 2-дохи 3:17

Тиимэһээл Бурханда алба хэһэн хүн бүхэн ямаршье буянтай һайхан хэрэгүүдые хэхэдэ бэлэн байха.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Тидтэ 2:7

Ши өөрөө һайн хэрэгүүдээрээ алишье юумэндэ жэшээ харуулжа байха ёһотойш. Һургажа байхадаа, үнэн сэхэ, томоотой байгаарай.

Тидтэ 3:1

Засаглагша болон захирагшадай үгыень дуулажа, эрхэ мэдэлдэнь байхые, ямаршье сагта дэмбэрэлтэ һайхан хэрэгүүдые хэхээр бэлэн байхые һүзэглэгшэ зондо һануулжа байгаарай.

Тидтэ 3:14

Манай хүнүүд өөһэдтөө шухала хэрэгтэй юумэ хэжэ, буянтай һайхан хэрэгүүдые бүтээн, сагаа үнгэргэжэ һураха ёһотой. Тэдэнэр удхагүй дэмыгээр ажамидарха ёһогүй.

Тидтэ 3:8

Энэ хэлээшэмнай үнэн. Үлзытэй хэрэгүүдые оролдосотойгоор бүтээжэ байхыень Бурханда һүзэглэһэн хүнүүдые ши идхан һургажа байгаарай. Иимэ хэрэгүүд зондо ехэл аша туһатай, һайн.

Еврейнүүдтэ 10:24

Хүнүүдэй бэе бэедээ анхарал табижа, бэе бэедээ инаг хайраяа харуулхадань, дэмбэрэлтэй һайхан юумэ хэхэдэнь туһалжа байял.

Еврейнүүдтэ 13:2

Аяншадые гэртээ угтан оруулхаяа бү мартагты. Тиигэжэ зарим хүнүүд өөһэдөөшье мэдэнгүй Эльгээмэлнүүдые гэртээ айлшалуулһан байна.

Пётрой 1-дэхи хандалга 2:12

бусад арадуудай дунда өөһэдыгөө һайн абажа ябагты гэжэ гуйнаб. Тиигэбэлтнай, мүнөө таанадые нүгэл хэгшэд гэжэ хардажа байһан зон таанадай дэмбэрэлтэй хэрэгүүдые харахадаа, Бурханай газар дэлхэй руу хүнүүдые шалгахаяа ерэхэдэнь, Тэрэниие алдаршуулха.

Пётрой 1-дэхи хандалга 4:9

Бэе бэеэ гэртээ айлшалуулхадаа, элдэбээр бү гэмэрэлдэгты.

Иоаннай 3-дахи хандалга 1:12

Дэмээтрэ тухай бултадаа имагтал һайн юумэ хэлэнэ. Үнэн зүб ушар энээниие мүн лэ гэршэлнэ. Бидэшье баһа тиигэжэл хэлэнэбди, бидэнэй хэлэһэн гэршэ үгэнүүд үнэн зүб байдаг гэжэ ши мэдэнэш.