Римэйхиндэ 12:1 - Библи

¹ Зай, аха дүүнэрни, Бурханай үршөөл хайраар өөһэдыгөө арюун сэбэр, таатай, амиды үргэл болгон Бурханда асарагты гэжэ гуйнаб. Тиигэбэл, тэрэтнай танай бодото алба болохо.

Шэнэ Хэлсээн

¹ Зай, аха дүүнэрни, Бурханай үршөөл хайраар өөһэдыгөө арюун сэбэр, таатай, амиды үргэл болгон Бурханда асарагты гэжэ гуйжа байнаб. Тиигэбэл тэрэтнай танай бодото алба болохо.

Римэйхиндэ 12:1 Referencias Cruzadas

Исай 56:7

«Би таанадые Өөрын нангин уула руу асархаб, Намда зальбардаг үргөө соо тэдээндэ баяр үршөөхэб, үргэлэй шэрээ дээрэ дурадхаһан түгэс шатаалта үргэл болон бусад үргэлнүүдыетнай дуратайгаар абахаб. Минии гэр бүхы үндэһэ яһатадай зальбарха мүргэл зальбаралай гэр гэжэ нэрлэгдэхэ».

Ерэмияа 6:20

Шэбааһаа асардаг гүгэл, алас холо нютагһаа санзай ууюулганууд Намда юуштэб? Тэдэнэй түгэс шатаалта үргэлнүүд Намда хэрэггүй, үргэлнүүдынь Намда зохисгүй.

Һошээ 14:2

Израилиин улад зон, Эзэн Бурхандаа эрьеыт! Нүгэл шэбэлтнай таанадые бүдэрүүлэн унагаажа байна.

Лука 7:47

Энэ эхэнэрэй хэһэн олон нүгэлынь хүлисэгдөө. Тиимэһээл энэ Намайе иимэ ехээр энхэржэ хайрлажа байна. Зүгөөр багаар хүлисүүлэгшэд бирагүйхэн энхэрэл хайра үзүүлдэг юм.

Римэйхиндэ 12:2

Энэ дэлхэйн зондо адли бү байгты, харин ухаан бодолоо шэнэлүүлэн, өөһэдыгөө бүрин хубилгагты. Тиигэбэл таанад Бурханай эрхэ мэдэлые: Тэрээндэ таалагдама, зохистой, эрхим түгэс байхые мэдэжэ байхат.

Римэйхиндэ 15:16

бусад арадуудай аша туһада Христоос Иисүүсэй зараса болооб. Бусад арадые Арюун Һүлдын ашаар Бурханда зохистой арюун нангин үргэл болгохын тула би Бурханай Һайн Мэдээсэлые номнон, санаартанай ажал ябуулнаб.

Римэйхиндэ 15:30

Аха дүүнэр, намтай хамта минии түлөө Бурханда ханалгатайгаар зальбаржа байгыт даа гэжэ гуйнаб. Бидэ манай Эзэн Иисүүс Христоосто нэгэ адли һүзэгтэй, Һүлдын үршөөдэг нэгэ адли хайра дуратай ха юмбибди.

Римэйхиндэ 2:4

Али таанад Бурханай агууехэ үршөөл хайра, хүлисэл, тэсэбэри тооногүй аалта? Таанадые Өөртөө хандуулхын тула Бурхан танда үршөөл хайратай байна гэжэ мэдэнэгүй аалта?

Римэйхиндэ 6:13

Бэеынгээ алишье эрхэтэниие нүгэлдэ хүтэлхэ хуурмаг ябадалай зэбсэг бү болгогты. Зүгөөр үхөөд амидырһан зондол адляар өөһэдыгөө Бурханда зорюулан, бэеынгээ алишье эрхэтэниие Бурханай хэрэглэхэ зүб ябадалай зэбсэг болгогты.

Римэйхиндэ 6:16

Хэнэй үгэ дууланат, тэрэнэйл барлагынь болонот гэжэ таанад мэдэнэгүй аалта? Таанад нүгэлэй барлагынь байбал, үхэлдэ хүртэхэт, зүгөөр Бурханай үгөөр байдаг барлагынь байбал, үнэн сэдьхэлтэй болохот.

Римэйхиндэ 6:19

Таанадай үшөөл гүйсэд болбосороогүй хадатнай би юрын жэшээнүүдые хэрэглэнэб. Урдань таанад бузар муухай юумэнүүдые үйлэдэхэ зорилготойгоор бэеынгээ эрхэтэнүүдые нүгэлэй барлаг болгоһон байгаат. Харин мүнөө бэеынгээ бүхы эрхэтэнүүдые үлзытэй хэрэгүүдые бүтээжэ байхаарнь зүб юумэнэй барлагууд болгогты.

Римэйхиндэ 9:23

Бурхан алдартаа хүртөөхэ гэжэ бэлдээд байһан үршөөлтэ хүнүүдтээ баһал элбэг дэлбэг алдараа элирүүлхэеэ хүсэнэ.

Коринфынхидтэ 1-дэхи 1:10

Аха дүүнэр, хоорондоо хубааралдажа байхагүйн тула һаналаа нэгэдүүлжэ байгты, нэгэ һанал бодолтой, нэгэ зорилготой байгты гэжэ Манай Эзэн Иисүүс Христоосой нэрэ түрөөр та бүхэндэ гуйн ханданаб.

Коринфынхидтэ 2-дохи 10:1

Хамта байхадаа, даруу номгон, холодоходоо, хатуу шэрүүн гүүлэгдэдэг би Павел таанадые Христоостой адли даруу номгон, энхэргэн зөөлэн зангаар гуйнаб.

Коринфынхидтэ 2-дохи 4:1

Бурханай үршөөл хайраар бидэ иимэ ажал хэнэбди, тиихэдээ урмаа хухарнагүйбди.

Коринфынхидтэ 2-дохи 4:16

Иимэһээл бидэ хэзээшье урмаа хухардаггүйбди. Бэемнай хуушаржа байбашье, досоогоо үдэрһөө үдэртэ бидэ шэнэлнэбди.

Коринфынхидтэ 2-дохи 5:20

Бидэ Христоосой бүрин эрхэтэ түлөөлэгшэд мүн, тиин Бурхан бидэнэрээр дамжан таанадта хандана. Бурхантай эбээ нэгэдхэгты гэжэ бидэ Христоосой нэрээр таанадые гуйнабди.

Коринфынхидтэ 2-дохи 6:1

Бурханай буян хэшэгые дэмы бү абагты гэжэ бидэ Бурхантай хамта ажаллажа байһан ушарһаа таанадые гуйнабди.

Эфесэйхиндэ 4:1

Эзэндэ алба хэжэ байһан дээрэһээ хаалтада һууһан би Бурханай таанадта даалгаһан уялгада зохистойгоор амидарагты гэжэ ехэтэ гуйнаб.

Эфесэйхиндэ 5:10

Эзэндэ һайшаагдадаг юумые мэдэхэ гэжэ оролдогты.

Хуули дабталга 14:2

Юундэб гэхэдэ, таанад Эзэн Бурханай нангин арад ха юмта. Дэлхэйн арадууд сооһоо Эзэн таанадыел Өөрынгөө арад болгохо гэжэ шэлэһэн байна.

Филиппынхидтэ 1:20

Үүргэеэ дүүргэхэдээ, эшэхэ улайхаар юумэ хэхэгүйб, харин хэтын хэтэдэ, илангаяа энэ сагта зоригтой байхаб, тиин ямаршье юумэ хэхэдээ, амиды байна гүб, али үхэхэ гүб, илгаагүй, Христоосые алдаршуулхаб гэжэ бүхы һанал бодолоороо хүсэжэ, найдажа байнаб.

Филиппынхидтэ 2:17

Танай этигэл һүзэгтнай, албантнай Бурханда үргэгдэһэн үргэлдэ адли юм. Тэрэ үргэлтэйтнай хамта миниишье шуһан үргэл болон адхарха ёһотой байжа магадгүй. Тиигэбэл би та бүхэнтэй хамта баярлажа байнаб.

Филиппынхидтэ 4:18

Би таанадай эльгээһэн бүхы юумые абааб – тэдэ бүхэн намда хангалтай хүрөө. Таанадай үгэһэн бүхы бэлэгүүдые Эпапродиит намда асаржа үгөө, мүнөө хэрэгтэй бүхы юумэн намда байна. Хоншуу хангалтай уталга Бурханда ехэ таарамжатай зохид байдагтал адли тэрэ танай бэлэгүүд баясуулна.

Фессалоникиинхидтэ 1-дэхи 4:1

Аха дүүнэрни, Бурханда һайшаагдадаг ажамидарал ямар байдаг бэ гэжэ таанад бидэнһээ һураа бэлэйт. Мүнөөшье таанад тиимэ ажамидаралтай байнат. Тиин саашадаашье тиигэжэл ажамидарагты гэжэ бидэ мүнөө Эзэн Иисүүсэй нэрээр таанадые гуйха, аргадаха байнабди.

Фессалоникиинхидтэ 1-дэхи 4:10

Таанад Македонидо ажаһуугаа бүхы һүзэглэгшэдтэ дуратайт. Аха дүүнэрнай, бүришье ехээр бэе бэедээ дуратай байгты гэжэ таанадые гуйнабди.

Фессалоникиинхидтэ 1-дэхи 5:12

Аха дүүнэрни, таанадай дунда ажаллажа, Бурханда һайшаагдаха ажамидаралда таанадые хүтэлжэ, һургажа байһан хүнүүдые хүндэлжэ байгты гэжэ бидэ гуйнабди.

Тимофейдэ 1-дэхи 2:3

Хүн бүхэн абарагдажа, үнэн зүбые мэдэрэг гэжэ хүсэһэн манай Абарагша Бурханда эдэ бүхэн һайшаагдаха, таатай байха.

Тимофейдэ 1-дэхи 5:4

Хэрбээ бэлбэһэн эхэнэр үхибүүдтэй, үгы һаа, аша зээнэртэй байбал, тэдэнь шажанай ёһоор анха түрүүн гэр бүлэдөө дүүргэхэ ёһотой уялгануудаа дүүргэг. Тиигэжэ тэдэнэр аба эжынгээ, хүгшэн аба эжынгээ ашыень харюулха. Энэнь Бурханда һайшаагдаха.

Филимондо 1:10

Христоосто этигээд, намаар заалгажа хүбүүмни болоһон Онисимай түлөө би шамайе гуйнаб. Түрмэдэ һууха үедөө би тэрээндэ ухаа заадаг эсэгэнь болооб.

Филимондо 1:9

шамда эльгэтэй ушарһаа шамайе зүбхэн гуйнаб. Мүнөө Иисүүс Христоосой түлөө түрмэдэ һууһан би Павел гуйжа байнаб.

Еврейнүүдтэ 13:22

Аха дүүнэрни, энэ урмашуулха зорилготой хандалга би тобшохоноор бэшээб, тиимэһээ тэсэбэритэйгээр шагнажа хайрлыт даа.

Пётрой 1-дэхи хандалга 2:20

Зэмэтэй байһандаа сохюулаад лэ, тэсэжэ ябабалтнай, тэрэтнай таанадта аша туһатай байха аал? Харин үлзытэй хэрэгүүдые бүтээжэ байхадаа тэсэбэритэйгээр зоболон дабажа байбалтнай, Бурхан таанадые һайшааха.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад гэгээн санаартан болоод, Иисүүс Христоосоор дамжуулан, Арюун Һүлдэһөө Бурханда һайшаагдаха оюун ухаанай үргэл асаржа байгты.