Римэйхиндэ 5:1 - Библи

¹ Мүнөө бидэ һүзэгэйнгөө ашаар Бурханай урда үнэн сэдьхэлтэй болообди, тиин манай Эзэн Иисүүс Христоосоор дамжан Бурхантай эбээ нэгэдхээбди.

Шэнэ Хэлсээн

¹ Мүнөө бидэ этигэл һүзэгэйнгөө ашаар Бурханай урда үнэн сэдьхэлтэй болообди, тиин манай Дээдын Эзэн Иисус Христосоор дамжан Бурхантай эбээ нэгэдхээбди.

Римэйхиндэ 5:1 Referencias Cruzadas

Иоов 21:21

Тиин эртэ наһа барахадань, гэр бүлэнь тэрээндэ ямар хабаатай юм бэ?

Исай 27:5

Минии дали доро орохоёо тэрэ оролдог, Намтай эбтэй байха тухай хэлсээ баталаг, мүн даа, Намтай эбтэй эетэй байха тухай хэлсээ баталаг!»

Исай 32:17

Үнэн зүб хадаа энхэ тайбаниие асарха, үнэн шударга хадаа амгалан, аюулгүй байдал хэтэдээ үршөөхэ.

Исай 54:13

Улад зониишни һургажа, урагшатай бэрхэнүүд болгохоб.

Исай 55:12

Таанад баяртайгаар гаран ошохот, амар амгалан үдэшүүлхэт. Уула гүбээнүүд баярлан дуулалдаха, талын бүхы модод альгаа ташаха.

Аввакуум 2:4

Зай, бардам зантай хэн нэгэниие Би тоохогүйб. Үнэн сэдьхэлтэн этигэл һүзэгэйнгөөл ашаар амидарха.

Захарияа 6:13

Тиимэ, Эзэнэй Һүмэ бариха хүн Тэрэ юм. Тэрэ алдар солодо хүртэжэ, шэрээ зонхилон һууха. Санаартан өөрын шэрээдэ һууха. Хоорондоо эбтэй эетэй байха.

Лука 19:38

– Эзэнэй нэрээр заларан ерэһэн Хаан үршөөл хайратай байһай! Тэнгэридэ амгалан байдал оршоһой, Бурхан алдаршахань болтогой! – гэжэ шанга шангаар хашхаралдаба.

Лука 19:42

– Хотын зон, амгалан байдалда юун хүргэхэб гэжэ энэ үдэр ойлгодог һайт! Теэд тэрэтнай мүнөө танай нюдэнһөө далда байна даа.

Иоанн 14:27

Би таанарые амгалан тайбанда орхёод ябахамни, Өөрын амгалан тайбаниие таанарта үгэнэб. Минии үгэхэ энхэ тайбан энэ дэлхэйн зоной энхэ тайбанда адли бэшэ. Таанар һанаа сэдьхэлээ бү зобоогты! Бү айгты!

Иоанн 16:33

Минии досоо амгалан тайбан олохынтнай тула эдэ бүгэдые Би таанарта хэлээб. Энэ дэлхэйдэ гашуудал зоболонтой ушархат, теэд сүхэршэгүй зоригтой байгты. Би энэ дэлхэйе илааб! – гэжэ Иисүүс харюусаба.

Иоанн 20:31

Теэд Иисүүс болбол Бурханай табисуурта, Бурханай Хүбүүн гэжэ таанарай этигэхын түлөө, Иисүүстэ этигэдэгэйнгээ ашаар амиды ябахынтнай түлөө энэ бүхы юумэн бэшэгдэбэ гээшэ.

Иоанн 5:24

Би таанарта үнэниие хэлэнэб: Минии үгэ дуулаһан хүн, Намайе эльгээгшэ Эсэгэдэ этигэдэг хүн хэтэ мүнхэдөө амиды ябаха. Тиимэ хүн гэмнүүлхэгүй, тиимэ хүн үхэлһөө абарагдан, амидырха.

Хэрэгүүд 10:36

Амгалан байдал тухай номнолые Бурхан Иисүүс Христоосоор дамжуулан, бүхы Израилиин зондо айладхаа. Иисүүс Христоос хүн бүхэнэй Эзэн гээшэ.

Римэйхиндэ 1:17

Гансал һүзэгэй ашаар хүнүүдые Бурханай үнэн сэдьхэлтэн болгодогынь Һайн Мэдээсэл соо элеэр харуулагдана. «Үнэн сэдьхэлтэн һүзэгэйнгөөл ашаар амидарха», – гэжэ Нангин Бэшэг соо бэшээтэй.

Римэйхиндэ 10:10

Зүрхэ сэдьхэлээрээ һүзэглэһэнэйнгөө ашаар бидэ үнэн сэдьхэлтэн болонобди, хэлэ амаараа айладхан, абарагданабди.

Римэйхиндэ 10:15

Тиихэдэ номногшодые ябуулаагүй һаа, яажа мэдээсэлые номнолтойб? «Һайн Мэдээсэл дэлгэрүүлэгшын алхамууд хэды дэмбэрэлтэйб», – гэжэ Нангин Бэшэг соо хэлэгдэнэ.

Римэйхиндэ 14:17

Ушарынь юуб гэбэл, Бурханай хаан орон эдихэ, ууха тухай бэшэ, харин Арюун Һүлдэһөө эхи абадаг үнэн сэдьхэл, энхэ тайбан, баяр жаргал тухай юм.

Римэйхиндэ 15:13

Найдал үршөөдэг Бурхан һүзэгэйтнай ашаар таанадые бүтэн баяр жаргалаар ба амгалан байдалаар дүүргэг лэ, тиигэжэ Арюун Һүлдын хүсөөр этигэл найдалтнай нэмэгдэжэ байг лэ.

Римэйхиндэ 15:33

Амгалан байдал үршөөдэг Бурхан та бүхэнтэй оршожо байхань болтогой!

Римэйхиндэ 3:22

Иисүүс Христоосто һүзэглэһэн этигэл һүзэгэйнь ашаар Бурхан хүн бүхэниие, ямаршье илгаагүйгөөр, үнэн сэдьхэлтэнэй тоондо оруулна.

Римэйхиндэ 3:30

Бурхан ори ганса ушарһаа бүхы арадуудай Бурхан мүн. Тиин Бурхан бусад арадуудые еврейнүүдтэй тон адляар һүзэгэйнь ашаар Өөрынгөө урда үнэн сэдьхэлтэй байлгадаг.

Римэйхиндэ 4:5

Хүнүүд хэһэн юумээрээ бэшэ, харин һүзэгөөрөө Бурханай урда үнэн сэдьхэлтэн гэжэ тоологдохо.

Римэйхиндэ 5:11

Бурханай маанадтай эб найрамдал тогтоохоор Эзэн Иисүүс Христоосые эльгээһэн ушарта бидэ аргагүй баяртай байнабди.

Римэйхиндэ 5:18

Тиимэһээ нэгэ нүгэлэй бүхы хүнүүдые гэмнэн буруудхажа байхада, үнэн зүб нэгэ хэрэгэй ашаар хүн бүхэн үнэн сэдьхэлтэй болоно, ами наһанда хүртэнэ.

Римэйхиндэ 6:23

Хэһэн нүгэл шэбэлэйтнай түлөөһэниинь үхэл юм. Харин манай Эзэн Иисүүс Христоостой нэгэдэн мүнхэ амидархань Бурханай үршөөл бэлэг юм.

Римэйхиндэ 9:30

Зай, юун гэжэ хэлэхэбибди? Бурханай урда үнэн сэдьхэлтэй байхые оролдоогүй бусад арадууд һүзэгэйнгөө ашаар үнэн сэдьхэлтэй болоо.

Галадуудта 2:16

Теэд нэгэшье хүн Хуули сахижа өөрыгөө хамгаалхагүй, харин Иисүүс Христоосто этигэжэ абарагдаха гэжэ бидэ мэдэнэбди. Хуули сахижа «нэгэшье хүн абарагдахагүй» байһан дээрэһээ бидэ Хуули сахяад бэшэ, харин Иисүүс Христоосто найдан абарагдахабди гэжэ Иисүүс Христоосто этигээбди.

Галадуудта 3:25

Тиимэһээ этигэлэй сагай ерэхэдэ, бидэ энэ шэрүүн һургагшын мэдэлһээ мултаран гараабди.

Галадуудта 5:22

Арюун Һүлдын үрэ дүн болбол иимэ: хайра дуран, баяр, энхэ тайбан, тэсэбэри, һайн һанаан, ниигүүлэсхы сэдьхэл, үнэн сэхэ ябадал,

Эфесэйхиндэ 2:7

Иигэжэ Бурхан Иисүүсээр дамжуулан маанадта тон ехээр дуратай байһанаа, аргагүй ехэ үршөөл хайраа ерээдүй сагуудта харуулаа.

Филиппынхидтэ 3:9

Тиимэһээ би Хуули сахижа байһанаараа бэшэ, харин Христоосто һүзэгтэй байһанаараа Бурханай урда үнэн сэдьхэлтэн болоноб. Бурхан этигэл һүзэгөөрнь лэ хүниие үнэн сэдьхэлтэнэй тоодо оруулдаг.

Колоссынхидтэ 1:20

Хүбүүнэйнгээ ашаар бүхы юртэмсэтэй Бурхан эблэрхэ һанаатай байгаа. Хэрээһэндэ хадуулаад үхэһэн Хүбүүнэйнгээ шуһаар Бурхан энхэ тайбаниие тогтоожо, газар дэлхэй болон тэнгэри огторгой дээрэхи бүхы юумэнүүдтэй эбээ нэгэдхүүлээ.

Колоссынхидтэ 3:15

Христоосой хайрлажа байһан энхэ тайбан таанадай зүрхэ сэдьхэлые хүтэлжэ байг лэ. Бурхан энхэ тайбанай тулада таанадые дуудажа, нэгэ бэе болгон нэгэдхээ. Үргэлжэ баяр хүргэжэ байгты.

Фессалоникиинхидтэ 1-дэхи 5:23

Бидэндэ амгалан тайбаниие үршөөжэ байһан Бурхан таанадые бүримүһэн арюун гэгээн болгог, Эзэн Иисүүс Христоосой ерэтэр танай һанал бодол, һүнэһэ һүлдэ, махабад бэе бүрин бүтэнөөрөө ямаршье зэмдэг дутагдалгүй хадагалагдажа байг.

Фессалоникиинхидтэ 2-дохи 3:16

Амгалан тайбанай эхин болохо Эзэн Өөрөө таанадта хододоо бүхы юумэндэ амгалан тайбаниие үршөөжэ байг лэ. Эзэн та бүхэнтэй оршожо байг лэ.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!