Римэйхиндэ 13:12 - Библи

¹² Һүни үнгэрөөд, үдэр болохонь ойртобо. Харанхы мунхагта хабаатай юумэнүүдые хэхэеэ болёод, зэр зэбсэг баряад, гэрэл туяа соо тулалдахаяа бэлэн байял!

Шэнэ Хэлсээн

¹² Һүни үнгэрөөд, үдэр болохонь ойртобо. Харанхы мунхагта хабаатай юумэнүүдые хэхэеэ болёод, зэр зэбсэг баряад гэрэл туяа соо тулалдахаяа бэлэн байял!

Римэйхиндэ 13:12 Referencias Cruzadas

Исай 2:20

Тэрэ үдэрэй мандахадань, зон мүргэхэеэ өөһэдтөө хэһэн алта, мүнгэн шүтөөнүүдөө хаяжа, мана һохорнууд, һарьһан эрбээхэйнүүд руу шэдэхэ.

Исай 30:22

Таанад мүнгөөр хушаатай онгонуудаа, алтаар бүрхөөтэй хүрэгүүдээ абажа, муухай юумэндэл, бог шоройдол адляар холо хаяхат: «Зайлагты!»

Римэйхиндэ 13:14

Харин Эзэн Иисүүс Христоосые хуяг дуулгадал адли үмдэел, нүгэлтэ мүн шанар байдалаа анхархаяа, хүсэлэнгүүдыень хангахаяа болиёл.

Коринфынхидтэ 1-дэхи 10:11

Тэдэ гай гасалангууд бусад зониие һэргылхын тула үбгэ эсэгэнэртэймнай тохёолдоо, тиин бүхы юумэнэй эсэсэйнь ерэхэ сагта ажамидарһан бидэниие һэргылхын тула бэшэгдээ.

Коринфынхидтэ 1-дэхи 7:29

Аха дүүнэр, би таанадта иимэ удхатайгаар хэлэнэб: саг багал үлэнэ, тиимэһээ гэрлэһэн хүнүүд гэрлээгүй хүнүүдтэл адли ажамидарха ёһотой.

Коринфынхидтэ 2-дохи 6:7

Бидэ үнэн зүбые хэлэдэгбди, Бурханай һүр хүсэн манаар дамжан ажалладаг. Үнэн сэдьхэлнай – манай добтолхошье, бэеэ хамгаалхашье хуяг дуулга мүн.

Эфесэйхиндэ 4:22

Тэрээнһээ иимэ юумэндэ һураат: хуурмаг хүсэлэнгүүдээрээ өөһэдыгөө һүнөөн, урданайхяараа амидархаяа болигты.

Эфесэйхиндэ 5:11

Харанхы мунхагай үрэ дүнгэй хэрэгүүдтэ ямаршье хабаагүй байгты, тэрэ хэрэгүүдые гэрэл туяада гаргажа элирүүлжэ байгты.

Эфесэйхиндэ 5:8

Урдань таанад өөһэдөө харанхы мунхагта байгаат, харин Эзэнэй хүнүүд болоходоо, гэрэл туяада байдаг болоот. Тиимэһээ таанад гэрэл туяагай хүнүүдтэ адляар амидарха ёһотойт.

Еврейнүүдтэ 10:25

Маанадай зариман суглаагаа хаяжа ошодог заншалтай. Тиигэхэеэ болёод, орондонь Эзэнэй ерэхэ Үдэрэй ойртохо туһамынь бэе бэеэ бүри ехээр зоригжуулжа, урмашуулжа байял.

Еврейнүүдтэ 12:1

Маниие тойроод үүлэндэл мэтэ олон гэршэнэр байна. Тиимэһээ бидэ замдамнай һаатуулжа байһан бүхы юумэнүүдһээ, тиихэдэ бидэниие амарханаар хүлижэрхидэг нүгэлһөө сүлөөлэгдэжэ, урдамнай байһан, бидэндэ заяагдаһан замаар ябаял.

Яковай хандалга 1:21

Элдэб янзын забхай зальхай, нүгэлтэ юумэнүүдые үйлэдэхэеэ болёод, зүрхэ сэдьхэлдэтнай һуулгагдаһан, таанадые абарха аргатай мэдээсэлые зосоогоо тогтоожо байгаарайгты.

Яковай хандалга 5:8

Таанадшье тэдэ таряашанда адли ехэ тэсэбэритэй байгты, зоригоо бү алдагты. Эзэнэй заларжа ерэхэ үдэр ойртоод байна.

Пётрой 1-дэхи хандалга 2:1

Худалаар хэлэхэеэ, нүгэл хэхэеэ болигты, хүнэй нюур бү харагты, хүндэ бү атаархагты, худалаар бү гэршэлэгты.

Пётрой 1-дэхи хандалга 4:7

Бүхы юумэнэй эсэс ойртожо байна. Тиимэһээ һэргэлэн байгты, бэеэ баригты, тиигэбэл зальбарха аргатай байхат.

Пётрой 2-дохи хандалга 3:11

Эдэ бүхы юумэнүүдэй иимэ аргаар һүнэжэ байхада, таанад ямархан хүнүүд байха ёһотойбта? Таанад гэгээн амидаралтай, өөһэдыгөө Бурханда зорюулһан байха ёһотойт,

Пётрой 2-дохи хандалга 3:9

Эзэн найдуулһан юумэеэ бэелүүлхэеэ яаранагүй гэжэ зарим хүнүүд һанадаг. Үнэндөө болбол Тэрэ маанадай нэгэшье хүнэй хосоронгүй, нүгэлөө мэдэрэн гэмшэхыемнай тэсэбэритэйгээр хүлеэнэ.

Иоаннай 1-дэхи хандалга 2:18

Үхибүүд, һүүлшын саг ерэбэ! Христоосой дайсан ерэхэ ёһотой гэжэ таанар дуулаһан байхат. Тиин Христоосой дайсад мүнөө олон болонхой. Иихэдээ һүүлшын саг ерэбэ гэжэ мэдэнэбди.

Гэршэлгэ 1:3

Энэ ном дотор бэшээтэй Бурханай хэлэһэн үгэнүүдые уншадаг, шагнадаг ба сахидаг хүнүүд жаргалтай, юуб гэхэдэ, саг ойртожо байна.

Гэршэлгэ 22:10

Намда тэрэ иигэжэ хэлээ: «Энэ номой уридшалан хэлэһэн үгэнүүдые бү суургалан тамгалаарай! Саг бүри дүтэлөөд байна.