Римэйхиндэ 11:20 - Библи

²⁰ Тэрэтнай зүб. Тэдэнэр һүзэггүй байһан хадаа таһаржа унаа, харин таанад һүзэгөөрөөл тэрэ һууринда няагдабат. Тиимэһээ тэрээгүүрээ бү бахархагты, зүгөөр айжа һүрдэжэ байгты.

Шэнэ Хэлсээн

²⁰ Тэрэшни зүб. Тэдэнэр этигэл һүзэггүй байһан хадаа таһаржа унаа, харин таанад этигэл һүзэгөөрөөл тэрэ һууринда баригдажа байнат. Тиимэһээ тэрээгүүрээ бү бахархагты, зүгөөр айжа һүрдэжэ байгты.

Римэйхиндэ 11:20 Referencias Cruzadas

2 Угай бэшэг 20:20

Нүгөө үглөө тэдэ эртэ бодожо, Тэкооһа гэдэг зэлүүд хооһон газар руу зорибо. Зорихын урда тээ Ёшапаат хаан зогсожо, иигэжэ бултанда хэлэбэ: – Иудын болон Иерусалимай улад зон, намайе шагныта! Эзэн Бурхандаа үнэнхэ зүрхэнһөө этигэн байгты! Тэрэнэй лүндэншэдтэ этигэгты! Тиигэбэл, амжалта туйлахат.

Псалманууд 138:6

Иимэ мэдэлгэ намда угаа гайхамшагтай, би тэрэнэй үндэртэ хүрэжэ шадахагүйб.

Һургаал 28:14

Эзэнһээ бэшэрдэг хүндэ үреэл оршоно. Харин сэдьхэл хатуу хүн гай гасаланда ородог.

Һургаал 28:26

Гансал өөртөө найдадаг хүн тэнэг гээшэ. Сэсэнэй харгыгаар ябадаг хүн аюулһаа зайладаг.

Исай 2:11

Хүнэй бардам харасын үгы болохо, хүнэй дээрэлхүү зангай номгодохо саг дүтэлжэ байна. Тэрэ үдэр Эзэн лэ гансаараа үндэр зандаа үлэхэл.

Исай 2:17

Хүнэй бардам, дээрэлхүү зан тиихэдэ галхаагдан номгорхо. Шүтөөнүүд оро һэегүй үгы болохо, иигэжэ тэрэ үдэр Эзэн гансаараал үндэр зандаа үлэхэ.

Исай 66:2

Эдэ бүгэдые Би Өөрөө бүтээгээ һэм. Даруу зантай, Намһаа айдаг, үгыем дууладаг зоной талые харахаб.

Исай 7:9

Эпрааимые Самари зонхилно, Самариие – Рэмаалияагай хүбүүн. Танай этигэл бата бэшэ һаа, таанад бата бэхи зогсоногүй гээшэт!

Аввакуум 2:4

Зай, бардам зантай хэн нэгэниие Би тоохогүйб. Үнэн сэдьхэлтэн этигэл һүзэгэйнгөөл ашаар амидарха.

Цэпаанияа 3:11

Тэрэ үе сагай ерэхэдэ, таанар, Минии арад түмэн, урдаһаам буһалгаалан хэрэг ябуулхагүйт, эшхэбтэр юумэ хэхэгүйт. Үгы һаатнай, Би таанарай дундаһаа бардам, дээрэлхүү зантай зониие зайлуулхаб, Минии арюун нангин хада уула дээрэ таанар бардамлан ябахаа болихот.

Лука 18:14

Алба татааша фарисей хоёрой гэртээ харихадань, Бурхан тэдэ хоёрһоо алба татаашыень сагааруулаа гэжэ танда хэлэхэ байнаб. Өөрыгөө дээгүүр абхуулһан хүн доошоо даруулагдаха, харин даруу доогуур хүн дээшээ үргэгдэхэ бшуу.

Хэрэгүүд 18:6

Теэд тэдэ зоной арсалдажа, хэрүүл татахадань, Павел өөрынгөө хубсаһа гүбеэд: – Бурханай абаралгаһаа арсажа байһандаа таанад өөһэдөө зэмэтэйт. Би зэмэгүйб, тиин мүнөө бусад арадуудта ошохомни, – гэжэ хэлэбэ.

Римэйхиндэ 11:18

Тиимэһээ таанад үнөөхи һалаануудта адляар таһалагдажа хаягдаһан хүнүүдые доогуур бү харагты. Яахадаа таанад хамараа дээгүүр үргэбэбта? Таанад миин лэ һалаанууд ха юмта, таанад үндэһэ тэнжүүлэн баринагүйт, харин үндэһэн таанадые тэнжүүлэн барина.

Римэйхиндэ 11:21

Бурхан жэнхэни һалаанууд болохо еврейнүүдыешье хайрлаагүй, тиихэдэ Тэрээндэ үһэрхэбэлтнай, Тэрэ таанадые бүришье хайрлахагүй.

Римэйхиндэ 12:16

Хоорондоо нэгэ һанал бодолтой һуугты. Омогорхол бахархалгүйгөөр юрын хүнүүдтэй нүхэсэгты. Өөһэд тухайгаа сэсэн ухаантайбди гэжэ бү бодогты.

Римэйхиндэ 12:3

Бурханай намда үршөөһэн абьяас бэлигэй ашаар таанадай хүн бүхэндэ хэлэнэб: байһанһаан үлүү ехээр өөр тухайгаа бү һанажа байгты. Зүгөөр Бурханай шамда үгэһэн этигэл һүзэгэй хэмжээгээр өөр тухайгаа дарууханаар бодомжолжо байгты.

Римэйхиндэ 3:3

Үнэн дээрээ тэдэнэй зариманиинь тэрэ һургаалда этигээгүй. Тиин тэдэнэй этигэл һүзэггүй байхада Бурхан найдабаригүй байха аал?

Коринфынхидтэ 1-дэхи 10:12

Тиимэһээ батаар зогсоноб гэжэ өөр тухайгаа бодожо байһан хүн унашахагүйн тула болгоомжотой байг.

Коринфынхидтэ 1-дэхи 15:1

Мүнөө, аха дүүнэр, минии таанадта номноһон, таанадай тогтоожо абаһан, һүзэгэйтнай һуури табиһан Һайн Мэдээсэл таанадта һануулхамни.

Коринфынхидтэ 1-дэхи 16:13

Һэргэг байгты. Һүзэгөө алдангүй, зоригтой, хатуу байгты.

Коринфынхидтэ 2-дохи 1:24

Юундэ һүзэглэжэ байхыетнай зааха гэжэ оролдоогүйбди, хатуу һүзэгтэй байһыетнай бидэ мэдэнэбди. Жаргалтай байхынтнайл түлөө бидэ таанадаар хамта хүдэлнэбди.

Коринфынхидтэ 2-дохи 10:5

Бурханиие мэдэрхэдэ һаалта болоһон элдэб янзын бэрхэшээлнүүдые усадхадагбди, Христоосой мэдэлдэ оруулхын тула бүхы һанал бодолнуудые эзэлдэгбди.

Филиппынхидтэ 2:12

Инаг хайрата нүхэдни, таанадтайгаа суг байхадамни, үгыемни ходо дууладаг һэнта. Теэд мүнөө хажуудатнай үгы байхадамни, бүришье һайнаар үгыемни дуулажа байха ёһотойт. Гүйсэд абарагдахын тула һүрдэн һүгэдэн ажаллажа байгты.

Колоссынхидтэ 2:7

Таанадые һургаһан ёһоор Тэрээн соо үндэһэеэ гүнзэгы табигты, Тэрэниие һуури болгон ажамидаралаа зохёогты, бүри ехээр Тэрээндэ һүзэглэжэ байгты. Тиигэхэтэйгээ сасуу Бурханда ходо баяр хүргэжэ байгты.

Фессалоникиинхидтэ 2-дохи 2:4

Бурханда, нангин гэжэ нэрлэгдэдэг бүхы юумэндэ тэрэ хүн эсэргүүсэхэ, тэдэ бүхэнэй дээгүүр өөрыгөө табиха. Тиихэдээ тэрэ бүри Һүмэдэ һуугаад, өөрыгөө Бурханби гэжэ баталан хэлэхэ.

Тимофейдэ 1-дэхи 6:17

Баян хүнүүдэй зөөри зөөшөөрөө бүдүүрхэхэгүйень, иимэ мэтын найдабаригүй баялигта найдахагүйень захира, зүгөөр аяшаажа байха юумэ элбэг дэлбэгээр маанадта үршөөжэ байдаг амиды Бурханда найдажа байхыень заабаришалжа бай.

Еврейнүүдтэ 3:12

Аха дүүнэрни, амиды Бурханһаа холодохогүйн тула таанад булта нүгэлгүй, этигэлтэй байхые оролдожо байгты.

Еврейнүүдтэ 3:19

Этигэл һүзэггүй байһанайнгаа түлөө тэдэ хүнүүдэй Бурханай амаруулха гэһэн орондо орожо шадахагүй байһыень бидэ харабабди.

Еврейнүүдтэ 4:11

Этигэлгүй байһанайнгаа тула унаһан тэдэ хүнүүдтэл адли нэгэмнайшье унангүй, тиимэ амаралтада хүртэхын тула бүхы шадалаараа шармайе.

Еврейнүүдтэ 4:6

Һайн Мэдээсэл түрүүн дуулаһан хүнүүд этигэлгүй байһан хадаа амаралтада хүртөөгүй. Тэрэ амаралтада хүртөөгүй зон үшөөшье байна.

Яковай хандалга 2:19

Бурхан ори ганса юм гэжэ ши этигэнэш. Тэрэшни һайн. Ада шүдхэрнүүдшье баһа тиимэ этигэлтэй байһан дээрэһээ айн һүрдэн һалаганадаг.

Яковай хандалга 4:6

Тиихэдэ Бурхан маанадые бүришье элбэг дэлбэгээр үршөөл хайрадаа хүртөөнэ. «Омог бардам зониие Бурхан буруушаана, харин номгон даруу зониие үршөөл хайрадаа хүртөөнэ», – гэжэ Нангин Бэшэг соо хэлээтэй.

Пётрой 1-дэхи хандалга 1:17

Нюур харангүй, бүхы хүнүүдые хэһэн хэрэгүүдэйнь хэмжээгээр шүүбэрилдэг Бурханиие таанад Эсэгэмнай гэжэ нэрлэнэт, тиимэһээ эндэ, энэ дэлхэйдэ байха үдэрнүүдээ Тэрээндэ һүгэдэн үнгэргыт даа.

Пётрой 1-дэхи хандалга 5:12

Христоосой шударгы һүзэглэгшэ Силуанай туһаламжаар би таанадта энэ богонихон бэшэг бэшээб. Таанадые урмашуулха ба Бурханай буян хэшэгые дамжуулха зорилготойгоор бэшээб. Энэ буян хэшэгые хатуу баримталжа байгты.

Пётрой 1-дэхи хандалга 5:9

Бата һүзэгтэй зогсогты, шолмосто бү абтагты; бүхы дэлхэйгээр аха дүүнэртнай тиимэл зоболонгуудые дабажа байна гэжэ мэдэгты.

Гэршэлгэ 18:7

Өөрыгөө тэрэ хэды ехээр магтуулаа гээшэб, хэды ехэ баялиг соо умбаа гээшэб, тэды ехэ ядарал зоболон, уйдхар гашуудал тэрээндэ асарагты! Юундэб гэбэл, тэрэ ниислэл иигэжэ досоогоо һанаа: «Би хатан шэнги һайн һуунаб, би бэлбэһэн эхэнэр бэшэб, уйдхар гашуудалые үзэхэгүйб!»

Гэршэлгэ 3:17

Юундэб гэхэдэ, „Би баяжааб, ехэ зөөритэй болооб, юугээршье дутанагүйб!“ – гэнэт. Теэд ямаршье зол хубигүй, үгытэй ядуу, баарһан, һохор балай, нюсэгэн болоод байһанаа мэдэнэгүйт!