Римэйхиндэ 13:4 - Библи

⁴ Тэдэнэршни шинии аша туһада ажаллажа байһан Бурханай зарасанар ха юм. Хэрбээ харата муухай юумэ үйлэдэжэ байбал, тэдээнһээ айжа бай, тэдэшни хэһээхээр бодото хүсэ шадалтай юм. Тэдэ засаг баригшадшни харата муухай юумэ үйлэдэжэ байһан зониие хэһээдэг Бурханай зарасанар юм.

Шэнэ Хэлсээн

⁴ Тэдэнэршни шинии һайн һайханай түлөө ажаллажа байһан Бурханай зарасанар ха юм. Хэрбээ харата муухай юумэ үйлэдэжэ байбал, тэдээнһээ айжа бай, тэдэшни хэһээхээр бодото хүсэ шадалтай юм. Тэдэ засаг баригшадшни харата муухай юумэ үйлэдэжэ байһан зониие хэһээдэг Бурханай зарасанар юм.

Римэйхиндэ 13:4 Referencias Cruzadas

3 Хаан түрэнүүд 10:9

Энэрэл хайраа үзүүлэн, хаан шэрээдэ таниие заларуулагша Эзэн Бурхантнай үреэл магтаалда хүртэг лэ! Израильда хэтэ мүнхэдөө дуратай байһандаа таниие үнэн шударга байхынтнай тула, үнэн зүбые үйлэдэхынтнай тула Эзэн таниие хаанаар томилоол!

2 Угай бэшэг 19:6

тэдээндэ иигэжэ хэлээ һэн: – Юу хэжэ байһанаа мэдэржэ байгты. Таанад зоной бэшэ, Эзэнэй зарга шүүбэри хэжэ байна гээшэт. Эзэн таанадай хэрэгтэтнай оролсоно.

Һургаал 16:14

Хаанай уур хилэн үхэлэй элшэ мэтэ, харин сэсэн хүн тэрэниие зөөлэрүүлдэг.

Һургаал 20:2

Хаанай уур хилэн арсаланай хэрхирээнтэй адли. Тэрэниие уурлуулха гээшэ өөртөө муу һанаһантай адли.

Һургаал 20:26

Сэсэн хаан муу нүгэлтэниие үлеэн һалгаха, дээрэнь тээрмын шулуу эрьюулхэ.

Һургаал 20:8

Хэрэг шүүлгын шэрээдэ һууһан хаан харасаараа хамаг муу зүйлые элирүүлдэг.

Исай 1:17

Һайн хэрэгүүдые хэжэ һурагты. Үнэн зүбөөр хэрэг ябуулагты: дарлалта доро байгаашада туһалагты, үншэн хэнзые аршалагты, бэлбэһэн эхэнэрые үмэглэгты».

Ерэмияа 5:28

Тэдэ таргалаа, тоһо өөхөөр ялаганаа. Элдэб муу хэрэгүүдые үйлэдэнэ, буруу шүүбэрилнэ, үншэн хэнзын хэрэгһээ баяжана, ядуу зоной эрхэшье хамгаалнагүй.

Эзэкээл 22:27

Ноёдынь олзоо зулгаажа байһан шононууд мэтэ. Тэдэ хүниие алажа, баяжана.

Эзэкээл 25:14

Минии арад түмэн Израиль Минии түлөө Эдоомһоо үһөөгөө абаха, уур хилэнгыем Эдоомой зондо мэдэрүүлхэ, иигэжэ тэдэ Минии үһөөгөө абалга ямар гээшэб гэжэ мэдэдэг болохо.

Михей 3:9

Израилиин удамаршад, Яковай гэр бүлын толгойлогшод, энээниие шагныта! Таанад шударга ёһые үзэн ядадаг, сэхэ юумэ гажаадагта.

Римэйхиндэ 12:19

Аха дүүнэр, үһөөгөө абахые бү һэдэгты, харин Бурханай уур сухалда тэрэнээ даалгагты. «Би үһөөгөө абахаб, Би харюулхаб гэжэ Эзэн хэлэнэ», – гээд Нангин Бэшэг соо бэшээтэй байдаг.

Римэйхиндэ 13:6

Засаг баригшад Бурханай ажал хэхэ уялгатай, тиимэһээл таанад тэдэндэ татабари түлэнэт.

Фессалоникиинхидтэ 1-дэхи 4:6

Тиимэһээ таанадай хэншье Христоосто һүзэглэгшэ ондоо хүндэ муу юумэ хэхэ, мэхэлэн барашхаа ёһогүй. Тиимэ юумэ хэһэн зониие Эзэн хэһээхэ гэжэ бидэ уридшье хэлээ һэмди, мүнөөшье хатуугаар һэргылнэбди.

Нүүнэй Иисүүс 20:5

Шуһанай түлөө үһөө нэхэгшын мүрдэжэ ерэхэдэ, тэрээнэй гарта тэдэ алагшые үгэхэгүй. Юундэб гэхэдэ, тэрэ мэдэнгүй алаа, алуулагшые үзэн ядажа байгаагүй.

Нүүнэй Иисүүс 20:9

Энэ хотонууд бүхы израильшуудта ба тэдээнэй дунда байһан ерүүл зондо эндүү алдуугаар хүниие алагшын тиишэ зугадахын тула, шуһанай түлөө үһөө нэхэгшын гарһаа олоной шүүлгын урда зогсотороо үхэхэгүйн тула зорюулагдана.

Пётрой 1-дэхи хандалга 2:14

хуули эбдэһэн хүнүүдые хэһээхын тула, үлзытэй хэрэгүүдые бүтээһэн хүнүүдые урмашуулхын тула хаанай табиһан захирагшадай үгэ дуулажа байгты.