Тидтэ 3:1 - Библи

¹ Засаглагша болон захирагшадай үгыень дуулажа, эрхэ мэдэлдэнь байхые, ямаршье сагта дэмбэрэлтэ һайхан хэрэгүүдые хэхээр бэлэн байхые һүзэглэгшэ зондо һануулжа байгаарай.

Шэнэ Хэлсээн

¹ Засаглагша болон захирагшадай үгыень дуулажа, эрхэ мэдэлдэнь байхые, ямаршье сагта дэмбэрэлтэ һайхан хэрэгүүдые хэхээр бэлэн байхые һүзэглэгшэ зондо һануулжа байгаарай.

Тидтэ 3:1 Referencias Cruzadas

Һургаал 24:21

Хүбүүмни, Эзэнһээ болон хаанһаа түбэгшөөдэг бай. Урбагшадһаа холо бай.

Экклезиаст 10:4

Зонхилдог даргын шамда уурлахада, абаһаар һуурияа бү орхи. Түбшэн даруу зан буруу ябадал зайлуулдаг.

Исай 43:26

Зарга шүүлгэдэ ошоё! Зүб байһанаа баталхын тула ши ушар шалтагаанаа хэлэ!

Ерэмияа 27:17

Бү шагнагты тэдэниие! Вавилооной хаанай мэдэл доро орогты, тиигээд амиды мэндэ үлэхэт. Энэ хото юундэ һандаргагдаха юм?

Матвей 22:21

– Хаанай, – гэжэ нүгөөдүүлэйнь харюусахада, Иисүүс: – Тиимэһээ хаанай юумые хаандань, Бурханай юумые Бурханда үгэгты, – гэжэ тэдэндэ хэлэбэ.

Коринфынхидтэ 1-дэхи 15:58

Тиимэһээ, инаг хайрата аха дүүнэрни, Эзэнэй түлөө хэһэн ямаршье ажалтнай дэмы бэшэ гэжэ мэдэн, Эзэнэй ажалда өөһэдыгөө бүрин зорюулагты, нугаршагүй, бата хатуу байгты.

Эфесэйхиндэ 2:10

Ямар байнабди, тиимээр Бурхан бидэниие бүтээгөө, бидэниие Иисүүс Христоостой нэгэдүүлэн һайн һайхан хэрэгүүдые хэдэг заншалтай байхыемнай анханһаа түлэблэн бүтээгөө.

Хуули дабталга 17:12

Эзэн Бурханайтнай албатан болохо санаартанай гү, али шүүбэрилэгшын үгэнүүдые дуулангүй һөөргэдэһэн хүн үхэхэ ёһотой. Иигэжэ муу юумэн Израиль сооһоо үгы хэгдэхэ жэшээтэй.

Филиппынхидтэ 1:11

Хэһэн бүхы үйлэ хэрэгүүдтнай Иисүүс Христоосой нүлөөгөөр үнэндөө һайн һайхан байхал. Тиигэжэл Бурхан алдаршаха, Тэрээндэ магтаал соло дуудаха.

Колоссынхидтэ 1:10

Тиигэбэл таанад Эзэнэй хүсэһэн ёһоор ажамидаржа, Тэрээндэ һайшаагдаха юумые хэжэ байхат. Таанад дэмбэрэлтэй хэрэгүүдые бүтээжэ, Бурханиие бүрил һайн мэдэрдэг болохо һэнта.

Тимофейдэ 1-дэхи 4:6

Иимэ заабаринуудые һүзэглэгшэдтэ үгэжэ байбал, өөрыгөө зорюулһан үнэн зүб һургаалаар ба һүзэгэй үгэнүүдээр һанал бодолоо дүүргэжэ, ши Христоос Иисүүсэй һайн албатан болохош.

Тимофейдэ 1-дэхи 5:10

дэмбэрэлтэй хэрэгүүдээрээ суутай байха ёһотой: үхибүүдээ һайн хүмүүжүүлһэн, аяншадые гэртээ амаруулжа байһан, бусад һүзэглэгшэдэй урда өөрынгөө уялгануудые дүүргэжэ, зобожо байһан зондо туһалжа, өөрыгөө үлзытэй һайхан хэрэгүүдтэ зорюулжа байха ёһотой.

Тимофейдэ 2-дохи 1:6

Тиимэһээ гараа дээрэшни табихадамни, шамда Бурханһаа үгтэһэн абьяас бэлиг зосоошни бадаржал байг лэ.

Тимофейдэ 2-дохи 2:14

Хэлэһэн эдэ бүгэдыемни шагнагшадтаа һануулжа байгаарай. Үгэнүүд тухай арсалдахаяа болигты гэжэ Эзэниие гэршэ болгон захиржа байгаарай. Тиимэ арсалдаан шагнагшадта ямаршье туһагүй, тэдэнэй һүзэг алдуулдаг.

Тимофейдэ 2-дохи 2:21

Хүнүүдшье баһал тиимэ. Зарим хүнүүд нүгэл хэхэеэ болижо, арюун сэбэр болоод, тусхай хүнүүд болодог. Тэдэнэй ажамидарал Бүтээгшэдэ таатай арюун гэгээн байдаг, тэдэ ямаршье һайн һайхан хэрэгүүдые хэхэдэ бэлэн байдаг.

Тидтэ 1:16

Тэдэнэр Бурханиие мэдэнэбди гэдэг, харин үйлэ хэрэгүүдынь Бурханиие мэдэхэгүй байһыень харуулна. Тэдэ хүнүүд Бурханда жэрхэдэһэтэй байна. Тэдэнэр мэдэлдэ оросогүй, ямаршье һайн юумэ хэжэ шадахагүй хүнүүд юм.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Тидтэ 3:14

Манай хүнүүд өөһэдтөө шухала хэрэгтэй юумэ хэжэ, буянтай һайхан хэрэгүүдые бүтээн, сагаа үнгэргэжэ һураха ёһотой. Тэдэнэр удхагүй дэмыгээр ажамидарха ёһогүй.

Тидтэ 3:8

Энэ хэлээшэмнай үнэн. Үлзытэй хэрэгүүдые оролдосотойгоор бүтээжэ байхыень Бурханда һүзэглэһэн хүнүүдые ши идхан һургажа байгаарай. Иимэ хэрэгүүд зондо ехэл аша туһатай, һайн.

Пётрой 2-дохи хандалга 1:12

Эдэ бүгэдые мэдээд, үгтэһэн үнэн зүбые хатуу баримталжа байбалтнайшье, би эдые таанадта дахин дахин һануулжа байхаб.

Иудын хандалга 1:5

Эзэнэй Өөрынгөө арадые Египедһээ гаргажа абарһан тухайнь, тиигээд Тэрээндэ һүзэглэдэггүй зониие үгы хэһэн тухайнь һанагты.