Псалманууд 82:2 - Библи

² Бурхан! Дуугүй бү байгыт! Абяагүй бү байгыт, бү бэеэ хуряагаад байгыта!

Бурятский Библия. Отдельные книги Ветхого Завета

² «Хэды болотор таанар буруу сүүдлэхэбта, хорото муу зоной талые баримталхабта?! [Хүгжэм]

Псалманууд 82:2 Referencias Cruzadas

3 Хаан түрэнүүд 18:21

Элияа бүхы арад зондо дүтэлэн: – Таанад хэды болотор хоёрой хоорондо байхабта? Эзэнэй Бурхан юм һаань, Тэрээндэ мүргэгты. Баалай Бурхан һаань, Баалда мүргэгты, – гэбэ. Арад зон тэрээндэ нэгэшье үгэ хэлэбэгүй.

2 Угай бэшэг 19:7

Эзэнһээ айжа байгты, болгоомжолжо зарга хэрэгүүдые шиидхэгты. Эзэн Бурхамнай үнэн бэшые, нюур илгажа шүүбэрилгые, эдилгэ абалгые эрид хоридог.

Иоов 32:21

Намайе шагнагты, хэнэйшье тала би барихагүйб.

Иоов 34:19

Эзэн тайжанарай нюур харадаггүй, баян хүниие ядууһаа үлүүгээр үзэхэгүй. Юундэб гэхэдэ, хүн бүхэниие Тэрэ Өөрөө бүтээгээ.

Псалманууд 62:3

Нангин газарта Таниие – Танай хүсэ шадал, алдарыетнай үзөө бэлэйб.

Египедһээ гаралга 10:3

Моисей Аһароон хоёр фараондо ерээд хэлэбэд: – Эзэн, еврейнүүдэй Бурхан, иигэжэ асуужа байна: Минии урда номгорхошни хэзээ юм бэ? Намда зорюулһан үргэл тахил бүтээхыень Минии арадые табииш.

Һургаал 18:5

Нүгэлтэнэй тала бариха гээшэ хэрэг шүүлгэ дээрэ гэмгүй хүниие хардаһантай адли муухай хэрэг.

Эзэкээл 45:9

Эзэн Бурхан иигэжэ айладхана: – Израилиин удамаршад, нүгэл үйлэдэхэтнай хүрөө! Харшалха, дээрмэшэлхэеэ болижо, үнэн зүбые үйлэдэн байгты. Өөрын газар дээрэһээнь арад зониием үлдэжэ, гаргажа байхаяа болигты. Энэ болбол Би, Эзэн Бурхан, айладхана мүн!

Левит 19:15

Зарга шүүбэридэ ороходоо, худалаар бү хэлэгты. Үгытэй хүнэй нюур бү сахигты. Ехэ хүндэ бү һүгэдэгты. Хажуудахи хүнэйнгөө үйлэ хэрэг үнэн сэхээр шүүбэрилэгты.

Матвей 17:17

– Этигэл һүзэггүй, забхай ябадалтай зон аа! Үшөө хэды шэнээн таанадтай байхабиб? Үшөө хэды болотор таанадые тэбшэхэбиб? Хүбүүгээ наашань Намда абаад ерэ, – гэжэ Иисүүс хэлэбэ.

Галадуудта 2:6

Харин Яков, Кефа (Пётр), Иоанн гэдэг эгээн хүндэтэ багшанар тухай хэлэбэл, урдань тэдэнэй ямар хүнүүд байһаниинь намда хамаагүй, юуб гэхэдэ, Бурхан хүниие яһаарнь илгадаггүй. Тэдэнэр Һайн Мэдээсэл номнохыемни намайе зүбшөөгөө. Тэдэ нэрэ хүндэтэй зон бидэнтэй нэгэ ажал хэрэг бүтээжэ байһанаа баталан, Барнааба бидэ хоёрой гарые бариба, Бурханһаа үршөөл хайра бидэндэ үгтэһые зүбшөөбэ. Тиигээд бидэ бусад арадуудые, харин тэдэ еврейнүүдые һургахань зүбтэй гэжэ тоолобо. Юундэ тиигээб гэбэл, еврейнүүдтэ номнохо үүргэ Пётрто Бурханһаа үгтэһэндэл адли бусад арадуудые һургаха үүргэ намда үгтөөд байһые тэдэнэр хараа. Яажа Пётр Бурханай хүсөөр элшэн болгогдоод, еврейнүүдтэ номнодог бэ, тон тиигэжэл бишье Бурханай хүсөөр элшэн болгогдоод, бусад арадуудые һургадаг болооб.

Хуули дабталга 1:17

Нюур илгаруулжа бү байгты, шадалтай, шадалгүйшье зониие адли анхаран шагнагты. Хэнһээшье бү айгты, юуб гэхэдэ, шүүбэрилхэ гээшэ Бурханай хэрэг. Өөһэдөө шиидхэжэ шадахагүй хэсүү хэрэгээ намда даалгагты, би тэрэниие шиидхэхэб».