Псалманууд 44:4 - Библи

⁴ Хүсэтэ хаан, һэлмэеэ ташаандаа зүүгыш, алдар солотойш, һүр жабхалантайш.

Бурятский Библия. Отдельные книги Ветхого Завета

⁴ Тэдэ һэлмээрээ газар нютаг эзэлээ бэшэ, хүсэтэй байһань илалта туйлуулаа бэшэ, харин Танай гар, хүсэ шадалтнай, Танай шарайн гэрэл туяа! Юуб гэбэл, Та тэдээндэ онсо һайнаар хандадаг бэлэйт.

Псалманууд 44:4 Referencias Cruzadas

Псалманууд 111:6

Тэрэ хэтэ мүнхэдөө ганхахагүй, ל Лаамэд зүб шударга хүн хэтэ мүнхын алдар солотой. מ Мээм

Псалманууд 149:2

Израиль өөрын Бүтээгшын урда баясан байг, Сионой хүбүүд өөһэдын Хаанай урда хүхилдэн байг лэ.

Египедһээ гаралга 15:6

Эзэн! Гартнай шанга, хүсэтэй! Эзэн! Гартнай дайсаниие нэрбээ!

Исай 33:22

Эзэн манай Удамарша, манай Шүүгшэ, манай Хаан! Тэрэ бидэниие абарха!

Марк 1:31

Иисүүс тэрэ эхэнэрэй хажууда ерэжэ, гарһаань баряад бодхообо. Тиихэдэнь халууниинь бууража, эхэнэр айлшадаа хүндэлжэ оробо.

Марк 1:41

Иисүүс тэрэ хүниие хайрлаад, гараа һарбайжа тэрээндэ хүрөөд: – Эдэгээхэ хүсэлтэйб, арюун болыш даа, – гэбэ.

Марк 9:25

Улад зоной үшөө олоор сугларжа байхые харахадаа, Иисүүс ада шүдхэртэ захирба: – Хэлэгүй, дүлии ада шүдхэр! Би шамда захирнаб: энэ хүбүүнһээ гара, хойшодоо тэрээндэ бү оро!

Хуули дабталга 7:19

Ямар ехэ гай тодхор тэдээндэ эльгээһыень таанад хараа бэлэйт. Дүлгэ тэмдэгүүдые, гайхамшагта үзэгдэлнүүдые, бар хүсөөрөө, агууехэ шадалаараа таанадые Египедһээ Эзэнэй гаргаһыень һанаа бэзэт. Таанадай мүнөө айдаг арадуудтай Эзэн Бурхантнай тон тиимэ юумэ хэхэл.

Хуули дабталга 7:8

Юундэб гэхэдэ, Эзэн таанадта дуратай; танай үбгэ эсэгэнэртэ үгэһэн шахаа тангаригаа бэелүүлхын тула Тэрэ бар хүсөөрөө таанадые Египедһээ гаргаа, фараоной засаг зонхилолтоһоо мултаруулаа, богоол байдалһаатнай сүлөөлөө.

Нүүнэй Иисүүс 24:12

Би танай урда хорото зүгынүүдые эльгээгээб, тэдэ танһаа хоёр эмооршуудай хаашуулые үлдөө; танай һэлмээр, танай номоор энэ хэгдээ бэшэ.