Римэйхиндэ 2:8 - Библи

⁸ Харин өөһэд тухайгаал бододог, үнэн зүбые буруушаадаг, тиихэдэ буруу хэрэг үйлэдэхэ дуратай зондо Бурхан уур сухалаа, хоро шараяа харуулха.

Шэнэ Хэлсээн

⁸ Харин өөһэд тухайгаал бододог, үнэн зүбые буруушаадаг, тиихэдэ буруу хэрэг үйлэдэхэ дуратай зондо Бурхан уур сухалаа, хоро шараяа харуулха.

Римэйхиндэ 2:8 Referencias Cruzadas

2 Угай бэшэг 6:23

Та огторгойһоо энээнииень дуулажа, богоолнуудайнгаа зарга хэрэг шиидхэжэ, гэмтэниие элирүүлжэ, гэмынь амасуулыт, харин гэмгүй хүниие сагааруулан аршалыт!

Иоов 24:13

Гэмтэй хүнүүдтэ гэрэлтэ амидарал таарахагүй. Тэрэнэй замаар тэдэ ябажа шадахагүй.

Псалманууд 90:11

Юуб гэбэл, бүхы замдашни шамайе аршалан хамгаалхые Тэрэ Өөрынгөө Эльгээмэлнүүдтэ захиралта үгэхэ.

Һургаал 11:23

Үнэн шударга хүнэй хүсэлэй бэелэл үргэлжэ һайхан, харин хоротой хүнэй хүсэл Эзэнэй хилэнсэдэ асардаг.

Һургаал 13:10

Бэеэ дээгүүр абхуулдаг зан гансал хэрэлдээндэ асардаг. Заабари шагнадагынь сэсэн байна.

Исай 50:10

Таанадай хэн Эзэниие хүндэлжэ, зарасайнь үгэ дууладаг бэ? Харгы харанхы, гэрэлгүйдэ ябагшад Эзэндэ этигэжэ, Бурхандаа найдан байг!

Ерэмияа 34:18

Иудын хан түрын болон Иерусалимай тушаалтад түшэмэлнүүдтэй, санаартадтай, удамаршадтай хамта бурууе хоёр хуби болгон, сабшаад, хоёр хубиин хоорондуур гаран, Намтай хэлсээ баталаа бэлэй. Теэд эдэнэр энэ хэлсээ эбдэбэ. Тиимэһээ Би тэдээндэ тэрэ буруунда хандаһандань адляар хандахаб.

Эзэкээл 22:31

Тиимэһээ угаа ехээр уурлажа, Би тэдэниие хэһээхэб, үйлэ хэрэгүүдынь өөһэдынь толгой дээрэ буулгахаб. Энэ болбол Би, Эзэн Бурхан, айладхаа мүн!

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Римэйхиндэ 1:18

Нүгэлтэ болон бузар муухай юумэнүүдые үйлэдэжэ, үнэн зүбые даража байһан хүнүүдтэ ехэ уур сухалтай байһанаа Бурхан тэнгэриһээ харуулна.

Римэйхиндэ 10:16

Гэхэтэй сасуу Һайн Мэдээсэлдэ булта этигээгүй. «Эзэн аа, бидэнэй хэлэһэн үгэнүүдтэ хэн этигээ юм?» – гэжэ Исай лүндэншэн хэлэнэ.

Римэйхиндэ 15:18

Бусад арадуудые Бурханай мэдэлдэ оруулхын тула Христоос гайхамшагта тэмдэгүүдээр ба үйлэ хэрэгүүдээр, Бурханай Һүлдын хүсэ шадалаар намаар юу хэлүүлээ, хүүлээ һэм, тэрээн лэ тухай би хөөрэхэеэ зүрхэлхэб. Аяншалжа ябахадаа, би Иерусалимһаа Иллирик хүрэтэр хаа хаанагүй Христоос тухай Һайн Мэдээсэл тунхаглажа байгааб.

Римэйхиндэ 6:17

Бурханда баяр баясхалан хүргэе! Таанад нэгэ үедэ нүгэлэй барлагууд байһан аад, номногдоһон һургаалай үнэн зүбые бүхы зүрхэ сэдьхэлээрээ дуулажа абаат.

Римэйхиндэ 9:22

Бурхан уур сухалаа харуулхаяа, һүр жабхалангаа элирүүлхэеэ һанаа, гэхэдэ, хосорхо заяатай хүнүүдтэ тэрэ ехэл тэсэбэритэйгээр хандана.

Коринфынхидтэ 1-дэхи 11:16

Хэн нэгэнэй энэ асуудалаар арсалдаха һанаатай байбал, бидэшье, Бурханай һүзэглэгшэдэй бүлгэмшье ондоо тиимэ ёһо заншал үгы юм гэжэ хэлэхэб.

Коринфынхидтэ 2-дохи 12:20

Таанадта ошоходоо, бидэ бэе бэедээ урмаа хухарна гүбди гэжэ һэргылнэб. Таанадай дунда хэрүүл ама, атаа жүтөө, уур сухал, хэрэлдээ, хардалга, хоблолго, омогорхолго, журамгүй байдал гараагүй аабза гэжэ айнаб.

Галадуудта 5:20

онгонуудта мүргэхэ, эльбэ жадха хэхэ, зэбүүрхэхэ, хэрүүл ама гаргаха, атаархаха, уурлаха, дээрэлхүү зантай байха, арсалдаха ба хэрэлдэхэ, буруу үзэл номнохо,

Филиппынхидтэ 1:17

Харин намда атаархаһан номногшод Христоос тухай үнэн зүрхэнһөө айладханагүй. Тэдэ намайе түрмэдэ бүри ехээр зобоолгохо зорилготойгоор лэ номноно.

Филиппынхидтэ 2:3

Юумэ хэхэдээ, өөр тухайгаал бү бодогты, али хүнэй магтаалда хүртэхын лэ тула бү оролдогты. Зүгөөр даруу номгон байгты, бусад зониие өөрһөө дээгүүр бодожо байгты.

Тидтэ 3:9

Тэнэг арсалдаануудһаа, уг гарбал ба Хуули тухай хэрүүл, заргалдаанһаа зайлажа байгаарай. Тэдэ болбол аша туһагүй, дэмы юм.

Еврейнүүдтэ 10:27

Тиимэһээ зарга шүүбэриин болохые, Бурханда эсэргүүсэһэн хүнүүдые һүнөөхэ дошхон галые аймшагтайгаар хүлеэхэмнай үлэнэ.

Еврейнүүдтэ 11:8

Бурханай үгэхэб гэжэ найдуулһан нютаг руу ошо гэжэ Бурханай уряалхада Абраһаам этигэл һүзэгөөрөө үгыень дуулаа. Хайшаашье ошохо байһанаа мэдэнгүй, тэрэ өөрынгөө орон нютагые орхижо ошоо.

Еврейнүүдтэ 5:9

Эрхим түгэс болоходоо, Тэрэ үгыень дууладаг бүхы хүнүүдэй мүнхын абаралгын эхиниинь болоо.

Яковай хандалга 3:14

Теэд сэдьхэлдээ хорон атаархалтай, ганса бэеэ бододог аад, сэсэн ухаатайб гэжэ һайрхан, худал юумэ хэлэн, үнэн зүбые бү далдалагты.

Яковай хандалга 3:16

Хүнүүдэй атаа жүтөөндэ абтаһан, ганса бэеэ бодоһон ушарта эмхи журамгүй байдал, элдэб янзын нүгэл шэбэл тохёолдодог.

Пётрой 1-дэхи хандалга 3:1

Эхэнэрнүүд, таанад баһал нүхэдэйнгээ мэдэлдэ байгты; хэрбээ тэдэнэрэй дунда Бурханай Үгэдэ этигэдэггүй хүнэй байбал, эхэнэрэйнгээ арюун сэбэр, һүзэгтэй ажамидаралые хараад, этигэхэл. Тиихэдэ таанадта юумэ хэлэжэ байхын хэрэг үгы.

Пётрой 1-дэхи хандалга 4:17

Зарга шүүбэриин эхилхэ саг дүтэлөөд байна. Тиихэдэ Бурханай хүнүүд хамагай түрүүн зарга шүүбэридэ орохо. Хэрбээ заргаяа бидэнһээ эхилбэл, Бурханда һүзэглэхэеэ арсаһан хүнүүд ямар хойшолонтой байхань гээшэб?

Гэршэлгэ 14:10

Бурханай уур сухалай аягаһаа Тэрэнэй уур сухалай холисогүй сэбэр үзэмэй дараһан архи ууха, тэдэ хүнүүдые арюун нангин Эльгээмэлнүүдэй урда, Үргэлэй Хурьганай урда асараад, гал түймэр руу, хүхэрэй хүхэ дүлэн руу хаяжа, тамалан хэһээхэ.

Гэршэлгэ 16:19

Аргагүй томо хото гурбан хуби боложо бутаран һандаршаба, бусад арадуудай хотонууд хяа бута һүрэн унашаба. Агуу ниислэл Вавилоон тухай Бурхан һанажа, аргагүй ехэ уур сухалайнгаа аягатай үзэмэй дараһан архиие тэрэ ниислэлдэ уулгаба.