Тидтэ 2:2 - Библи

² Һургаалай ёһоор наһатай эрэшүүлые эрүүл бодолтой, түбшэн зантай, арюун ябадалтай, хатуу һүзэгтэй, хайра дуратай, тэсэбэритэй байхыень һургажа байгаарай.

Шэнэ Хэлсээн

² Һургаалай ёһоор наһатай эрэшүүлые һэргэг, түбшэн зантай, арюун ябадалтай, хатуу һүзэгтэй, хайра дуратай, тэсэбэритэй байхыень һургажа байгаарай.

Тидтэ 2:2 Referencias Cruzadas

Иоов 12:12

Үндэр наһатан уужам мэргэн ухаантайшье гэгдээ һаа, Эзэндэл оюун ухаан, хүсэ шадал түгэс байдаг.

Һургаал 16:31

Буурал толгой алдарай титим юм. Тэрээниие зүб ябадалаар олодог.

Исай 65:20

Нарай нялханууд нарайдаа һамшахагүй, зон бултадаа наһалха наһаяа эдлэхэ. Зуу наһалаад үхэһэн хүн залуу гэжэ тоологдохо, харин энэ наһа наһалангүй урид нүгшэһэн хүндэ Минии хараал хүрөө гэжэ хэлсэгдэдэг байха.

Левит 19:32

Буурал толгойтой үбгэд хүгшэдэй урда бү һуугты, үбгэн хүниие хүндэлжэ, бодогты. Өөрынгөө Бурханһаа һүрдэн айгты.

Марк 5:15

Тэдэнэй Иисүүстэ ерэхэдэнь, үй түмэн ада шүдхэрнүүдтэ барюулаатай байһан хүн хубсалаад, элүүр ухаантай һууба, тиимэһээ хүн зон ехээр айжа һүрдэбэ.

Лука 8:35

Юунэй болоһые харахаяа хүн зон ерэхэдээ, ада шүдхэрөө гаргуулжа, элүүр ухаантай, эдэгэһэн хүнэй хубсаһа хунараа үмдэнхэй, Иисүүсэй хүлдэ һуухые хараад, айн һүрдэбэ.

Хэрэгүүд 24:25

Теэд Павелай үнэн зүб ажамидарха, бэеэ бариха тухай, ерээдүй зарга шүүбэри тухай хөөрэхэдэнь, Феликс айгаад: – Зай, иигээд мүнөөдэр болоо. Яба. Сүлөө саг гарабал, би шамайе дуудуужаб, – гэжэ хэлэбэ.

Римэйхиндэ 12:3

Бурханай намда үршөөһэн абьяас бэлигэй ашаар таанадай хүн бүхэндэ хэлэнэб: байһанһаан үлүү ехээр өөр тухайгаа бү һанажа байгты. Зүгөөр Бурханай шамда үгэһэн этигэл һүзэгэй хэмжээгээр өөр тухайгаа дарууханаар бодомжолжо байгты.

Коринфынхидтэ 1-дэхи 15:34

Ой ухаандаа орогты, нүгэл хэхэеэ болигты. Заримантнай Бурханиие мэдэхэгүй, тиин эшэжэ зобожо байхаартнай энээниие хэлэнэб.

Коринфынхидтэ 1-дэхи 9:25

Урилдагшад мүнхэ оршодоггүй титимээр титимнүүлхын түлөө бултадаа хатуу журам баримталдаг, харин бидэ мүнхэдөө оршодог шагналай түлөө урилданабди.

Коринфынхидтэ 2-дохи 5:13

Хэрбээ хэн нэгэнэй бидэниие ухаагаараа балартаа гэжэ һанабал, бидэ Бурханай аша туһада тиигээбди. Хэрбээ һаруул бодолтой байбал, таанадай аша туһада тиимэ байдагбди.

Галадуудта 5:23

номгон даруу зан. Иимэ зондо Хуули хэрэггүй.

Филиппынхидтэ 4:8

Аха дүүнэрни, таанад һанал бодолдоо үнэн зүб, шулуун сэхэ, һайн һайхан, арюун сэбэр, илдам налгай, магтаалда хүрэмөөр юумэнүүд тухай сэдьхэжэ ябагты гэжэ түгэсхэлдөө захиха байнаб.

Фессалоникиинхидтэ 1-дэхи 5:6

Тиимэһээ бидэ бэшэ зондо адли унтаха ёһогүйбди. Бидэ һэргэлэн, эрүүл байха ёһотойбди.

Фессалоникиинхидтэ 1-дэхи 5:8

Гэхэдээ бидэ үдэрэй харьяалай хүнүүд хадаа эрүүл байха ёһотойбди. Бидэ һүзэг ба дуран хоёроо хуяг мэтэ үмдэжэ, абарагдаха найдалгаа дуулга мэтэ углаад байха ёһотойбди.

Тимофейдэ 1-дэхи 1:10

зальхай ба ташаяан ябадалтай зондо, хүнүүдые хулуудаг, худал юумэ хэлэдэг, хуурмаг гэршэлгэ үгэдэг зондо, үнэн зүб һургаалда зохихогүй элдэб юумэ хэдэг зондо зорюулагданхай гэжэ һанажа байха хэрэгтэй.

Тимофейдэ 1-дэхи 1:14

Эзэн Иисүүс Христоосой ашаар намда буян хэшэгээ хайрлаа. Тиигэжэ би Эзэндэ һүзэглэдэг, Тэрээндэ ба Тэрэнэй хүнүүдтэ дуратай болоо хүм.

Тимофейдэ 1-дэхи 1:5

Һүзэглэгшэдэй бэе бэедээ дуратай байхые урмашуулхань тэрэ захиралтын зорилго болоно. Тиимэ хайра дуран үнэн зүрхэнһөө, арюун сэбэр һанаанһаа, бодото һүзэг этигэлһээ эхи абадаг.

Тимофейдэ 1-дэхи 3:11

Тэдэнэй һамгадыньшье һайхан зантай, хоб-жэб зөөдэггүй, архинша бэшэ, ямаршье юумэндэ этигэл найдабаритай байха ёһотой.

Тимофейдэ 1-дэхи 3:2

Гэхэтэй сасуу һүзэглэгшэдэй бүлгэмэй хүтэлэгшэ ямаршье гэмгүй, гансал һамгатай, ухаансар, бэеэ баридаг, ехэ томоотой, аяншадые угтажа абадаг, хүнүүдые һургаха абьяастай,

Тимофейдэ 1-дэхи 3:4

гэр бүлэдөө һанаагаа табидаг хүн байха ёһотой, тэрэнэй үхибүүдынь үгыень дууладаг, хүндэлдэг байха ёһотой.

Тимофейдэ 1-дэхи 3:8

Һүзэглэгшэдэй бүлгэмэй туһалагшад баһал һайхан зантай, билдагуушалдаггүй хүнүүд байха ёһотой. Тэдэ үзэмэй дараһан архинда болон алта мүнгэндэ шунахай бэшэ,

Тимофейдэ 1-дэхи 5:1

Наһатай хүнүүдтэ хатуу үгэ бү хэлэ, харин эсэгэдээл адляар хандажа бай. Шамһаа залуу хүбүүдтэ өөрынгөө дүүнэртэл адли ханда,

Тидтэ 1:13

Тэрэ хэлэһэниинь үнэн. Тиимэһээ саашадаа иудейнүүдэй үльгэрнүүдые шагнангүй, үнэн зүбые буруушаадаг хүнүүдэй тогтоолые анхарангүй, бодолтой һүзэгтэй байхынь тула ши тэдэниие хатуу шэрүүнээр шүүмжэлэн элирүүлжэ байгаарай.

Тидтэ 1:8

мүн аяншадые гэртээ угтажа абадаг, һайн юумэндэ дуратай, ехэ томоотой, үнэниие баримталдаг, арюун ябадалтай, үнэн сэдьхэлтэй, бэеэ баридаг хүн байха ёһотой.

Тидтэ 2:7

Ши өөрөө һайн хэрэгүүдээрээ алишье юумэндэ жэшээ харуулжа байха ёһотойш. Һургажа байхадаа, үнэн сэхэ, томоотой байгаарай.

Филимондо 1:9

шамда эльгэтэй ушарһаа шамайе зүбхэн гуйнаб. Мүнөө Иисүүс Христоосой түлөө түрмэдэ һууһан би Павел гуйжа байнаб.

Пётрой 1-дэхи хандалга 1:13

Тиимэһээ һэргэлэн байгты, оюун ухаагаараа хүдэлхэдэ бэлэн байгты. Иисүүс Христоосой ерэхэ Үдэр таанадта үгтэхэ буян хэшэгтэ аргагүй ехээр найдажа байгты.

Пётрой 1-дэхи хандалга 4:7

Бүхы юумэнэй эсэс ойртожо байна. Тиимэһээ һэргэлэн байгты, бэеэ баригты, тиигэбэл зальбарха аргатай байхат.

Пётрой 1-дэхи хандалга 5:8

Һэргэлэн байгты, бү һажагты. Танай дайсан болохо шолмос эдихэ зууха хүниие бэдэржэ байһан арсалан мэтэ хүрхиржэ ябана.