Римэйхиндэ 9:22 - Библи

²² Бурхан уур сухалаа харуулхаяа, һүр жабхалангаа элирүүлхэеэ һанаа, гэхэдэ, хосорхо заяатай хүнүүдтэ тэрэ ехэл тэсэбэритэйгээр хандана.

Шэнэ Хэлсээн

²² Бурхан уур сухалаа харуулха, һүр жабхалангаа элирүүлхэ һанаатай байгаа, гэхэдэ, хосорхо заяатай байһан хүнүүдтэ тэрэ ехэл тэсэбэритэйгээр хандана.

Римэйхиндэ 9:22 Referencias Cruzadas

Эхин 15:16

Дүрбэн үеын уг удамшни хариин нютагта ажаһууһанай удаа иишээ бусажа ерэхэ. Тэдэнэй эндэ ерэтэр эмоор обог зон энэ газар нютаг эзэлэн ажаһууха. Эдэ зоной доройтоһон ушарһаа Би тэрэ үедэ шинии уг удамай тала хаража, эмоор обогой зониие эндэһээ үлдэхэб. Харин эмоор обогойхидой тиимэ ёро муутай болотор Би мүнөө хүлеэгөөд, һүүлдэнь хэһээлтэ амсуулхаб.

Псалманууд 90:11

Юуб гэбэл, бүхы замдашни шамайе аршалан хамгаалхые Тэрэ Өөрынгөө Эльгээмэлнүүдтэ захиралта үгэхэ.

Египедһээ гаралга 9:16

Гэбэшье Өөрын хүсэ шадал шамда харуулжа, Өөрын нэрэ соло бүхы дэлхэйгээр суурхуулхын тула Би шамайе амиды үлөөнэб.

Һургаал 16:4

Эзэн бүхы юумые зорилготойгоор бүтээгээ. Муу хүниие хэһээлгэ баһал Эзэнэй түсэбтэ ородог.

Гашуудал 3:22

«Эзэнэй хайра дууһаагүй, энэрэл хайрань эсэслээгүй.

Тоололго 14:11

Эзэн Моисейдэ иигэжэ айладаба: – Хэды болотор энэ арад Намһаа буруу харахаб? Хэды болотор эдэнэр Намда этигэхэгүйб? Эдээндэ оло дахин дүлгэ үзэгдэл боложо Минии харагдаашье һаа, эдэнэр Намда этигэнэгүйл.

Тоололго 14:18

«Тэсэбэритэй, үршөөл хайраяа заяадаг Би, Эзэн, хуули эбдэгшэдые, гэм хэгшэдые хүлисэдэгби. Гэбэшье хэһэн зэмэтэ ябадалайнь түлөө хүүгэдынь, ашанарынь, гушанарыньшье хэһээгдэхэ».

Римэйхиндэ 1:18

Нүгэлтэ болон бузар муухай юумэнүүдые үйлэдэжэ, үнэн зүбые даража байһан хүнүүдтэ ехэ уур сухалтай байһанаа Бурхан тэнгэриһээ харуулна.

Римэйхиндэ 9:17

«Өөрын хүсэ шадал шамда харуулжа, Өөрын нэрэ соло бүхы дэлхэйгээр суурхуулхын тула Би шамайе хаанаар табяа хүм», – гэжэ Эзэн Египедэй фараондо Нангин Бэшэг соо хэлэнэ.

Римэйхиндэ 9:20

Ай, нүхэр, Бурханда үсэрхэжэ байхаар ши хэн гээшэбши? Бүтээлынь тэрэниие бүтээгшэдэ: «Юундэ намайе иигэжэ бүтээгээбта?» – гэжэ хэлэхэ аал?

Римэйхиндэ 9:21

Домбонуудые бүтээдэг хүн нэгэл адли шабарһаа тусгай хэрэглэлэй домбо ба үдэр бүхэн хэрэглэгдэдэг юрын домбо бүтээхэ эрхэтэй бэшэ аал?

Фессалоникиинхидтэ 1-дэхи 2:16

Бусад арадуудай абарагдахын тулада Бурханай үгэ номноходомнай тэдэ баһал һаалта хэнэ. Тиигэжэ Иудейн зон хэһэн нүгэлнүүдэй хүсэлдүүлбэ. Одоол мүнөө Бурхан тэдэниие хэһээхэнь даа.

Фессалоникиинхидтэ 1-дэхи 5:9

Бурхан хэһээхын тула бэшэ, харин Эзэн Иисүүс Христоосой туһаар абархын тула бидэниие шэлэжэ абаа юм.

Тимофейдэ 2-дохи 2:20

Томо гэртэ элдэб янзын амһартанууд байдаг: зариманиинь мүнгөөр гү, али алтаар хэгдэнхэй, нүгөө зариманиинь модоор гү, али шабараар бүтээгдэнхэй; нэгэ заримыень тусхай ушарнуудта хэрэглэдэг, нүгөө заримыень үдэр бүхэн хэрэглэдэг.

Пётрой 1-дэхи хандалга 2:8

хүнүүдэй бүдэрдэг шулуун, хүнүүдэй торожо унадаг шулуун болоо. Һайн Мэдээсэлдэ этигэдэггүйл хадаа тэдэнэр бүдэржэ байна. Тэдэнэр тиимэ табилантай.

Пётрой 1-дэхи хандалга 3:20

Нойн томо корабль барижа дүүргэхые Бурханай ехэ тэсэбэритэйгээр хүлеэжэ байха үе сагта тэдэ һүлдэнүүд мэдэлдэнь байхаяа арсаа бэлэй. Нойн бариһан корабльда үсөөн хүн, хамтадаа найман хүн уһанһаа абарагдаһан юм.

Пётрой 2-дохи хандалга 2:3

Тэдэ хомхой хуурмаг һургагшад, зохёоһон үльгэрнүүдээ таанадта хөөрөөд, нилээн олзо өөһэдтөө олохо. Гэхэтэй сасуу хэһэн хэрэгүүдэйнь түлөө хэһээлтэ үни гэһээр бэлэн хүлеэжэ байна, тэдэнэй үхэлынь удахагүй.

Пётрой 2-дохи хандалга 2:9

Үнэн сэдьхэлтэй зониие туршалгануудһаа яажа аршалхые, муу муухай ябадал гаргагшадые Зарга шүүбэриин Үдэрэй хэһээлтэ хүрэтэр яажа һахижа байхые Эзэн мэдэхэ гэжэ урда хэлэгдэһэн харуулна.

Пётрой 2-дохи хандалга 3:15

Бидэндэ абарагдаха боломжо үгэн, манай Эзэн аргагүй удаан хүлеэнэ гэжэ бодогты. Тон тиигэжэл хайрата Павел аха Бурханай хайрлаһан ухаанай хүсөөр таанадта бэшээ бэлэй.

Иудын хандалга 1:4

Өөһэдынгөө харата хэрэгүүдые сагааруулха зорилготойгоор Бурханаймнай буян хэшэг тухай һургаалые хазагайруулдаг, буруу болгодог, манай Захирагша болон Эзэн Иисүүс Христоосые буруушаадаг һүзэг шүтөөнгүй зарим хүнүүд бидэнэй дунда шургажа ороо. Тэдэ зон хэһээлтэдэ орохо гэжэ Нангин Бэшэг соо эртэ урдын сагһаа хойшо бэшээтэй байдаг.