Римэйхиндэ 7:25 - Библи

²⁵ Бурханда баяр баясхалан хүргэнэб, Тэрэ манай Эзэн Иисүүс Христоосой ашаар аршалха. Зай, иигээд би бэеэрээ нүгэлэй хуулида, харин ухаан бодолоороо Бурханай Хуулида алба хэдэг хүнби.

Шэнэ Хэлсээн

²⁵ Бурханда баяр баясхалан хүргэнэб, тэрэ манай Дээдын Эзэн Иисус Христосой ашаар аршалха юм. Зай, иигээд би бэеэрээ нүгэлэй хуулида, харин ухаан бодолоороо Бурханай Хуулида алба хэжэ байгаа хүнби.

Римэйхиндэ 7:25 Referencias Cruzadas

Исай 12:1

Тэрэ үдэр ши иигэжэ хэлэхэш: «Эзэн, Таниие магтанаб! Хэды намда уурлаашье һаа, уураа татажа, минии һанаа амаруулаат.

Исай 49:13

Огторгой, баярлан дуула! Газар, баясан хашхара! Ууланууд, бахархан дуулагты! Юуб гэхэдэ, Эзэн Өөрын арад түмэниие номгоруулжа, зобоһон арад түмэнөө хайрлаа.

Исай 49:9

Хаагдаатай байһан зондо «гарагты» гэжэ хэлэхэб, харанхы соо оршогшо хүнүүдтэ «наашаа үзэгдэгты» гэхэб. Харгын хажуугаар тэдэ бэлшээри олохо, гүбээнүүд бэлшэхэ газарынь болохо.

Матвей 1:21

Тэрэшни хүбүү түрэхэ, Тэрээндэ Иисүүс гэжэ нэрэ үгэхэш, юундэб гэбэл, Тэрэ арад зоноо нүгэл хилэнсэгһээ абарха.

Римэйхиндэ 6:14

Нүгэл танай ажамидаралые захирха ёһогүй. Таанад Хууляар бэшэ, харин Бурханай үршөөл хайраар ажамидарна ха юмта.

Римэйхиндэ 6:17

Бурханда баяр баясхалан хүргэе! Таанад нэгэ үедэ нүгэлэй барлагууд байһан аад, номногдоһон һургаалай үнэн зүбые бүхы зүрхэ сэдьхэлээрээ дуулажа абаат.

Римэйхиндэ 8:2

Ушарынь юуб гэбэл, Иисүүс Христоостой хамта ажамидаруулжа байһан Һүлдын хуули намайе нүгэлэй ба үхэлэй хуулиһаа сүлөөлөө.

Коринфынхидтэ 1-дэхи 15:57

Харин манай Эзэн Иисүүс Христоосой ашаар маанадта илалта хайрлаһан Бурханда баяр баясхалан хүргэел!

Коринфынхидтэ 2-дохи 9:15

Үнэлшэгүй бэлэгэйнь түлөө Бурханда баяр баясхалан хүргэел!

Эфесэйхиндэ 5:20

Манай Эзэн Иисүүс Христоосой нэрээр Эсэгэ Бурханда бүхы юумэнэй түлөө үргэлжэ баяр баясхалан хүргэжэ байгты.

Филиппынхидтэ 3:3

Тэдэнэр бэшэ, харин бидэнэр жэнхэни «отолуулга» хэһэн зон гээшэбди, юуб гэбэл, бидэ Бурханай Һүлдын ашаар Бурханда мүргэжэ, Иисүүс Христоостой нэгэдэһэндээ бахархан баясанабди. Бидэ бэеын эрхэтэнэй отолуулха ёһололдо найданагүйбди.

Филиппынхидтэ 4:6

Юундэшье һанаагаа бү зобогты, зальбарха бүхэндөө Бурханда баясхалан хүргөөд, хэрэгтэй юумэеэ гуйжа байгты.

Колоссынхидтэ 3:17

Ямаршье юумые Эзэн Иисүүсэй нэрэ алдарай түлөө хэжэ, али хэлэжэ байгты, Тэрэнээр дамжуулан Эсэгэ Бурхандаа баяр хүргэгты.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад гэгээн санаартан болоод, Иисүүс Христоосоор дамжуулан, Арюун Һүлдэһөө Бурханда һайшаагдаха оюун ухаанай үргэл асаржа байгты.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.