Тидтэ 1:7 - Библи

⁷ Ушарынь юуб гэхэдэ, һүзэглэгшэдэй бүлгэмэй хүтэлэгшэ Бурханда алба хэдэг, Тэрэнэй эрхилэгшэ ушарһаа ямаршье гэмгүй байха зэргэтэй. Тэрэ омог бардам зан гаргадаггүй, уур сухалаа хүрэдэггүй, архидадаггүй, дошхордоггүй, алта мүнгэндэ шуналгүй,

Шэнэ Хэлсээн

⁷ Ушарынь юуб гэхэдэ, һүзэглэгшэдэй бүлгэмэй хүтэлэгшэ Бурханай ажалай хойноһоо хаража байгаа хадаа ямаршье гэмгүй байха зэргэтэй. Тэрэ омог бардам зан гаргадаггүй, уур сухалаа хүрэдэггүй, архидадаггүй, дошхордоггүй, алта мүнгэндэ шуналгүй,

Тидтэ 1:7 Referencias Cruzadas

Эхин 49:6

Уураа хүрэбэл, хүниие хороожо, миин байхаһаа үхэр малай шүрбэһые амидыгаар отолжо зугаасадаг та хоёрой бузар үйлэ хэрэгүүдтэ би хэзээдэшье хамааралсаагүйб, хэзээшье дэмжээгүйб.

Һургаал 14:17

Түргэн сухалтай хүн мунхаг үйлэ хэдэг, хорон һанаагаар мууе хэдэг хүн үзэн ядагдадаг.

Һургаал 15:18

Түргэн сухалтай хүн хэрүүл үүсхэдэг, тэсэбэритэй хүн хёморол намдуу болгодог.

Һургаал 16:32

Тэсэбэритэй хүн зоригтойһоо дээрэ. Бэеэ барижа шададаг хүн хотые эзэлэгшэһээ дээрэ.

Экклезиаст 7:9

Уурлахые урдаа бү таби, уур сухал тэнэгэй сээжэдэ.

Исай 28:7

Лүндэншэд, санаартадшье хүрэтэрөө үзэмэй дараһан архиһаа найгажа, шара айрагһаа алмайржа байна. Бурханай эльгээһэн үзэгдэлые лүндэншэ ойлгожо шадахаар бэшэ һогтуу, хэрэгүүдые шиидхэжэ шадахаар бэшээр санаартад һогтуу.

Эзэкээл 44:21

Дотор хорёо руу орохын урда тээ санаартанда үзэмэй дараһан архи уухань хорюултай.

Левит 10:9

– Ши болон шинии хүбүүд майхан һүмэ руу ороходоо, үзэмэй дараһан архи болон алибаа һогтохо унда бү уугты, үгы һаа, таанад үхэхэт. Энэ хадаа таанадта үеын үедэ мүнхэ хуули ёһо болоно.

Матвей 24:45

– Тиигэхэдээ этигэл найдабаритай, ухаантай зарасань хэн бэ? Бусад зарасанараа даалгажа, эдеэ хоолыень сагтань үгэжэ байхаар гэрэй эзэн хэниие томилхо гээшэб?

Лука 12:42

– Тиигэхэдээ этигэл найдабаритай, ухаантай зарасань хэн бэ? Гэрэйнгээ эрхилэгшээр табяад, бусад зарасанараа даалгажа, эдеэ хоол сагтань үгэжэ байхаар гэрэй эзэн хэниие томилхо гээшэб?

Эфесэйхиндэ 5:18

Таанадые гансал уруунь татаха аргатай үзэмэй дараһан архи һогтотороо уунгүй, орондонь өөһэдыгөө Һүлдөөр дүүргэгты.

Филиппынхидтэ 1:1

Филипп хотын һүзэглэгшэдэй бүлгэм, танай хүтэлэгшэд болон танай туһалагшад, таанадта Иисүүс Христоосой зарасанар болохо Павел Тимофей хоёр бэшэнэ.

Тидтэ 1:5

Хэхэ хэрэгтэй юумэнүүдээ бүтээгээд, хото бүхэндэ һүзэглэгшэдэй бүлгэмэй хүтэлэгшэдые томилхоор шамайе Криидтэ орхиһон байгааб. Захиһан юумэнүүдыемни бү мартаарай:

Тидтэ 2:3

Наһатай эхэнэрнүүдые Бурханиие хүндэлдэг хүнүүдтэл адляар ажамидаржа байхыень һургаарай. Тэдэнэр хүниие бү хардаг, үзэмэй дараһан архинда бү орог, һайн юумэндэ һургажа байг,

Пётрой 1-дэхи хандалга 4:10

Хүн бүхэнтнай Бурханһаа абьяастай, тиин тэрэ олон янзын абьяаснуудаа ухаатайгаар, бэе бэедээ аша туһатайгаар хэрэглэжэ байгыт даа.

Пётрой 1-дэхи хандалга 5:2

Таанадта даалгагдаһан Бурханай һүрэгые адуулжа байгты. Баалалтаар хэжэ байһан мэтэ бэшэ, харин сэдьхэлээрээ энэ хэрэгые бүтээжэ байгты. Олзо олохо зорилготойгоор бэшэ, харин оролдосотойгоор алба хэжэ байгты.

Пётрой 2-дохи хандалга 2:10

Илангаяа энэнь бэеынгээ харата хүсэлэнгүүдэй мэдэлдэ байдаг, Бурханай эрхэ засагые тоодоггүй хүнүүдтэ хабаатай. Тэдэ убайгүй, һэшхэлгүй хуурмаг һургагшанар огторгойншье хүсэнүүдые доромжолхоёо айдаггүй.