Римэйхиндэ 15:33 - Библи

³³ Амгалан байдал үршөөдэг Бурхан та бүхэнтэй оршожо байхань болтогой!

Шэнэ Хэлсээн

³³ Амгалан байдал үршөөдэг Бурхан та бүхэнтэй оршожо байхань болтогой!

Римэйхиндэ 15:33 Referencias Cruzadas

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Матвей 28:20

Таанарта Минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб.

Римэйхиндэ 16:20

Маанадта амгалан байдал үршөөдэг Бурхан удангүй сатанае танай ула доро оруулан һүнөөхэ. Манай Эзэн Иисүүсэй үршөөл хайра таанадтай оршожо байхань болтогой!

Римэйхиндэ 16:23

Гэртээ намайе айлшалуулһан, һүзэглэгшэдэй бүлгэмые суглуулдаг Гай таанадта мэндые дамжуулна. Хотын мүнгэнэй һан эрхилэгшэ Эрааст, Кварт дүүмнай таанадта баһа мэндые дамжуулна.

Коринфынхидтэ 1-дэхи 14:33

Ушарынь юуб гэхэдэ, Бурхан эмхи гуримгүй бэшэ, харин энхэ тайбанай эхин юм. Һүзэглэгшэдэй бүхы бүлгэмүүд соо Бурханай хүнүүдэй бэеэ абаад ябадаг ёһоор

Коринфынхидтэ 2-дохи 13:11

Мүнөө, аха дүүнэрни, баяртай! Заһарха гэжэ оролдожо, хэлэһэн юумэнүүдыемни анхаржа, хоорондоо эбтэй эетэй, энхэ тайбан байгыт даа. Хайра дуран ба энхэ тайбан үршөөдэг Бурхан таанадтай оршожо байһай!

Эфесэйхиндэ 6:23

Эсэгэ Бурхан болон Эзэн Иисүүс Христоос бүхы һүзэглэгшэ аха дүүнэртэ амгалан байдал, хайра дуран, этигэл һүзэг үршөөжэ байһай!

Филиппынхидтэ 4:9

Минии хэлэжэ, юумэ хэжэ байхада намһаа һуража, ойлгожо абаһан бүгэдые бэелүүлжэ байгты. Тиигэбэл зүрхэ сэдьхэлдэмнай, һанал бодолдомнай амгалан байдал үршөөдэг Бурхан манай дунда оршожо байхал.

Фессалоникиинхидтэ 1-дэхи 5:23

Бидэндэ амгалан тайбаниие үршөөжэ байһан Бурхан таанадые бүримүһэн арюун гэгээн болгог, Эзэн Иисүүс Христоосой ерэтэр танай һанал бодол, һүнэһэ һүлдэ, махабад бэе бүрин бүтэнөөрөө ямаршье зэмдэг дутагдалгүй хадагалагдажа байг.

Фессалоникиинхидтэ 2-дохи 3:16

Амгалан тайбанай эхин болохо Эзэн Өөрөө таанадта хододоо бүхы юумэндэ амгалан тайбаниие үршөөжэ байг лэ. Эзэн та бүхэнтэй оршожо байг лэ.

Тимофейдэ 2-дохи 4:22

Эзэн шамтай байхань болтогой. Бурханай үршөөл хайра та бүхэнтэй оршожо байг лэ. Болтогой.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Рүүт 2:4

Тиигэһээр Бооһаз Бэтлэһээмһээ ерэжэ, таряа хадагшадта: – Эзэн таанартай хамта оршохонь болтогой! – гэхэдэ, тэдэ: – Эзэн таниие үреэхэнь болтогой! – гэжэ харюусаба.