Римэйхиндэ 3:4 - Библи

⁴ Үгыл даа. Хүн бүхэнэй худал хуурмаг юумэ хэлэжэ байбашье, Бурхан үнэн зүбые хэлэдэг. «Хэлэһэнтнай үнэн зүб байһыетнай баталха, зарга шүүбэриин болоходо, Та илажа гарахат», – гэжэ Нангин Бэшэг соо Бурхан тухай хэлэгдэнэ.

Шэнэ Хэлсээн

⁴ Үгыл даа. Хүн бүхэнэй худал хуурмаг юумэ хэлэжэ байбашье, Бурхан үнэн зүбые хэлэдэг юм. «Хэлэһэншни үнэн зүб байһыеш баталха, Зарга шүүбэриин болоходо ши илажа гарахаш», – гэжэ Нангин Бэшэг соо Бурхан тухай хэлэгдэнэ.

Римэйхиндэ 3:4 Referencias Cruzadas

Иоов 36:3

Би мэдэлгэеэ алас холоһоо абажа, зүб байдалые Бүтээгшэдэ хамааруулнаб.

Псалманууд 100:5

Дүтын хүнөө нюусаар муулажа байгаашадые усадхахаб, бардам харасатай, дээрэлхүү зантай хүниие тэсэжэ байхагүйб.

Псалманууд 138:2

Минии һууха, бодохыешье Та мэдэнэт. Хаана холоһоо минии һанаан бодолые ойлгонот.

Псалманууд 51:4

Хэлэншни бүлюудэһэн хутага мэтэ мэхэтэй, гэм түсэблээл.

Псалманууд 62:9

Сэдьхэлни Танда няалданхай, зүб гартнай намайе дүнгэнэ.

Михей 7:20

Эртэ урда сагта манай элинсэг хулинсагта тангариглан найдуулһанаа бэелүүлжэ, Яковай болон Абраһаамай үри һадаһадта – Өөрын арад зондо Та үнэн сэхэеэ, үршөөл хайраяа бэлэглэхэт.

Матвей 11:19

Хүн түрэлхитэнэй Хүбүүнэй ерээд, юумэ эдидэг, үзэмэй дараһан архи болгодог байхадань, хүн бүхэн: «Харагты даа! Энэтнай эдимэр, архиншан, алба татаашадай, нүгэл хэгшэдэй нүхэр» гэлсэбэ. Тиигэбэшье Бурханай сэсэн мэргэниинь хэрэгүүдэйнь үрэ дүнгөөр баталагдадаг юм.

Лука 20:16

Эзэн ерээд, тэдэ үзэмшэдые алаха, тиигээд ондоо үзэмшэдтэ сэсэрлигээ даалгаха. Хэлэхыень шагнаһан хүнүүд: – Үгы даа, тиимэ юумэн болохогүй! – гэлдэбэ.

Иоанн 3:33

Тэрээндэ этигэһэн хүн Бурханай үнэн зүб байдагыень гэршэлнэ.

Римэйхиндэ 11:1

Зай, тиихэдээ Бурхан Өөрын арадһаа арсаба гү гэжэ би һуранаб. Үгыл даа! Би өөрөөшье Израилиин хүн, Абраһаамай үри һадаһан, Бэньямиинэй обогой хүмби.

Римэйхиндэ 11:11

Тиигэбэл еврейнүүд дахин хэзээшье һэргэжэ бодохогүйгөөр бүдэржэ унаа гү гэжэ би һуранаб. Үгыл даа! Тэдэнэй нүгэл шэбэлдэ унахада, атаархалынь хүргэжэ байхаар бусад арадууд абаралда хүртөө.

Римэйхиндэ 3:31

Тиихэдээ бидэ һүзэгөөрөө Хуули хүсэгүй болгоно гүбди? Үгыл даа, бидэ Хуули бүришье хүсэн түгэлдэр болгонобди.

Римэйхиндэ 6:15

Зай, тиигээд яахамнайб? Хууляар бэшэ, харин Бурханай үршөөл хайраар захирагдан ябаа хадаа нүгэл шэбэлээ саашадаашье үйлэдэхэмнай гээшэ гү? Үгыл даа!

Римэйхиндэ 6:2

Үгыл даа. Нүгэлэй талаар үхөөд, эрхэ мэдэлһээнь мултарһан хадаа яажа саашадаашье нүгэл хэжэ ажамидархабибди?

Римэйхиндэ 7:13

Зай, тиихэдээ үлзы дэмбэрэлтэй юумэн намда үхэл асараа гү? Үгыл даа, нүгэл үхэлые асараа. Үнэн байдалаа элирүүлхын тула нүгэл үлзы дэмбэрэлтэй юумые хэрэглэн, зосоомни үхэл түрүүлээ. Тиимэһээ захяа заабариин ашаар нүгэлэй бүришье аймшагтай, бүришье бузар булай байһаниинь харуулагдаа.

Римэйхиндэ 7:7

Зай, тиигээд Хуули өөрөө нүгэлтэй гэжэ хэлэхэмнай гү? Үгыл даа! Зүгөөр Хуулиин үгы байбал, би нүгэл гээшэ юун бэ гэжэ мэдэхэгүй һэнби. «Хүнэй юумэндэ бү һанаарха», – гэжэ Хуулиин хэлээгүй һаа, би тиигэжэ һанаархахань нүгэл гэжэ мэдэхэгүй һэм.

Римэйхиндэ 9:14

Зай, тиихэдээ Бурхан үнэн зүб бэшэ гэжэ хэлэхэмнай гү? Үгыл даа!

Коринфынхидтэ 1-дэхи 6:15

Танай бэе Христоосой бэеын хэһэгынь юм гэжэ таанад мэдэхэгүй аалта? Тиихэдээ би Христоосой бэеын хэһэгые абажа, янханай бэеын хэһэг болгохо аалби? Үгыл даа!

Коринфынхидтэ 2-дохи 1:18

Бурханай бата найдабаритай байдагтал адляар минии «тиимэ» гэһэмни «үгы» бэшэ, харин тиимэ байдаг.

Галадуудта 2:17

Хэрбээ бидэ Христоостой нэгэдэн өөһэдыгөө сүлөөлхэ гэжэ байтараа, Хуули сахин нүгэл хэнэбди гэжэ баһа мэдэрбэл, Христоос нүгэл хэлгэдэ хамһалсагша болоно гү? Үгы даа!

Галадуудта 2:21

Бурханай үршөөл хайраһаа би арсанагүйб. Хэрбээ гансал Хуули сахижа аршалагдаха аргатай байбал, Христоос дэмы наһа бараһан болоно.

Галадуудта 6:14

Харин би юугээршье һайрхахаяа һананагүйб, гансал манай Эзэн Иисүүс Христоосой хэрээһээр һайрханаб. Минии урда энэ хэрээһэн дээрэ бүхы дэлхэйн омогорхол хадагдаа, тиихэдэ би өөрөөшье энэ дэлхэйн омогорхолой урда хэрээһэн дээрэ хадагдаад байнаб.

Хуули дабталга 32:4

Тэрэ – танай хамгаалагша, хэрэгүүдынь түгэс. Бүхы аян замынь залан сэхэ. Бурхан найдамтай, хуурмаг худал юумэн Тэрээндэ үгы, Тэрэ үнэн зүб, шударга сэхэ юм.

Тимофейдэ 1-дэхи 3:16

Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Арюун Һүлдэ харуулаа, Тэрэ Өөрыгөө Эльгээмэлнүүдтэ харуулаа. Арадуудай дунда Тэрээн тухай номноо, бүхы газар дэлхэйн зон Тэрээндэ этигээ, тиигээд Тэрэ тэнгэридэ дэгдээ.

Еврейнүүдтэ 6:18

Бурханай худалаар хэлэжэ болохогүй, хубилдаггүй хоёр юумэн бии. Тиимэһээ бидэ урдамнай оршожо байһан найдуулга хатуугаар адхаад, ехэтэ урмашажа, Бурхантай хамтархадаа хоргодохо газар олобобди.

Иоаннай 1-дэхи хандалга 5:10

Бурханай Хүбүүндэ этигэдэг хүнэй зүрхэ сэдьхэлдэнь энэ гэршэлгэнь байна. Харин Бурханда этигэдэггүй хүн Бурханиие худалша мэтэ харуулна, ушарынь гэбэл, Бурханай Өөрынгөө Хүбүүн тухай гэршэлхэдэнь, тэрэ хүн этигээгүй.

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, Тэрэнэй Иисүүс Христоостой нэгэн хамта байнабди. Иисүүс Христоос хадаа ёһотой Бурхан гээшэ, хэтэ мүнхын амидарал гээшэ.

Гэршэлгэ 3:7

Филадельфиин һүзэглэгшэдэй бүлгэмэй түлөөлэгшэдэ бэшээрэй: «Нээгээ һаа, хэнэйшье хаажа шадахагүй, хаагаа һаа, хэнэйшье нээжэ шадахагүй Давидай оньһон түлхюуртэй Нангин Үнэн сэдьхэлтэн иигэжэ хэлэнэ: