Римэйхиндэ 8:19 - Библи

¹⁹ Бүтээгдэһэн бүхы юумэнүүд Бурханай Өөрын үхибүүдые элирүүлэн харуулхыень аргагүй ехээр хүлеэжэ байна.

Шэнэ Хэлсээн

¹⁹ Бүтээгдэһэн бүхы юумэнүүд Бурханай өөрынгөө үхибүүдые элирүүлэн харуулхыень аргагүй ехээр хүлеэжэ байна.

Римэйхиндэ 8:19 Referencias Cruzadas

Исай 65:17

Эзэн иигэжэ айладхана: «Харагты, Би шэнэ огторгой, шэнэ газар бүтээнэб. Урданай юумэн һанаандашье орохогүй.

Һошээ 1:10

Гэбэшье Израилиин арад зоной тоо далайн элһэн мэтэ хэмжэжэ тоолохын аргагүй болохо. Таанад Минии арад бэшэт гэжэ хэлэгдэһэн эгээл тэрэ һууринда тэдэнэр амиды Бурханай үхибүүд гэжэ нэрлүүлхэ.

Матвей 5:9

Амгалан байдал найруулагшад жаргалтайл, Бурхан тэдэниие үхибүүдни гэжэ нэрлэхэл.

Иоанн 1:12

Теэд Гэрэл туяае угтан абагшадта, Тэрээнэй алдар нэрэдэ этигэгшэдтэ Бурханай үхибүүд болохо эрхэ Тэрэ үршөөгөө.

Хэрэгүүд 3:21

Гэгээн лүндэншэдөөрөө үни гэхэдэ дамжуулан найдуулһан ёһоороо Бурханай бүхы юумые шэнэлүүлтэр Христоос тэнгэридэ оршохо ёһотой.

Римэйхиндэ 8:14

Бурханай Һүлдөөр хүтэлүүлэгдэһэн хүнүүд Бурханай үхибүүдынь гээшэ.

Римэйхиндэ 8:16

Бурханай Һүлдэ манай һүнэһэ һүлдэтэй ниилэн, маанадые Бурханай үхибүүд гэжэ батална.

Римэйхиндэ 8:18

Мүнөөнэй сагта зобожо байһамнай ерээдүйдэ маанадта үгтэхэ алдарай хажууда юуншье бэшэ гэжэ бодоноб.

Римэйхиндэ 8:23

Гансашье бүтээгдэһэн бүхы юумэнүүд ёолоно бэшэ, харин Бурханай түрүүшын үршөөл бэлэгтэ, Һүлдэдэнь хүртэһэн бидэшье Бурханай маанадые үхибүүдынь болгохые, бэеыемнай сүлөөлхые хүлеэжэ байхадаа, баһал зосоогоо ёолонобди.

Римэйхиндэ 9:26

«Таанад Минии арад бэшэт гэжэ хэлэгдэһэн эгээл тэрэ һууринда тэдэнэр Амиды Бурханай үхибүүд гэжэ нэрлүүлхэ».

Коринфынхидтэ 1-дэхи 1:7

Тиимэһээ манай Эзэн Иисүүс Христоосой ерэхые хүлеэхэ үедээ таанад ямаршье абьяас бэлигээр дуталданагүйт.

Коринфынхидтэ 1-дэхи 1:8

Манай Эзэн Иисүүс Христоосой ерэхэ үдэр ямаршье гэмгүй байхынтнай тула Тэрэ таанадые һүүл хүрэтэрнь батадхажа байхал.

Коринфынхидтэ 2-дохи 6:18

Би танай Эсэгэтнай болохоб, таанад Минии хүбүүд басагад болохот гэжэ түгэс хүсэтэй Эзэн хэлэнэ».

Галадуудта 3:26

Мүнөө таанад булта Иисүүс Христоосто һүзэглэһэн этигэлээрээ Бурханай үхибүүд гээшэт.

Филиппынхидтэ 1:20

Үүргэеэ дүүргэхэдээ, эшэхэ улайхаар юумэ хэхэгүйб, харин хэтын хэтэдэ, илангаяа энэ сагта зоригтой байхаб, тиин ямаршье юумэ хэхэдээ, амиды байна гүб, али үхэхэ гүб, илгаагүй, Христоосые алдаршуулхаб гэжэ бүхы һанал бодолоороо хүсэжэ, найдажа байнаб.

Колоссынхидтэ 3:4

Танай бодото амидарал болбол Христоос гээшэ, тиин Тэрэнэй ерэхэдэ, таанадшье Тэрээнтэй хамта алдартань хүртэлсэн ерэхэт.

Еврейнүүдтэ 12:27

Тэрэ айладаһаниинь бүтээгдэһэн юумэнүүд сооһоо хубилгаха аргагүй юумэнүүдынь үлэжэ, харин хубилгагдаха юумэнүүдынь һүнэн хосорхо гэһые тайлбарилна.

Пётрой 1-дэхи хандалга 1:13

Тиимэһээ һэргэлэн байгты, оюун ухаагаараа хүдэлхэдэ бэлэн байгты. Иисүүс Христоосой ерэхэ Үдэр таанадта үгтэхэ буян хэшэгтэ аргагүй ехээр найдажа байгты.

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.

Иоаннай 1-дэхи хандалга 3:1

Хараад үзыт, Эсэгэ Бурхан маанадта ямар ехэ дуратай байгааб! Бидэнэр Бурханай үхибүүд гэжэ нэрлэгдэнэбди. Үнэхөөрөөшье тиимэбди! Газар дэлхэйнхид бидэниие Бурханай үхибүүд гэжэ мэдэнэгүй, юундэб гэбэл, Бурханиие тэдэ мэдэнэгүй бшуу.

Иоаннай 1-дэхи хандалга 3:2

Инаг хайрата аха дүүнэрни, бидэ мүнөө Бурханай үхибүүд гээшэбди, теэд саашадаа ямар болохомнай үшөөл мэдэгдэнэгүй. Христоосой ерэхэдэ, Тэрээндэл адли болохобди гэжэ ойлгонобди, юундэб гэбэл, бидэ Тэрэниие үнэн бодото зандань харахабди.

Гэршэлгэ 21:7

Илагша бүхы эдэ юумэнүүдые Намһаа абаха. Би тэрэнэй Бурханиинь болохоб, тэрэ Минии хүбүүмни болохо.