Тидтэ 1:9 - Библи

⁹ Тэрэ хүн зүб һургаалтай зүрилдэдэггүй, найдабаритай үгые хатуу баримталха ёһотой. Тиигэжэл тэрэ хүтэлэгшэ үнэн зүйтэй һургаалаар ондоо хүнүүдые урмашуулжа, һургаалда эсэргүү байһан хүнүүдэй бурууе элирүүлэн харуулха аргатай байха.

Шэнэ Хэлсээн

⁹ Тэрэ хүн зүб һургаалтай зүрилдэдэггүй, найдабаритай үгые хатуу баримталха ёһотой. Тиигэжэл тэрэ хүтэлэгшэ үнэн зүйтэй һургаалаар ондоо хүнүүдые урмашуулжа, һургаалда эсэргүү байһан хүнүүдэй бурууе элирүүлэн харуулха аргатай байха.

Тидтэ 1:9 Referencias Cruzadas

Иоов 2:3

Эзэн эрлигтэ хандаба: – Минии зараса Иоовые анхарба гүш? Тэрээн шэнги хүн дэлхэйдэ байхагүй. Гэм зэмэгүй, үнэн шударга тэрэ хүн намайе хүндэлжэ, буруу юумэнһээ зайлажа, болгоомжолон ябадаг. Ямаршье ушар шалтагаангүй ши бүхы юумыень үгы хэхэ зүбшөөл намһаа абаа һэнши, гэбэшье тэрэ мүнөөшье гэмтэй юумэ хээгүй.

Иоов 27:6

Би өөрын үнэн зүбые баримталхадаа, һөөргэ сухарихагүйб. Сэдьхэлни амидаралай нэгэшье үдэрһөө халаглахагүй.

Һургаал 23:23

Үнэниие абаһан хойноо тэрээндэ бү урбаарай. Мэргэн ухаае, заабари хүмүүжэл, мэдэлгэ ухаа алдажа болохогүй.

Хэрэгүүд 18:28

Юуб гэхэдэ, тэрэ олон зоной дунда еврейнүүдтэй заргалдан, тэдэниие буруушаажа, Нангин Бэшэгһээ хэһэгүүдые хэрэглэн, Иисүүс гээшэмнай Бурханай табисуурта мүн гэжэ баталба.

Коринфынхидтэ 1-дэхи 14:24

Хэрбээ хүн бүхэнэй Бурханай үгэ номножо байхада, юрын гү, али һүзэглэдэггүй хүн орожо ерэбэл, дуулаһан юумэнүүдынь тэрэнэй нүгэлнүүдые шүүмжэлэн элирүүлхэ, гэмнэхэ.

Фессалоникиинхидтэ 1-дэхи 5:21

Бүхы юумые шалгажа үзөөд, һайнииень баримталжа ябагты.

Фессалоникиинхидтэ 2-дохи 2:15

Тиимэһээ, аха дүүнэрни, бидэнэй номноһон ба бэшэһэн һургаалнуудые баримталжа, бата бэхи байгты.

Тимофейдэ 1-дэхи 1:10

зальхай ба ташаяан ябадалтай зондо, хүнүүдые хулуудаг, худал юумэ хэлэдэг, хуурмаг гэршэлгэ үгэдэг зондо, үнэн зүб һургаалда зохихогүй элдэб юумэ хэдэг зондо зорюулагданхай гэжэ һанажа байха хэрэгтэй.

Тимофейдэ 1-дэхи 1:15

Иисүүс Христоос нүгэлтэдые абархаяа газар дэлхэйдэ ерээ гэдэгынь үнэн зүб юм, тиигэжэ хэлэһэндэ этигэжэ боломоор юм. Би болбол тэдэ нүгэлтэдэй эгээн мууниинь байгааб.

Тимофейдэ 1-дэхи 1:19

тиихэдэ һүзэгөө хадагалжа, һэшхэлтэй байгаарай. Зарим хүнүүд һэшхэлээрээ болонгүй, һүзэгөө алдаа.

Тимофейдэ 1-дэхи 4:9

Минии хэлэһэн үнэн зүб юм, тэрээндэ этигэжэ болохо.

Тимофейдэ 1-дэхи 6:3

Ондоо юумэндэ һургажа байһан, Эзэн Иисүүс Христоосой үнэн үгые болон манай шажанай һургаалые баримталангүй байһан хүн

Тимофейдэ 2-дохи 1:13

Минии шамда хөөрэһэн үнэн зүб һургаалые хатуугаар баримталжа ябаарай. Тэрэ һургаал шамда жэшээ боложо байг. Иисүүс Христоостой нэгэдэхэдээ олоһон һүзэг, хайра дураяа бадараажа ябаарай.

Тимофейдэ 2-дохи 2:2

Олон гэршэнэрэй хажууда хүнүүдые һургаха шадабаритай, этигэлтэй зондо намһаа дуулажа абаһан һургаалаа дамжуулаарай.

Тимофейдэ 2-дохи 2:25

Шамда эсэргүүсэһэн хүнүүдые Бурхан нүгэл үйлэдэхыень болюулжа, Өөртөө хандуулха, үнэн зүбые мэдэрхэ боломжо үгэхэ магадалтай юм хадань ши тэдэ зониие ехэл дарууханаар заһажа байгаарай.

Тимофейдэ 2-дохи 3:14

Харин ши һуража абаһан үнэн зүб юумэндэ хатуу этигэжэ, тэрэнээ бэелүүлжэ байгаарай. Шамайе хэнэй һургажа байһые ши мэдэнэш,

Тимофейдэ 2-дохи 4:3

Ушарынь юуб гэхэдэ, хүнүүд зүйтэй һургаал дуулахаяа болёод, шагнаха дуратай юумыень хэлэдэг багшанарые өөрынгөө дураар шэлэдэг саг ерэхэ.

Тидтэ 1:11

Тэдэнэй амые хааха хэрэгтэй: тэдэ мүнгэ олохо гэһэн эшхэбтэр зорилготойгоор хэрэггүй юумэндэ һургана, гэр бүлэнүүдые Христоосһоо холодуулна.

Тидтэ 2:1

Харин ши үнэн бодото һургаалые номножо байгаарай.

Иудын хандалга 1:3

Хүндэтэ аха дүүнэрни, бидэ бүгэдын абарагдаха тухай би бэшэхэ һанаатай байгааб. Тиихэ зуураа Бурханай зондо нэгэтэ, гэхэдэ хэтын хэтэдэ үгтэһэн һүзэгэй түлөө таанад тэмсэхэ ёһотойт гэжэ уряалан бэшэхэ хэрэгтэй гэжэ тоолоноб.

Гэршэлгэ 2:25

Теэд мүнөө таанадта бии байһан юумэеэ Минии ерэтэр баряад байгты.

Гэршэлгэ 3:11

Иигээд удангүй ерэхэб. Илалтынтнай аша үрые хэнэйшье абажа ябашахагүйн тула бии байһан юумэеэ шангаар баряад байгаарайт.

Гэршэлгэ 3:3

Таанад юу абаа, юу дуулаа һэмта, тэрэнээ сахин хадагалжа байгты, нүгэл хэхэеэ болигты! Хэрбээ һэргэлэн байгаагүй һаатнай, Би таанадта хулгайшан шэнгеэр гэнтэ ерэхэб, хэдыдэ ерэһыемни мэдэхэгүйт.