Тимофейдэ 1-дэхи 1:15 - Библи

¹⁵ Иисүүс Христоос нүгэлтэдые абархаяа газар дэлхэйдэ ерээ гэдэгынь үнэн зүб юм, тиигэжэ хэлэһэндэ этигэжэ боломоор юм. Би болбол тэдэ нүгэлтэдэй эгээн мууниинь байгааб.

Шэнэ Хэлсээн

¹⁵ Иисус Христос нүгэлтэдые абарха гэжэ газар дэлхэйдэ ерээ гэдэгынь үнэн зүб юм, тиигэжэ хэлэһэндэ этигэжэ боломоор юм. Би болбол тэдэ нүгэлтэдэй эгээн мууниинь байгааб.

Тимофейдэ 1-дэхи 1:15 Referencias Cruzadas

Иоов 42:6

Тиимэһээ хэлэһэн үгэһөө арсажа, шорой, үнэһэн соо угаа халаглажа байнаб.

Эзэкээл 16:63

Хэһэн юумыеш Би хүлисэхэб, гэбэшье ши тэдэниие мартахагүйш, үгэшье хэлэхэеэ эшэжэ байхаш. Энэ болбол Би, Эзэн Бурхан, айладхана мүн!

Матвей 1:21

Тэрэшни хүбүү түрэхэ, Тэрээндэ Иисүүс гэжэ нэрэ үгэхэш, юундэб гэбэл, Тэрэ арад зоноо нүгэл хилэнсэгһээ абарха.

Матвей 18:10

Таанад эдэ багашуулай нэгыеньшье доогуур бү харагты, тэдэнэй тэнгэридэ оршогшо һахюуһан – Эльгээмэлнүүдынь – Минии Эсэгын шарайе хододоо тэнгэридэ хаража байдаг юм гэжэ танда хэлэнэб.

Матвей 20:28

Хүн түрэлхитэнэй Хүбүүн хүнүүдые зарахаяа ерээ бэшэ, харин бусад уладта алба хэхэеэ, мүн үнэтэ ами наһанайнгаа сэнгээр олон хүнүүдые абархаяа ерээ, – гэбэ.

Матвей 9:13

Таанад ошожо, «Намда тахил тахихын орондо бусад зондо үршөөл хайратай байхыетнай хүсэнэб» гэжэ Нангин Бэшэг соо хэлэгдэһэн үгын удха мэдэжэ абагты. Би үнэн сэдьхэлтэниие бэшэ, харин нүгэл хэгшэдые дуудахаяа ерээ хүнби.

Марк 2:17

Иисүүс тэрэнииень дуулахадаа: – Элүүр хүндэ эмшэн хэрэггүй, харин үбшэн зондо хэрэгтэй. Би үнэн сэдьхэлтэниие бэшэ, харин нүгэл хэгшэдые нүгэлөө гэмшэхыень дуудахаяа ерээб, – гэжэ хэлэбэ.

Лука 15:2

– Иисүүс нүгэлтэнтэй нүхэрлэжэ, тэдэнээр хамта эдеэлжэ байна, – гэжэ фарисейнүүд болон Хуули заадаг багшанар шоо үзэбэд.

Лука 19:10

Хүн түрэлхитэнэй Хүбүүн хосорһон хүнүүдые бэдэржэ абархын тула ерээ юм, – гэжэ Иисүүс тэрээндэ хэлэбэ.

Лука 5:32

Бурханда хандахыень би үнэн сэдьхэлтэниие бэшэ, харин нүгэл хэгшэдые дуудахаяа ерээ хүнби! – гэжэ Иисүүс тэдээндэ харюусаба.

Иоанн 1:12

Теэд Гэрэл туяае угтан абагшадта, Тэрээнэй алдар нэрэдэ этигэгшэдтэ Бурханай үхибүүд болохо эрхэ Тэрэ үршөөгөө.

Иоанн 1:29

Хойто үдэрынь урдаһаань Иисүүсэй ерэжэ ябахые хараад, Иоанн иигэжэ хэлэбэ: – Энэл хадаа Бурханда үргэгдэхэ Хурьган мүн. Энэл хадаа газар дэлхэйн бүхы хүнүүдэй хэһэн нүгэл хилэнсые Өөр дээрээ даажа абаха!

Иоанн 12:47

Минии хэлэһэн үгэнүүдые шагнаад, тэдэнииемни сахидаггүй хүниие Би шүүбэрилхэгүйб: Би энэ дэлхэйе шүүбэрилхэеэ бэшэ, харин абархаяа ерээб.

Иоанн 3:36

Бурханай Хүбүүндэ этигэдэг хүн хэтэ мүнхын ажамидаралда хүртэхэ, харин энэ Хүбүүниие буруушааһан хүн хэтын амидарал үзэхэгүй, Бурханай уур сухал хододоо хүргэжэ байха.

Хэрэгүүд 11:1

Бусад арадууд Бурханай үгые баһа мэдэбэ гэжэ Иудейн ороноор эндэ тэндэ байһан элшэнэр болон һүзэглэгшэд дуулаба.

Хэрэгүүд 11:18

Эдэ үгэнүүдые дуулахадаа еврей һүзэглэгшэд Пётрые буруушаахаяа болижо: – Тиихэдээ Бурхан бусад арадуудташье нүгэл хэхэеэ болихо арга олгожо, Амидарал үгэбэ! – гэжэ хэлэн, Бурханиие алдаршуулба.

Хэрэгүүд 3:26

Хүн бүхэнииетнай муу муухай хэрэгүүдһээ зайсуулжа, буян хэшэгтээ хүртөөхын тула Бурхан Зарасаяа амидыруулаад, Тэрэнээ анха түрүүн таанадта эльгээгээ юм.

Римэйхиндэ 11:14

Тиигэжэ өөрынгөө яһанай аха дүүнэрэй дунда атаархал түрүүлжэ, заримыеньшье абаржа магадгүйб.

Римэйхиндэ 5:6

Христоос нүгэлтэй маанадай түлөө ахир һула байха сагтамнай Бурханай тогтооһон болзорто үхэлдэ хүртөө.

Коринфынхидтэ 1-дэхи 15:9

Элшэнэрэй эгээн «багань» гээшэб, элшэн гэжэ нэрлэгдэхэшье эрхэгүй байгааб, юундэб гэхэдэ, би һүзэглэгшэдэй бүлгэмые хашан мүрдэдэг һэмби.

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.

Тимофейдэ 1-дэхи 1:13

Урдань би Тэрэниие доромжолжо, хашан мүрдэжэ, гомдохоожо байгааб. Гэхэдээ һүзэггүй ябахадаа би тиимэ юумэ хээб. Юу хэжэ байһанаа ойлгоногүй байһандамни, Бурхан намайе хүлисөө.

Тимофейдэ 1-дэхи 1:19

тиихэдэ һүзэгөө хадагалжа, һэшхэлтэй байгаарай. Зарим хүнүүд һэшхэлээрээ болонгүй, һүзэгөө алдаа.

Тимофейдэ 1-дэхи 3:1

Һүзэглэгшэдэй бүлгэмэй хүтэлэгшэ болохые һанаһан хүн дэмбэрэлтэ һайхан хэрэг һанаашалаа гэдэгынь үнэн гээшэ.

Тимофейдэ 1-дэхи 4:9

Минии хэлэһэн үнэн зүб юм, тэрээндэ этигэжэ болохо.

Тимофейдэ 1-дэхи 6:13

Бүхы юумэндэ ами хайрлажа байһан Бурханай урда, Понтий Пиладта һүзэгөө баталжа хэлэһэн Христоос Иисүүсэй урда Эзэн Иисүүс Христоосой ерэхэ үдэр хүрэтэр гэмнүүлхэгүйн тула заабариие үнэн сэхээр сахижа байхыешни би шамда захинаб.

Тимофейдэ 2-дохи 2:11

Иигэжэ хэлэһэн үнэн зүб юм: «Хэрбээ бидэ Тэрээнтэй хамта үхэһэн байбал, Тэрээнтэйл хамта амидархабди.

Тидтэ 3:8

Энэ хэлээшэмнай үнэн. Үлзытэй хэрэгүүдые оролдосотойгоор бүтээжэ байхыень Бурханда һүзэглэһэн хүнүүдые ши идхан һургажа байгаарай. Иимэ хэрэгүүд зондо ехэл аша туһатай, һайн.

Еврейнүүдтэ 7:25

Тиимэһээ зониие үргэлжэ абаржа байха аргатай Тэрэ санаарта хэтын хэтэдэ амиды байжа, Тэрээгүүр дамжан Бурханда ерэһэн хүнүүдэй түлөө Бурханай урда гуйдаг.

Иоаннай 1-дэхи хандалга 3:5

Христоос Өөрөө нүгэл хээгүй аад, хүнүүдые хэһэн нүгэлһөөнь сүлөөлхэеэ ерээ гэжэ таанар мэдэнэт.

Иоаннай 1-дэхи хандалга 3:8

Нүгэл шэбэл хэгшэ шолмосһоо болоно, юундэб гэбэл, шолмос анханһаа хойшо нүгэл хилэнсэ үйлэдэдэг. Тиимэһээ шолмосой үйлэ уршагые үгы хэхын тула Бурханай Хүбүүн ерээ.

Иоаннай 1-дэхи хандалга 5:11

Иимэ гэршэлгэ байгаа: Бурхан бидэндэ хэтэ мүнхын амидарал олгоо. Бурханай Хүбүүн хэтэ мүнхын амидаралай эхин мүн.

Гэршэлгэ 21:5

Хаан шэрээдэ Һуугша иигэжэ хэлээ: «Харалши, Би баран шэнэ юумэ хэнэб!» Тиигээд Тэрэ иигэжэ хэлэбэ: «Буулгажа бэшээд аба, эдэ үгэнүүдтэ этигэхэдэ болохо, юундэб гэбэл, эдэ бүхы үгэнүүд үнэн зүб юм».

Гэршэлгэ 22:6

Эльгээмэл намда иигэжэ айладхаа: «Эдэ үгэнүүдтэ этигэхэдэ болохо, эдэ үгэнүүд үнэн зүб юм. Лүндэншэдтэ Өөрынгөө һүлдые үгэгшэ Эзэн Бурхан һаяар ямар юумэнэй болохые Өөрынгөө зарасанарта харуулхынь тула Эльгээмэлээ ябуулаа».

Гэршэлгэ 5:9

Тиин тэдэнэр иимэ шэнэ дуу дуулаба: Та энэ ном абажа, тамгыень эбдэжэ тайлаха эрхэтэйт, Та үргэл болгогдожо алуулаад, Өөрынгөө улаан шуһанай сэнгээр али бүхы угсаатаниие, элдэб янзын хэлэтэй зониие, бүхы уг изагууртаниие, үндэһэ яһатаниие Бурханда абажа үгөөт.