Римэйхиндэ 10:14 - Библи

¹⁴ Тиигээд Тэрээндэ һүзэглөөгүй хүнүүд яажа Тэрэниие гуйн дуудахаб? Тиихэдэ Тэрээн тухай соносоогүй аад, яажа һүзэглэхэб? Тиихэдэ номногшо хүнэй үгы байбал, яажа мэдээсэлые соносохоб?

Шэнэ Хэлсээн

¹⁴ Тиигээд һүзэглөөгүй байһан хүнөө яажа гуйн дуудалтайб? Тиихэдэ тэрээн тухай дуулаагүй аад, яажа һүзэглэлтэйб? Тиихэдэ хүнэй номноогүй ушарта яажа мэдээсэлые дуулалтайб?

Римэйхиндэ 10:14 Referencias Cruzadas

Иона 1:16

Тэдэ хүнүүд Эзэнһээ угаа ехээр һүрдэн айжа, Эзэндэ үргэл үргэбэд, тангаригаа үгэбэд.

Иона 1:5

Онгосошод айхын ехээр айба, тиигээд тэдэнэр өөр өөһэдынгөө бурхадые дуудажа эхилбэд, онгосоёо хүнгэн болгохын тула абажа ябаһан ашаагаа далай руу хаяжа эхилбэ. Тэрэнэй тээ урдахана Иона онгосын трюм руу буужа, тэндэ хэбтээд, бүхөөр унташаба.

Матвей 20:7

Тэдэнь: «Маниие хэншье хүлһэлөөгүйл», – гэжэ харюусабад. Тиихэдэнь тэрэ хүн: «Зай, тиимэ һаа, таанад минии үзэмэй сэсэрлигтэ ошожо ажаллагты», – гэжэ хүнүүдтэ хэлэбэ.

Иоанн 20:31

Теэд Иисүүс болбол Бурханай табисуурта, Бурханай Хүбүүн гэжэ таанарай этигэхын түлөө, Иисүүстэ этигэдэгэйнгээ ашаар амиды ябахынтнай түлөө энэ бүхы юумэн бэшэгдэбэ гээшэ.

Иоанн 9:36

– Эзэн аа, этигэхым тула Тэрэ хэн гээшэб гэжэ намда хэлыт даа, – гээд аргалуулһан хүниинь харюусаба.

Хэрэгүүд 19:2

Тэдэнтэй хөөрэлдэжэ байхадаа Павел: – Һүзэглэхэдөө таанад Арюун Һүлдые тогтоон абаа һэн гүт? – гэжэ һураба. – Бидэ Арюун Һүлдэ тухай ойро наашашье дуулаагүй байнабди, – гэбэ тэдэнь.

Хэрэгүүд 8:31

– Нэгэшье хүнэй намда тайлбарилжа үгэнгүй байхада, би хаанаһаа ойлгохобиб? – гэжэ тэрэнь харюусаба. Тиигээд Филиппые тэргэ дээрэ зэргэлээд һуухыень эфиоп уриба.

Эфесэйхиндэ 2:17

Христоос ерэжэ бүхы хүнүүдтэ, Бурханһаа холо байһан бусад арадуудташье, Бурханай ойро байһан еврейнүүдтэшье энхэ тайбан тухай Һайн Мэдээсэл номноо.

Эфесэйхиндэ 4:21

Таанад Тэрээн тухай дуулаат, Тэрээнһээ һуража абаат. Тэрэ болбол үнэн зүб юм.

Хуули дабталга 30:13

Далайн саана тэдэ байна бэшэ. «Хэн далайе гаталан, маанадта тэдэниие асаржа, шагнуулжа, бидэниие сахин дүүргүүлдэг болгохо гээшэб?» – гэжэ хэлэхын аргагүй.

Тимофейдэ 2-дохи 4:17

Тэрэ үедэ Эзэн намтай байжа, намайе зоригжуулаа. Тиимэһээ би Бурханай үгэ бусад арадуудай бултанайнь дуулахаар гүйсэд номнохо шадалтай байгааб. Бурхан намайе үхэлэй һабарһаа аршалаа.

Еврейнүүдтэ 11:6

Һүзэг этигэлгүй хүнүүдэй хэнииньшье Бурханай һайшаалда хүртэжэ шадахагүй: Бурханда ерэжэ байһан хүн Бурхан бии, Тэрэниие бэдэржэ байһан хүнүүдэй ашыень тэрэ харюулха гэжэ һүзэглэжэ байха ёһотой.

Яковай хандалга 5:15

Этигэл һүзэгтэйгөөр зальбархада, үбшэн хүн эдэгэхэ, Эзэн тэрэниие хүл дээрэнь бодхоохо. Тэрэ хүнэй нүгэл үйлэдэһэн байбалынь, нүгэлынь хүлисэгдэхэ.