Псалманууд 44:12 - Библи

¹² Шинии гоо һайханда хаан татагдаха, тэрэ шинии эзэн мүн, тиимэһээ тэрээндэ һүгэдэн байгаарай.

Бурятский Библия. Отдельные книги Ветхого Завета

¹² Та бидэниие эдишын хонид мэтээр үгөөт, маанадые улас үндэһэтэнүүдэй дунда тараагаат.

Псалманууд 44:12 Referencias Cruzadas

Исай 50:1

Эзэн иигэжэ айладхана: «Һамгантаяа һалажа байһан хүндэл адли Өөрынгөө арад түмэниие Намайе үлдөө гэжэ һанаа гүт? Тиимэ юм һаа, һалаһанай гэршэлгэ саарһанууд хаанаб? Өөрынгөө үхи хүүгэдые богоол болгон худалдагша хүндэл адли таанадые үритэй хүндөө худалдаа гэжэ Нам тушаа һанаба гүт? Үгы, таанад өөрынгөө нүгэлэй түлөө баряанда туугдан ошоот, өөрынгөөл зэмэтэйдэ үлдүүлээт.

Ерэмияа 15:13

Бүхы хизаар нютагуудаар Минии арад түмэнэй хэһэн нүгэлэйнь түлөө Би эд баялигыень болон эрдэни зэндэмэнииень дайсадта миинтээр үгэхэб.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Хуули дабталга 32:30

Нэгэ хүн мянган зониие намнажа шадаха гү, хоёр хүн үй түмэниие үлдэжэ бираха гү? Тэдэ мянган зоной Хабсагайн өөһэдыень орхёо гээшэ һаа, Эзэнэй тэдээнһээ арсаа гээшэ һаань, иимэ юумэн ушархал.

Хуули дабталга 4:27

Эзэн таанадые бүхы арадуудаар тарааха, тиихэдэнь тэдэ арадуудайнь дунда үсөөхэн тоотой үлэхэт.

Гэршэлгэ 18:13

Эдеэ амтатай болгодог зүйлнүүдыень, һайхан үнэртэй ургамалай шүүһыень, хүжэ санзайень, либанон гэдэг уталгыень, үзэмэй дараһан архииень, оливай тоһыень, хурабшаадхан сагаан гурилыень, шэниисэ таряаень, үхэр, хони, моринуудыень, ута тэргэнүүдыень, барлагуудыень, сэрэгэй баряанда олзологдоһон хүнүүдыень ондоо хэншье саашадаа абахагүйл.

Ударидагшад 2:14

Эзэн израильшуудта сухалдаад, тэдээндэ добтологты, тэдэнэй эд зөөрииень тоногты гэжэ оршон тойрон ажаһуудаг арадуудта зарлиглаба.

Ударидагшад 3:8

Эзэн израильшуудта сухалдаад, тэдэниие илагты гэжэ Месопотамай хаан Кушаан-Ришатааимда үршөөл хайраяа үгэбэ. Месопотамай хаан тэдэниие найман жэл соо зонхилбо.