Римэйхиндэ 9:20 - Библи

²⁰ Ай, нүхэр, Бурханда үсэрхэжэ байхаар ши хэн гээшэбши? Бүтээлынь тэрэниие бүтээгшэдэ: «Юундэ намайе иигэжэ бүтээгээбта?» – гэжэ хэлэхэ аал?

Шэнэ Хэлсээн

²⁰ Ай, нүхэр, Бурханда үсэрхэжэ байхаар ши хэн гээшэбши? Бүтээлынь тэрэниие бүтээгшэдэ: «Юундэ намайе иигэжэ бүтээгээбши?» – гэжэ хэлэхэ аал?

Римэйхиндэ 9:20 Referencias Cruzadas

2 Хаан түрэнүүд 16:10

Хаан: – Цэруяагай хүбүүд, таанад яанабта? Хэрбээ Эзэнэй тэрээндэ «Давидые хараа» гэжэ хэлээ хадань, тэрэ харааһан болобол, хэн тэрээндэ «Ши юундэ иинэбши?» гэжэ хэлэхэ юм? – гэбэ.

Иоов 16:3

Дэмы донгодожо дууһаба гүш? Юундэ үргэлжэ тоосолдоо хүмши?

Иоов 33:13

Гомдоходош харюу үгөөгүй хадань Тэрэниие буруудхажа болохогүй.

Иоов 36:23

Хүнэй ухаан хажуудань юуншье бэшэ. Хэн Тэрэниие һургажа шадахаб? Хэн Тэрэниие буруудхаха эрхэтэйб?

Иоов 40:2

– Зоригтой бодожо, Минии табиһан асуудалда харюу үгэ.

Иоов 40:5

Үндэр нэрэ алдараа суурхуулхын тулада оршолоной дээдэ һүр жабхалан олыш. Тиигээд хүн түрэлтэнэй гэмтэ байдалые элишэлэн, омог бардам хүн бүхэниие доошонь даража шиидхыш. Бүгэдын нюдэн дээрэ гэмтэ зондо нэгэ мүһэн шиидхэл буулган усадхажа, үхэлэй хубсаһа үмэсхүүлээд, газарта булыш.

Иоов 9:32

Тэрэнэй хүндэ адли байгаа һаань, би шүүлгын газарта заргалдан, Тэрээндэ харюу үгэжэ болохо байгааб.

Исай 10:15

Сабшагша хүндөө һүхэ өөрыгөө һайрхаха гү? Үгышье һаа, хюрөө өөрыень ашаглажа байгаа хүнэй урда өөрыгөө дээгүүр үргэмжэлхэ гү? Таяг хүниие үргэхэ бэшэ, хүн таягые үргэнэ. Мүн сохидог модон һабаа өөрөө хүниие сохихо бэшэ!

Исай 29:16

Тэдэ бүхы юумэ урбалдуулан байна. Шабараар юумэ бүтээдэг дархан ба шабар – хэниинь дээрэ гээшэб? Танай хэһэн бүтээл танһаа арсажа байдаг юм аал?!

Исай 64:8

Гэбэшье, Эзэн, Та манай Эсэгэт. Бидэ шабар мэтэ, харин Та шабараар амһарта бүтээдэг хүн мэтэт. Бидэ бултадаа – Танай бүтээлнүүд мүн!

Ерэмияа 18:6

– Израилиин улад зон, энэ шабар амһарта бүтээгшэдэл адли, Би таанадтай иимэ юумэ хэжэ шадахагүй гэжэ гү? Амһарта бүтээгшын гарта байһан шабартал адли таанад Минии гарта байнат.

Михей 6:8

Үгы. Һайн хэрэг гээшэ юун бэ гэжэ Эзэн бидэндэ, зондо, иигэжэ айладхана: «Үнэн шударга байха, саг үргэлжэ дура хайраяа элирхэйлжэ байха, Бурханайнгаа үгэ дуулажал ябаха».

Матвей 20:15

Өөрынгөө мүнгэтэй би дуратай юумэеэ хэхэ эрхэтэй бэшэ гүб? Али минии гар бардам байһанда ши атаархахаяа һанаба гүш?»

Лука 12:14

– Нүхэр аа, та хоёрой зарга шиидхэхэ, зөөри зөөшыетнай хубааха эрхэ Намда хэн үгөө юм бэ? – гэжэ Иисүүс тэрээндэ харюусаад, бултанда хандан:

Римэйхиндэ 14:4

Ондоо хүнэй зарасые шүүбэрилжэ байхаар ши хэн гээшэбши? Тэрэ хүнэйшни эзэниинь лэ зарасынгаа зүб гү, али буруу байһыень мэдэхэ. Тэрэ зүб байха, юундэб гэбэл, Эзэн тэрэниие зүб байлгаха арга хүсэтэй юм.

Римэйхиндэ 2:1

Заримантнай буруу юумэ хэжэ байһан зониие шүүбэрилдэг. Зүгөөр тиигэжэ байһандатнай таанадта ямаршье хүлисэл байхагүй. Бусад зониие зэмэлхэдээ, таанад өөһэдыгөө зэмэлнэт, ушарынь юуб гэхэдэ, таанад үнөөхил зонтойгоо адли буруу юумэ хэһэн гэмтэй болонот.

Римэйхиндэ 2:3

Гэмнэжэ байһан хүнүүдтэйгээл тон адли юумэ үйлэдэжэ байхадаа, таанад Бурханай хэһээлтэдэ хүртэхэгүйбди гэжэ үнэхөөрөө һанана гүт?

Римэйхиндэ 9:21

Домбонуудые бүтээдэг хүн нэгэл адли шабарһаа тусгай хэрэглэлэй домбо ба үдэр бүхэн хэрэглэгдэдэг юрын домбо бүтээхэ эрхэтэй бэшэ аал?

Римэйхиндэ 9:22

Бурхан уур сухалаа харуулхаяа, һүр жабхалангаа элирүүлхэеэ һанаа, гэхэдэ, хосорхо заяатай хүнүүдтэ тэрэ ехэл тэсэбэритэйгээр хандана.

Коринфынхидтэ 1-дэхи 1:20

Тиимэһээ сэсэн мэргэн зон хаанаб? Али эрдэмтэйшүүл хаанаб? Али энэ дэлхэйн уран арсалдагшад хаанаб? Энэ дэлхэйн сэсэн мэргэнэй тэнэг байһыень Бурхан харуулаа бэшэ аал?

Коринфынхидтэ 1-дэхи 7:16

Христоосто һүзэглэдэг эхэнэр, нүхэрөө абарха магадгүй байһанаа ши мэдэнэ гүш? Али Христоосто һүзэглэдэг эрэ, һамганаа абарха магадгүй байһанаа ши мэдэнэ гүш?

Тимофейдэ 1-дэхи 6:5

Тиимэ хүнүүд үнэн зүбһөө холодоһон, балартаһан ухаантай хүнүүдээр дэмы заргалдажа байдаг. Тэдэнэр зөөри баялигтайл болохын тула Бурханда шүтэдэг гэжэ бододог.

Тимофейдэ 2-дохи 2:20

Томо гэртэ элдэб янзын амһартанууд байдаг: зариманиинь мүнгөөр гү, али алтаар хэгдэнхэй, нүгөө зариманиинь модоор гү, али шабараар бүтээгдэнхэй; нэгэ заримыень тусхай ушарнуудта хэрэглэдэг, нүгөө заримыень үдэр бүхэн хэрэглэдэг.

Тидтэ 2:9

Барлагуудые эзэдэйнгээ үгэ дуулажа, ямаршье ушарта тэдэнэйнгээ һайшаалда хүртэхэ гэжэ оролдохыень, урдаһаань зүршэн дуугарангүй,

Яковай хандалга 2:20

Тэнэг амитан, үйлэ хэрэгүүдээр баталагдаагүй этигэл һүзэгэй дэмы хооһон байһыень ши мэдэхэ хүсэлтэй аалши?