Псалманууд 79:2 - Библи

² Иосифой зониие хонин һүрэг мэтээр адуулагша Израилиин хонишон, соносыт! Херүүбүүд дээгүүр заларагша, Өөрыгөө харуулыт!

Бурятский Библия. Отдельные книги Ветхого Завета

² Богоолнуудайтнай бэе шубуу шонхорто эдишэ болгон, гэгээн зонойтнай бэе ан арьяатануудта үгөөл.

Псалманууд 79:2 Referencias Cruzadas

Ерэмияа 15:3

Би, Эзэн, тэдээндэ дүрбэн янзын гай тодхор ушаруулхаб: тэдэ дайнда алуулагдаха, һэеыень нохойнууд шэрэхэ, огторгойн шубууд болон газарай арьяатан тэдэниие хүнэһэлжэ һалгааха.

Ерэмияа 16:4

Тэдэ угаа зобожо үхэхэ. Тэдэнэй хойноһоо хэншье уйдан гашуудахагүй, хэншье хүдөөлүүлхэгүй. Тэдэ газарай хүрьһэн дээрэ шэбхэ мэтэ хэбтэхэ, дайн дажарта алуулха, туража үхэхэ. Һэе хүүрнүүдынь шубуу шонхорой болон ан арьяатанай хүнэһэн болохо.

Ерэмияа 19:7

Иудын хан түрын болон Иерусалимай улад зоной бүхы түсэбүүдые энэ газар дээрэ һандаргаажа, дайсадтань тэдэниие диилүүлхэб, байлдаануудта алуулхаб. Тэдэнэй хүүрнүүдые тэнгэриин шубуу шонхорто болон зэрлиг амитадта хүнэһэн болгон үгэхэб.

Ерэмияа 34:20

Алахаяа һанаһан дайсадайнь һабарта тэдэниие дамжуулхаб. Һэенүүдынь шубуу шонхорой, зэрлиг амитадай хүнэһэн болохо.

Ерэмияа 7:33

Эдэ зоной һэенүүд тэнгэриин шубууд болон газарай арьяатанай эдишэ болохо. Тэдэниие үргөөхэ хүн олдохогүй.

Цэпаанияа 1:17

Эзэн иигэжэ айладана: «Зониие хашан зобооходом, тэдэ һохор мэтэ тэмтэрэн ябадаг болохо. Тэдэ Минии урдаһаа нүгэл хээ, тиимэһээ шуһаниинь уһан мэтэ адхагдаха, үхэһэн бэень шабааһан мэтэ шобторогдохо».

Хуули дабталга 28:26

Таанадай һэенүүд шубуу шонхорой, ан гүрөөлэй хүнэһэн болохо, тэдэниие үргөөхэ хүн байхагүй.