Римэйхиндэ 2:29 - Библи

²⁹ Жэнхэни еврей болбол гансал махабад бэеэ отолуулһан бэшэ, харин зүрхэ сэдьхэлэйнгээ гүн соо отолуулһан байха ёһотой. Энэнь Хуулиин тогтоолнуудай бэшэ, харин Арюун Һүлдын ажал юм. Тиимэ хүн уладай магтаалда бэшэ, харин Бурханай магтаалда хүртэхые хүсэдэг.

Шэнэ Хэлсээн

²⁹ Жэнхэни еврей болбол гансал махабад бэеэ отолуулһан бэшэ, харин зүрхэ сэдьхэлэйнгээ гүн соо отолуулһан байха ёһотой. Энэнь Хуулиин тогтоолнуудай бэшэ, харин Нангин Һүлдын ажал юм. Тиимэ хүн уладай магтаалда бэшэ, харин Бурханай магтаалда хүртэхые хүсэдэг.

Римэйхиндэ 2:29 Referencias Cruzadas

1 Угай бэшэг 29:17

Минии Бурхан мэдэнэб, Та үнэн зүрхэнһөө дурланат, сэдьхэлһээ туршанат; би сэбэр сэдьхэлһээ эдэ бүхые үргэнэб, минии хараһаар Танай арад Тандаа баясан, үргэл үргөөл.

Ерэмияа 4:14

Иерусалим, абарагдахын тула муу муухайе зүрхэ сэдьхэлһээ зайсуулагты. Хэды болотор хорон муу бодолоо бодохо юмта?

Ерэмияа 4:4

Минии арад түмэн бологты, зүрхэ сэдьхэлээ хубилгагты. Иудын ба Иерусалимай улад зон, тиигээгүй һаатнай, таанарай үйлэдэһэн муу муухай хэрэгүүдһээ боложо, Минии уур хилэн гал дүлэн мэтэ бушаганаха. Хэншье тэрэниие унтаргаажа шадахагүй.

Ерэмияа 9:25

Эзэн иигэжэ тунхаглана: «Египедэй, Иудын, Эдоомой, Аммооной, Моһаабай болон элһэн сүл губида ажаһуудаг, һаншагайнгаа үһэ тайрадаг зониие Минии шүүбэрилхэ саг дүтэлжэ байна. Эдэнэр бэлгэеэ отолуулаагүй. Харин Израилиин улад зон бэлгэеэ отолуулһаншье һаа, энэ ёһололой далда удхые – Намтай хэлсээгээ сахиха гээшые дүүргээгүй».

Лука 11:39

Тиихэдэнь Иисүүс тэрээндэ иигэжэ хэлээ: – Фарисейнүүд, таанар аяга, табагай газаахииень аршажа арилгадагта, харин досоогоо таанад эд хүрэнгэдэ шуналтай, нүгэлтэй байнат.

Лука 17:21

«Эндэ байна, тэндэ байна», – гэжэ хүнүүд хэлэхэгүй. Юундэб гэхэдэ, Бурханай хаан түрэ досоотнай оршоно бшуу.

Иоанн 12:43

Хүнүүдэй магтаалда хүртэхэнь Бурханай һайшаалда хүртэхэһөө дээрэ гэжэ тэдэ һанаһан байна.

Иоанн 4:23

Бурханай Һүлдын үнэн зүбэй һургаһан ёһоор Эсэгэ Бурханда үнэн зүбөөр һүгэдэн мүргэхэ саг ерэжэ байна, ерээдшье байна! Энэнь үнэн бодото һүгэдэлгэ мүн. Эсэгэ Бурхан Өөрыень иигэжэл хүндэлхые хүсэнэ.

Иоанн 5:44

Таанар бэе бэедээ магтуулхаяа ехээр хүсэнэт, харин Бурханай магтаалда хүртэхэ гэжэ оролдоногүйт! Таанартал адли хүнүүд Намда этигэхэ аал?

Римэйхиндэ 14:17

Ушарынь юуб гэбэл, Бурханай хаан орон эдихэ, ууха тухай бэшэ, харин Арюун Һүлдэһөө эхи абадаг үнэн сэдьхэл, энхэ тайбан, баяр жаргал тухай юм.

Римэйхиндэ 2:27

Тиимэһээ хэзээшье отолуулаагүй Хуули сахидаг хүн бүхэн еврейнүүдые гэмнэхэ бэшэ аал? Таанад отолуулһан байнат, Хуулитай байнат, гэхэдэ таанад тэрэ Хуули сахинагүйт.

Римэйхиндэ 3:1

Еврей байхада юугээрээ һайн юм? Отолуулһан байхада ямар аша туһатай юм?

Римэйхиндэ 7:6

Харин мүнөө бидэ урдань маанадые хүлеэд байһан Хуулиин талаар үхөөд, эрхэ мэдэлһээнь мултараабди. Саашадаа бидэ бэшэгдэһэн Хуули сахижа, хуушан аргаар алба хэхэгүйбди, харин шэнэ аргаар Һүлдын мэдэлдэ байгаад, Бурханда алба хэхэбди.

Коринфынхидтэ 1-дэхи 4:5

Тиимэһээ тогтоогдоһон сагай болоогүйдэ хэнииешье бү шүүбэрилэ. Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.

Коринфынхидтэ 1-дэхи 7:19

Отолуулһан байна гү, али отолуулаагүй гү, ямаршье илгаагүй, гансал Бурханай захяа заабаринуудые дүүргэжэ байһаниинь шухала юм.

Коринфынхидтэ 2-дохи 10:18

Өөрыгөө магтаһан хүн бэшэ, харин Эзэнэй магтаалда хүртэһэн лэ хүн үнэхөөрөө һайшаагдана.

Коринфынхидтэ 2-дохи 3:6

Тэрэл Бурхан бэшээтэй Хуули дээрэ бэшэ, харин Арюун Һүлдэ дээрэ һуури татаһан Шэнэ Хэлсээнэй зарасанар байха боломжо бидэндэ олгоо. Юундэб гэхэдэ, Хуули үхэл асардаг, харин Һүлдэ амидарал үршөөдэг.

Хуули дабталга 10:16

Тиимэһээ энэ сагһаа хойшо Эзэнэй үгэ дууладаг бологты, саашадаа бү үсэрхэлдэгты.

Хуули дабталга 30:6

Эзэн Бурхантнай таанадые болон уг удамыетнай Өөр руунь зүрхэ сэдьхэлээрээ тэгүүлдэг болгохо, тиихэдэнь Эзэн Бурхандаа бүхы зүрхэ сэдьхэлээрээ дурлахат, иигэжэ амиды мэндэ үлэхэт.

Филиппынхидтэ 3:3

Тэдэнэр бэшэ, харин бидэнэр жэнхэни «отолуулга» хэһэн зон гээшэбди, юуб гэбэл, бидэ Бурханай Һүлдын ашаар Бурханда мүргэжэ, Иисүүс Христоостой нэгэдэһэндээ бахархан баясанабди. Бидэ бэеын эрхэтэнэй отолуулха ёһололдо найданагүйбди.

Фессалоникиинхидтэ 1-дэхи 2:4

Бурхан бидэниие туршаад, Һайн Мэдээсэл номнохыемнай даалгаа. Тиимэһээ номноходоо, бидэ хүнүүдтэ һайшаагдаха гэжэ оролдодоггүйбди, харин бидэнэй һанал бодолые туршажа байдаг Бурханда һайшаагдаха гэжэ оролдодогбди.

Пётрой 1-дэхи хандалга 3:4

Харин Бурханда аргагүй һайшаагдадаг сэдьхэлэй даруу ба зөөлэн занһаа гараһан үнэн бодото мүнхын гоёолтоор өөһэдыгөө шэмэглэгты.

1 Хаан түрэнүүд 16:7

Теэд Эзэн Самуилда айладхан: – Тэрэнэй түхэл маяг болон нюргаар үндэрыень бү хара. Би тэрэниие тоохогүйб. Юуб гэхэдэ, Эзэн хүндэл адляар харадаггүй. Хүн нюурыень лэ харадаг, Эзэн зүрхэ сэдьхэлыень харадаг гээшэ, – гэбэ.