Римэйхиндэ 4:9 - Библи

⁹ Үнөөхи Давидай хэлээшэ аза жаргал гансал отолуулһан зондо хабаатай аал? Үгыл даа. Тэрэнь отолуулаагүйшье зондо адлихан хабаатай. «Абраһаам Бурханда этигэбэ, Бурхан тэрэниие үнэн сэдьхэлтэн гэжэ тоолобо», – гэжэ Нангин Бэшэг соо хэлэгдэһые бидэ дурдаа һэмди.

Шэнэ Хэлсээн

⁹ Үнөөхи Давидай хэлээшэ аза жаргал гансал отолуулһан зондо хабаатай аал? Үгыл даа. Тэрэнь отолуулаагүйшье зондо адлихан хабаатай юм. «Абраһамай Бурханда этигэһэн хадань Бурхан тэрэниие үнэн сэдьхэлтэнэй тоодо оруулаа», – гэжэ Нангин Бэшэг соо хэлэгдэһые бидэ дурдаа һэмди.

Римэйхиндэ 4:9 Referencias Cruzadas

Эхин 15:6

Абрам Бурханда этигэбэ, Бурхан тэрэниие үнэн сэдьхэлтэн гэжэ тоолобо.

Исай 49:6

Эзэн намда иигэжэ айладхаа: «Минии зараса байха гээшэ багашаг үүргэ шамда. Тиимэһээ ши үшөө Яковай угсаатаниие һэргээн бодхоохош, Израилиин амиды мэндэ үлэһэн арад зониие һөөргэнь бусаахаш. Газар түбиин заха хизаар хүрэтэр абаралгыемни дэлгэрүүлхыншни тула Би шамайе бусад арадуудай гэрэл туяа болгохоб!»

Лука 2:32

Тэрэтнай бүхы угсаатаниие гэгээрүүлхэ гэрэл болохол, Израилиинтнай арадта алдар соло асархал.

Римэйхиндэ 4:10

Тэрэнь хэзээ ушарһан байгааб? Абраһаамай отолуулһанһаа урда гү, али отолуулһан хойнонь гү? Отолуулһанайнь хойно бэшэ, харин отолуулхынь урда тээ ушараа.

Римэйхиндэ 4:3

«Абраһаам Бурханда этигэбэ, Бурхан тэрэниие үнэн сэдьхэлтэн гэжэ тоолобо», – гэжэ Нангин Бэшэг соо хэлэгдэнэ.

Галадуудта 3:14

Иисүүс Христоосоор дамжан найдуулагдаһан Арюун Һүлдые этигэлээрээ тогтоожо абахынь тула Абраһаамай үршөөл хайра мүнөө бүхы арадуудта үгтөө.

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.

Колоссынхидтэ 3:11

Эсэстээ грегүүдэй болон иудейнүүдэй хоорондо, отолуулһан болон отолуулаагүй хүнүүдэй хоорондо, хариин болон зэрлиг зоной хоорондо, барлагуудай болон сүлөөтэй хүнүүдэй хоорондо ямаршье илгаа үгы юм, гансал Христоос бии, тиин бүхы юумэн Христоос, бүхы юумэн соо Христоос байха.