Псалманууд 96:10 - Библи

¹⁰ Эзэндэ дуратайшуул, муу муухайе үзэн ядагты. Тэрэ Өөрын гэгээнтэнэй ами наһа хамгаалдаг, муу муухай зоной һабарһаа сүлөөлдэг.

Бурятский Библия. Отдельные книги Ветхого Завета

¹⁰ «Эзэн бол Хаан!» гэжэ үндэһэтэдэй дунда хэлэгты. Юртэмсэ нээрээ бата бэхи тогтоогдонхой, ганхахагүй. Эзэн арад зониие зүб шударга ёһоор сүүдлэхэ.

Псалманууд 96:10 Referencias Cruzadas

Псалманууд 126:2

Таанар дэмы эртэ бодожо, орой болотор унтанагүйт. Ажаллажа олоһон хоолоо зоогложо байгаашадта, Өөрын дуратай зондо Эзэн нойр бэлэглэнэ.

Псалманууд 46:10

Арадуудай удамаршад Абраһаамай Бурханай арад зон мэтэ суглараа! Газар дэлхэйн ноёд Бурханда хандаа! Бурхан бүгэдын дээгүүр үргэмжэлэгдөө!

Псалманууд 46:6

Эзэн Бурхан хашхарха дуунай дунда, бүреэгэй абяан доро дээшээ залараа!

Псалманууд 58:11

Минии Бурхан Өөрын энэрэл хайраар намайе угтан абаха, дайсадайм нюдэ руу айнгүй хараха боломжо намда үгэхэ.

Псалманууд 59:13

Хашагдаад байһан үедэмнай туһалыт, зондо найдаха гээшэ худал.

Псалманууд 67:4

Харин үнэн шударга зон хүхиг! Бурханай урда тэдэ баярлаг, хүхилдэн хөөрэн байг лэ!

Псалманууд 7:9

Та арадуудые шүүхэт. Эзэн, миниишье зарга хэрэгые шиидхыт: би гэмгүйб, зүб гээшэб.

Псалманууд 9:8

Эзэн хэтэ мүнхэдөө хааншалан байха. Зарга шүүбэри ябуулхын тула Тэрэ шэрээгээ дэлгээ.

Псалманууд 9:9

Бүхы дэлхэйе Тэрэ үнэн шударга шүүбэрилхэ, арадуудые шударга сэхээр шүүбэрилхэл.

Псалманууд 93:1

Үһөөгөө абалгын Бурхан болохо Эзэн, үһөөгөө абалгын Бурхан, Өөрыгөө харуулыт!

Псалманууд 98:9

Эзэн Бурханииемнай үргэмжэлэгты! Нангин хада дээрэнь һүгэдэн мүргэгты! Юуб гэбэл, Эзэн Бурхамнай арюун нангин юм.

Исай 49:8

Эзэн Өөрын арад түмэндэ иигэжэ айладхана: Таарамжатай сагай ерэхэдэ, Би шамда харюу үгэхэб, абарха үдэрэй ерэхэдэ, Би шамда туһалхаб. Таанадые хамгаалхаб, таанадаар дамжан, бүхы арадуудтай хэлсээ баталхаб. Хооһорһон газар дайдаяа һэргээхые Би таанадта зүбшөөхэб.

Исай 52:7

Энхэ тайбаниие соносхожо, һайн мэдээ асаран, абарал зарлажа, «Танай Бурхан хаан түрэеэ бахим баряа!» гэжэ Сиондо хэлэжэ, һайн мэдээсэл дэлгэрүүлэгшын алхамууд хэды дэмбэрэлтэйб!

Даниил 2:44

Тэдэ хаан түрэнүүдэй үедэ Огторгойн Бурхан хэтэ мүнхэдөө һандархагүй, бусад арадта диилдэхэгүй нэгэ хаан түрэ байгуулжа, тэрэнь бүхы хаан түрэнүүдые һандаргаажа, өөрөө мүнхэ оршохо.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Малаахи 1:14

Хонин һүрэгтэнь һайн хусын байхада, тэрэниие үргэхэб гэжэ тангариглаһан аад, Эзэндэ асархадаа, үбшэн малаар андалдаад үргэлдэ асардаг хуурмаг зон хараалда хүртэг. Ушарынь хадаа Би агууехэ Хаанби, арад үндэһэтэд Минии нэрэһээ һүрдэдэг! Иигэжэ Түмэн Сэрэгтэ Эзэн айладана.

Матвей 3:2

– Бурханай хаан түрэ һаяар мандахань, тиимэһээ нүгэл үйлэдэхэеэ болёод, Бурханда хандагты.

Хэрэгүүд 17:31

юундэб гэхэдэ, Бурхан юртэмсэ дэлхэйе үнэн зүб зарга шиидхэбэреэр шүүхэ үдэрөө тогтоогоо, тиин Зарга шүүгшэеэ Тэрэ томилон табяа. Тэрэниие Бурхан амидыруулжа, бүхы хүнүүдтэ гэршэ баримта болгон үгөө.

Галадуудта 1:16

Хүбүүн тухайгаа үнэн зүбые нээгээд, бусад арадуудта Христоос тухай номнохыемни захираа. Тиихэдэ би ямаршье хүнһөө зүблэл һураагүйб.

Колоссынхидтэ 2:7

Таанадые һургаһан ёһоор Тэрээн соо үндэһэеэ гүнзэгы табигты, Тэрэниие һуури болгон ажамидаралаа зохёогты, бүри ехээр Тэрээндэ һүзэглэжэ байгты. Тиигэхэтэйгээ сасуу Бурханда ходо баяр хүргэжэ байгты.

Еврейнүүдтэ 1:3

Бурханай алдарай туяа сасаруулан, Бурханай шанар шэнжэтэй байжа, Тэрэ бүхы замбуулин дэлхэйе Өөрын үгын хүсөөр баридаг. Бидэниие нүгэлнүүдһээмнай арилгаад, огторгой дээрэ һүр жабхаланта Бурханай баруун талада һуугаа.

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.

Гэршэлгэ 19:11

Тиин сэлеэтэй байһан тэнгэри харабаб – тэндэ сагаан мори унаһан хүн байба. Мори унаашань Үнэн зүб, Сэхэ шударгы гэжэ нэрэтэй. Тэрэ һуугаашань зарга шүүбэриие, дайн сэрэгые үнэн зүбөөр хэгшэ юм.

Гэршэлгэ 19:6

Аргагүй олоороо хүнүүдэй суглараад дүүелдэжэ байһан шэнги гү, али уһан хүүюурэй шууяжа, шангаар тэнгэри дуугаржа байһан шэнги иимэ абяан намда дуулдаба: – Бурханда магтаал соло! Хамагые зонхилогшо Эзэн Бурхамнай засаг түрөө абаба!