Римэйхиндэ 2:15 - Библи

¹⁵ Тэдэнэр өөрынгөө үйлэ хэрэгүүдээр Хуулиин эрилтэнүүдэй зүрхэ сэдьхэлдэнь бэшээтэй байһые харуулна. Тэдэнэй һэшхэлшье тэрэ ушар гэршэлнэ: заримдаа һанал бодолнуудынь тэдэниие зэмэлнэ, заримдаа хамгаална.

Шэнэ Хэлсээн

¹⁵ Тэдэнэр өөрынгөө үйлэ хэрэгүүдээр Хуулиин эрилтэнүүдэй зүрхэ сэдьхэлдэнь бэшээтэй байһые харуулна. Тэдэнэй һэшхэлшье тэрэ ушар гэршэлнэ: заримдаа һанал бодолнуудынь тэдэниие зэмэлнэ, заримдаа хамгаална.

Римэйхиндэ 2:15 Referencias Cruzadas

Эхин 20:5

Тэрэ хүн өөрөө намда энэ эхэнэрые дүү басагамни гэжэ хэлээ юм. Эхэнэр өөрөө мүн лэ тиигэжэ хэлээ! Бэе болон сэдьхэлээрээ би ямаршье муу үйлэ хээгүйлби.

3 Хаан түрэнүүд 2:44

Хаан Шимэйдэ иигэжэ хэлэбэ: – Минии эсэгэ Давидта хэһэн бүхы муу муухай хэрэгүүдээ мэдэнэш, сүм ойлгонош. Эзэн муу муухай хэрэгүүдыеш толгой дээрэш бусаан буулгаг!

Иоов 27:6

Би өөрын үнэн зүбые баримталхадаа, һөөргэ сухарихагүйб. Сэдьхэлни амидаралай нэгэшье үдэрһөө халаглахагүй.

Экклезиаст 7:22

Тэрээндэ адли олон удаа өөрөөшье бусадые хараажа байһанаа һанаха ёһотойш.

Иоанн 8:9

Иисүүсэй тиигэжэ хэлэхыень дуулаад, тэндэ сугларһан зон хойно хойноһоо һубарилдан тараба, эгээн ехэ наһатайшуулынь түрүүн гаража ошоо. Удаань Иисүүс эхэнэртэй хоюулан лэ үлэбэ.

Хэрэгүүд 23:1

Павел Зүблэлэй гэшүүдые шэртэн хараад: – Аха дүүнэр! Бүхы наһаараа энэ үдэр хүрэтэр би Бурханда үнэн сэхээр алба хээб, – гэжэ хэлэбэ.

Хэрэгүүд 24:16

Тиимэһээ би Бурханайшье, хүнүүдэйшье урда арюун һайн сэдьхэлтэй байха гэжэ ходо оролдодогби.

Римэйхиндэ 2:14

Бусад арадуудай зарим хүнүүд Хуулигүй байһаншье һаа, Хуулиин заабаринуудые зүнгөөрөө мэдэн сахижа байдаг. Тиимэһээ тэдэнэр Хуулигүй байһаншье һаа, сэдьхэл дотороо хуулитай байһанаа харуулна.

Римэйхиндэ 2:27

Тиимэһээ хэзээшье отолуулаагүй Хуули сахидаг хүн бүхэн еврейнүүдые гэмнэхэ бэшэ аал? Таанад отолуулһан байнат, Хуулитай байнат, гэхэдэ таанад тэрэ Хуули сахинагүйт.

Римэйхиндэ 9:1

Христоосто һүзэглэдэг би үнэн зүбые хэлэнэб, худалаар хэлэнэгүйб. Тиин Арюун Һүлдэшье, һэшхэлнишье минии хэлэһые үнэн гэжэ гэршэлнэ.

Коринфынхидтэ 2-дохи 1:12

Энэ дэлхэйдэ байхадаа, илангаяа таанадтай харилсахадаа, бидэ Бурханһаа үгтэһэн үнэн сэхэ, арюун сэбэр ажамидаралтай байгаабди, һэшхэл бодолнайшье тэрэниие батална, тиимэһээл бидэ ехэл бахархадагбди. Бидэ хүнэй сэсэн ухаагаар бэшэ, харин Бурханай үршөөлөөр тиигэжэ ажамидараабди.

Коринфынхидтэ 2-дохи 5:11

Эзэнһээ айн һүрдэхэнь ямар удхатайб гэжэ мэдэжэ байгаад, бидэ бусад зониие Тэрээндэ хандахаар идхаха гэжэ оролдонобди. Бурхан бидэниие бүрин мэдэхэ, тиин таанадшье бидэниие ямархан хүнүүд байһыемнай һайн мэдэнэт гэһэн найдалтай байнаб.

Тимофейдэ 1-дэхи 4:2

Тэрэ хуурмаг һургаал халуун түмэртэ хайруулжа, һэшхэлээ алдаһан билдагууша худалшадай оролдолгоор тараха.

Тидтэ 1:15

Арюун сэбэр хүнүүдтэ бүхы юумэн арюун сэбэр байдаг. Харин бузарлагдаһан болон һүзэггүй хүнүүдтэ ямаршье арюун сэбэр юумэн үгы, тэдэнэй һанал бодолынь, һэшхэлынь бузарлагдаад байна.