Тимофейдэ 1-дэхи 3:16 - Библи

¹⁶ Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Арюун Һүлдэ харуулаа, Тэрэ Өөрыгөө Эльгээмэлнүүдтэ харуулаа. Арадуудай дунда Тэрээн тухай номноо, бүхы газар дэлхэйн зон Тэрээндэ этигээ, тиигээд Тэрэ тэнгэридэ дэгдээ.

Шэнэ Хэлсээн

¹⁶ Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Нангин Һүлдэ харуулаа, Тэрэ өөрыгөө Эльгээмэлнүүдтэ харуулаа. Арадуудай дунда тэрээн тухай номноо, бүхы газар дэлхэйн зон тэрээндэ этигээ, Тиигээд тэрэ тэнгэридэ дэгдэһэн байгаа.

Тимофейдэ 1-дэхи 3:16 Referencias Cruzadas

Исай 7:14

Зай, тиигээ хадатнай Эзэн Өөрөө таанадта дүлгэ тэмдэг үгэхэ. Анхарагты! Басаган хээлитэй болоод, хүбүү түрэхэ, тэрээниие Эммануил гэжэ нэрлэхэ.

Исай 9:6

Бидэндэ үхибүүн түрэбэ! Бидэндэ хүбүүн үгтэжэ байна. Тэрэ манай удамарша болохо. Тэрэ Гайхамшагта үзэгдэл Түсэблэгшэ, Хүсэтэ Бурхан, Хэтэ мүнхэ Эсэгэ, амгалан байдалай Ударидагша гээд нэрлэгдэхэ.

Михей 5:2

«Эпраата гэдэг Бэтлэһээм, Иудын мянгаад һууринуудай эгээл бага һууринь ши гээшэш», – гэжэ Эзэн айладхана. Гэбэшье шинии улад зонһоо Эзэн нэгые шэлэжэ, бүхы Израилиин удамаршаар табиха. Тэрэ хүнэй угынь урдын урда сагһаа эшэ үндэһэтэй.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Матвей 13:11

Тиихэдэнь Иисүүс иигэжэ харюусаба: – Огторгойн хаан түрэ тухай гүн нюусанууд таанадтал тайлбарилагдана.

Матвей 28:2

Гэнтэ тэндэнь газар аймшагтайгаар хүдэлбэ, тиин Эзэнэй Эльгээмэл огторгойһоо бууба. Тэрэ агы нүхэ хааһан шулууе хажуу тээшэнь үмхирүүлээд, дээрэнь һууба.

Матвей 3:16

Уһаар арюудхууламсаараа Иисүүс уһанһаа гараба. Тиихэдэнь Тэрээндэ огторгой сэлигдэн нээгдэбэ, гулабхаагай дүрсэтэйгөөр Бурханай Һүлдын дээрэнь буухые Тэрэ хараба.

Матвей 4:11

Тиихэдэнь шолмос Иисүүсые орхижо ошобо, харин Бурханай Эльгээмэлнүүд Тэрээндэ туһалхаяа ерэбэ.

Марк 1:13

Тэндэ Иисүүс дүшэн үдэрэй туршада шолмосоор туршуулан, зэрлиг ан арьяатанаар хамта байлсаа, зүгөөр Бурханай Эльгээмэлнүүд Тэрээндэ туһалжа байгаа.

Марк 16:19

Эдэ бүгэдые шабинартаа хэлээд, Эзэн Иисүүс тэнгэридэ дэгдэжэ, Бурханай баруун таладань һууба.

Марк 16:5

Тэдэнэр агы соо ороод, үүдэнэй баруун талада саб сагаан хубсаһатай залуу хүнэй һуухые харабад. Эхэнэрнүүдэй айн мэгдэхэдэ,

Лука 2:32

Тэрэтнай бүхы угсаатаниие гэгээрүүлхэ гэрэл болохол, Израилиинтнай арадта алдар соло асархал.

Лука 20:44

Зай, Давид хаан Бурханай табисууртые Эзэмни гэжэ нэрлэбэл, юундэ Тэрэ Давидай үри болохоб? – гэжэ Иисүүс асууба.

Лука 22:43

Тэнгэриһээ Бурханай Эльгээмэл ерэжэ, зоригынь үргэбэ.

Лука 24:4

Эхэнэрнүүдэй гайхалдажа, юушье гэжэ сэдьхэхэеэ болёод байтар, ялалзама сагаан хубсаһатай хоёр хүн бии болобо.

Лука 24:51

Тиигэжэ буян хэшэгтээ хүртөөһэнэйнь һүүлдэ Иисүүсые тэнгэри өөдэ дэгдүүлэн абаа.

Иоанн 1:14

Үгэ хадаа хүн боложо түрөөд, бидэнэй дунда амидаржа байгаа. Эсэгэ Бурханай ори ганса Хүбүүниинь үршөөл хайрын ба үнэн зүйлэй бэелэл байжа, бидэндэ һүр шадалаа харуулаа.

Иоанн 13:3

Эсэгэмни бүхы юумэ Намда үгөө, Би Бурханһаа ерээб, мүнөө иигээд һөөргөө бусахамни гэжэ Иисус мэдэжэ байгаа.

Иоанн 15:26

Минии эльгээһэн Туһалагша Эсэгэһээмни ерэхэдээ, Минии тухай гэршэлхэ. Тэрэ болбол Эсэгэһээмни эхи абаһан үнэн зүбые хэлэдэг Һүлдэ болоно.

Иоанн 16:28

Би эндэ Эсэгэһээ ерээб, мүнөө энэ дэлхэйе орхёод, Эсэгэдээ бусахамни.

Иоанн 17:5

Эсэгэмни аа, юртэмсэ дэлхэйн үшөө бии болоодүйдэ, Тантайгаа суг байхадаа суурхаһан Минии алдар солоор Намайгаа мүнөө Өөртэйгөө хамта суурхуулыт.

Иоанн 20:12

иимэ юумэ обёорбо: Иисүүсэй бэеын хэбтэһэн газарта Бурханай хоёр Эльгээмэл сагаан хубсаһа үмдэнхэй һууба – нэгэниинь толгой таладань, нүгөөдэнь – хүлзүүр таладань һууба.

Иоанн 6:62

Теэд Хүн түрэлхитэнэй Хүбүүнэй түрүүшээр байһан орондоо дэгдэн бусахые харахадаа, юун гэхэбта?

Хэрэгүүд 1:19

Энээн тухай бүхы Иерусалимай зон дуулажа, тэрэ газарые өөрынгөө хэлэн дээрэ «Акэл-Дамаа» гэжэ нэрлээ, тэрэнь «Шуһата газар» гэһэн удхатай.)

Хэрэгүүд 10:34

– Бурхан яһа илгадаггүй гэжэ би одоол үнэн дээрээ ойлгооб, – гээд Пётр хэлэбэ. –

Хэрэгүүд 14:27

Антиохдо ерээд, бүхы һүзэглэгшэдые суглуулжа, Бурханай юу бүтээлгэһыень болон Тэрэнэй бусад арадуудта этигэлэй үүдэ нээжэ үгэһыень тэдэнэр хөөрэжэ үгэбэ.

Хэрэгүүд 20:28

Арюун Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Римэйхиндэ 10:12

Еврей хүн гү, али ондоо яһанай хүн гү, ямаршье илгаагүй юм. Эзэн хүн бүхэндэ ори ганса юм, тиин Тэрээндэ хандаһан хүн бүхэниие Тэрэ элбэг дэлбэгээр үршөөлдөө хүртөөдэг.

Римэйхиндэ 10:18

Израилиин арад зон мэдээсэл соносоогүй аал гэжэ би асуунаб. Юундэ соносохогүйб, «Тэдэнэй хэлээшэнь бүхы газар дэлхэйгээр тараа, тэдэнэй үгэнүүдынь газар дэлхэйн заха хизаар хүрөө», – гэжэ Нангин Бэшэг соо хэлэгдэнэ.

Римэйхиндэ 16:25

Бурханда магтаал соло дуудая! Тэрэ болбол Иисүүс Христоос тухай минии номноһон Һайн Мэдээсэлэй ёһоор танай һүзэгые бэхижүүлхэ аргатай. Урдань тэрэ Һайн Мэдээсэл үни удаан саг соо далда нюуса байгаа.

Римэйхиндэ 16:26

Харин мүнөө тэрэ үнэн зүбые лүндэншэдэй бэшэгүүд нээгээ; бүхы хүнүүдэй һүзэглэжэ, үгыень дуулажа байхын тула мүнхэ Бурхан захиралтаараа бүхы арадуудта тэрэниие мэдүүлээ.

Римэйхиндэ 3:4

Үгыл даа. Хүн бүхэнэй худал хуурмаг юумэ хэлэжэ байбашье, Бурхан үнэн зүбые хэлэдэг. «Хэлэһэнтнай үнэн зүб байһыетнай баталха, зарга шүүбэриин болоходо, Та илажа гарахат», – гэжэ Нангин Бэшэг соо Бурхан тухай хэлэгдэнэ.

Римэйхиндэ 8:3

Манай нүгэлтэ мүн шанарһаа боложо Хуулиин бүтээжэ шадаагүй юумые Бурхан бүтээбэ. Тэрэ Хүбүүгээ нүгэлтэ маанадтайл адли бэетэйгээр нүгэлнүүдэймнай түлөө тахил болгон эльгээжэ, бэеэрнь манай нүгэлнүүдые гэмнэн шүүбэрилээ.

Римэйхиндэ 9:5

Тэдэнэр агууехэ үбгэ эсэгэнэртэй, тиихэдэ Бурханай табисуурта бэеэрээ баһал тэдэнтэй нэгэ яһанай хүн юм. Бүхы юумые захиржа байһан Бурхан хэтын хэтэдэ магтаал солотой байһай гэжэ би зальбарнаб! Болтогой!

Коринфынхидтэ 1-дэхи 15:47

Түрүүшын Адаам газар хүрьһэнһөө бүтээгдэһэн газар дэлхэйн хүн юм, харин һүүлшын Адаам тэнгэриһээ юм.

Коринфынхидтэ 1-дэхи 2:7

Минии номнодог сэсэн ухаан хүнүүдһээ далда хадагалагдаһан Бурханай нюуса ухаан юм, гэхэтэй зэргэ Бурхан манай магтаал солотой байхын тула газар дэлхэйн үшөө бүтээгдээгүй байхада тэрэ ухаа заяагаа юм.

Коринфынхидтэ 2-дохи 1:19

Ушарынь юуб гэхэдэ, Силуан, Тимофей бидэ гурбанай таанадта номноһон Бурханай Хүбүүн Иисүүс Христоос «тиимэ» гэхэдээ, «үгы» гэһэн удхатайгаар хэлэдэггүй. Тэрэ Өөрөө Бурханай «тиимэ» мүн.

Галадуудта 4:4

Харин саг болзорой ерэхэдэ, эхэнэрһээ түрэһэн Хүбүүгээ Бурхан эльгээбэ. Хуулиин эрхэ мэдэлдэ байһан хүнүүдые абархын тула, Бурханай найдуулһан юумэнэй уг залгамжалагшад болгохын тула түлөөһэ үгэжэ, эльгээһэн Тэрэ Хүбүүниинь Хуулиин ёһоор ажамидаржа байгаа.

Эфесэйхиндэ 1:9

зориһон юумээ бүтээгээ, Христоосоор дамжан бүтээхэ гэжэ анханһаа шиидэһэн Өөрынгөө эрхэ мэдэлэй нюусые бидэндэ нээгээ.

Эфесэйхиндэ 6:19

Һайн Мэдээсэл тухай нюуса зоригтойгоор тайлбарилан элирүүлхэдэмни Бурханай намда хэрэгтэй үгэнүүдые үгэжэ байхын тула минии түлөө баһа зальбаржа байгты.

Колоссынхидтэ 1:23

Тиимэһээ таанад хатуу ба сухаришагүй һүзэглэжэ байха ёһотойт, Һайн Мэдээсэлые шагнажа этигэһэн найдабарияа алдаха ёһогүйт. Ушарынь юуб гэхэдэ, би Павел газар дэлхэй дээрэ бүхы амитадта номногдоһон тэрэ Һайн Мэдээсэлэй зарасань болооб.

Колоссынхидтэ 1:27

Энэ нюусаяа Бурхан Өөрынгөө хүнүүдтэ мэдүүлхэ гэжэ түсэблэнэ, гэхэтэй сасуу энэ үнэтэй ба алдарта нюусань бүхы хүнүүдтэ юм. Тэрэ нюусань – Христоос таанадай досоо гэһэн удхатай, таанад Бурханай алдарые хубаалсахат гэһэн удхатай.

Колоссынхидтэ 1:6

Һайн Мэдээсэл бүхы замби түбеэр һайнаар дэлгэржэ, үрэ дүн асаржа байна. Бурханай буян хэшэг тухай анха дуулаад, үнэн ушарынь мэдэхэдэтнай тэрэ таанадай дунда баһа һайнаар дэлгэржэ байгаа.

Колоссынхидтэ 2:2

Тэдэниие урмашуулхын, хайра дураарнь нэгэдүүлхын тула, үнэн зүб ойлгосо үгэдэг баталаатай баялигаар элбэг байлгахын тула би тиигэжэ хүдэлнэб. Тиигэжэл тэдэ зон Бурханай нюусые, Христоосые мэдэхэ.

Фессалоникиинхидтэ 2-дохи 1:10

Эзэнэй тэрэ үдэр ерэхэдэнь, гэгээн арадынь, бүхы һүзэглэгшэдынь Тэрэниие хүндэлхэ, Тэрээндэ алдар соло дуудаха. Бидэнэй номноһон һургаалда этигэһэн ушарһаа таанадшье баһа тэрэ зоной дунда байлсахат.

Фессалоникиинхидтэ 2-дохи 2:7

Бурханай дайсан нюусаар ажаллана, гэхэдээ тэрэниие халхалжа байһан хүсэн түрүүн буураха ёһотой.

Тимофейдэ 1-дэхи 3:9

һүзэгэйнгөө элирүүлһэн үнэн зүбые һэшхэлтэйгээр баримталха ёһотой.

Еврейнүүдтэ 1:3

Бурханай алдарай туяа сасаруулан, Бурханай шанар шэнжэтэй байжа, Тэрэ бүхы замбуулин дэлхэйе Өөрын үгын хүсөөр баридаг. Бидэниие нүгэлнүүдһээмнай арилгаад, огторгой дээрэ һүр жабхаланта Бурханай баруун талада һуугаа.

Еврейнүүдтэ 12:2

Һүзэг этигэлэймнай эхи татаһан, тэрэнииемнай түгэс түгэлдэр болгоһон Иисүүсые шэртэжэ байял. Ерээдүйдэ үзэгдэхэ баярай түлөө Тэрэ Өөрыгөө гутаалгахаяа айнгүй, хэрээһэндэ хадуулжа үхөөд, Бурханай баруун талада һуугаа.

Еврейнүүдтэ 7:7

Үршөөлдөө хүртөөжэ байһан хүнэй үршөөгдэжэ байһан хүнһөө үлүү дээгүүр байһаниинь арсашагүй.

Еврейнүүдтэ 8:1

Хэлэжэ байһан юумэнэймнай гол удха: бидэ тэнгэридэ Үндэр дээдэ түрэлтын баруун талада һууһан Ахамад Санаартатайбди.

Пётрой 1-дэхи хандалга 1:12

Өөһэдынгөө аша туһада бэшэ, харин һүзэглэгшэ таанадай аша туһада тэдэнэр алба хэнэ гэжэ Бурхан тэдэ лүндэншэдтэ элирхэйлээ, тиимэһээ тэнгэриһээ эльгээгдэһэн Арюун Һүлдын дамжуулһан Һайн Мэдээсэлые айладхаһан хүнүүдые таанад мүнөө сонособот. Тэрэ нюусые Эльгээмэлнүүдшье мэдэхэ хүсэлтэй байна.

Пётрой 1-дэхи хандалга 1:20

Юртэмсэ дэлхэйн зохёон бүтээгдэхэһээ урда таанадайл аша туһада Бурхан Христоосые шэлэжэ абаа, үе сагай дүүрэжэ байхада Тэрэниие элирхэйлэн харуулаа.

Пётрой 1-дэхи хандалга 1:21

Тэрэнэйл аша туһаар таанад Бурханда этигэнэт. Бурхан Тэрэниие үхөөд байхадань амидыруулаа, алдаршуулаа, тиимэһээл таанад Бурханда һүзэглэнэт, найданат.

Пётрой 1-дэхи хандалга 3:18

Бидэниие Бурханда хандуулхын тула Христоос манай нүгэл шэбэлэй түлөө нэгэтэ зоболон эдлээ. Тэрэ үнэн сэдьхэлтэн хара һанаатай зоной түлөө бэеэ һүнөөлгэжэ, һүлдөөрөө амидыраа.

Пётрой 1-дэхи хандалга 3:22

Христоос тэнгэридэ дэгдээд, бүхы Эльгээмэлнүүдые, тэнгэриин бүхы захиргаан, хүсэнүүдые эрхилэн, Бурханай баруун таладань оршоно.

Иоаннай 1-дэхи хандалга 1:2

Тэрэ Амидарал бидэндэ харуулагдаа, тэрэ Амидаралые хараабди. Тэрэ Амидаралга тухай гэршэлнэбди. Хэтэ мүнхын тэрэ амидарал Эсэгэтэй хамта байжа, бидэндэ үзүүлэгдээ гээд бидэ таанарта мэдээсэнэбди.

Иоаннай 1-дэхи хандалга 3:5

Христоос Өөрөө нүгэл хээгүй аад, хүнүүдые хэһэн нүгэлһөөнь сүлөөлхэеэ ерээ гэжэ таанар мэдэнэт.

Иоаннай 1-дэхи хандалга 3:8

Нүгэл шэбэл хэгшэ шолмосһоо болоно, юундэб гэбэл, шолмос анханһаа хойшо нүгэл хилэнсэ үйлэдэдэг. Тиимэһээ шолмосой үйлэ уршагые үгы хэхын тула Бурханай Хүбүүн ерээ.

Гэршэлгэ 17:5

Духа дээрэнь нюуса удхатайгаар иигэжэ бэшээтэй: «Агуу ниислэл Вавилоон – газар дэлхэйн янхан эмэнүүдэй жэрхэштэй муухай юумэнүүдэй эхэ».

Гэршэлгэ 17:7

Эльгээмэл иигэжэ намда хэлэбэ: «Ши юундэ гайхаабши? Эхэнэрэй нюусые, тэрэ эхэнэрэй унажа ябагша долоон толгойтой, арбан эбэртэй арьяатанай нюусые, шамда тайлбарилан хэлэжэ үгэхэб.

Гэршэлгэ 7:9

Тэрэнэй удаа харахадамни, тооложо барагдашагүй олон зон урдамни үзэгдэбэ. Тэдэ зоной дунда бүхы үндэһэ яһатан, арадууд, угсаатан, янза бүриин хэлэтэй хүнүүд ерээд байгаа һэн. Тэдэ зон хаан шэрээгэй урда, Үргэлэй Хурьганай урда зогсобо. Тэдэнэр сагаан хубсаһа үмдэнхэй, гартаа пальма модоной мүшэрнүүдые баринхай.