Псалманууд 36:4 - Библи

⁴ Эзэндэ баярлан бай, Тэрэ шамда хүсэһэн юумыеш үгэхэ. ג Гиимэл

Бурятский Библия. Отдельные книги Ветхого Завета

⁴ Аманһаань гараһан үгэнүүд — хорон муу болон худал, Тэрэ сэсэн ухаан болон һайн үйлэ хэрэгүүд руу эрмэлзэдэггүй.

Псалманууд 36:4 Referencias Cruzadas

Эстээр 5:14

Зээрэш һамганиинь ба бүхы нүхэдынь тэрээндэ: – Табин тохой үндэртэй үлгэхэ бахана бодхуула. Үглөөдэр хааниие бараалхахадаа, Мордохайе тэрээндэ үлгэжэ алаг гэжэ хэлээрэй. Тиигээд хаантай хамта хүхюутэй юумэд найрта ошооройт, – гэһэн зүбшэл үгэбэ. Энэ зүбшэл Һамаанда һайшаагдажа, тэрэ үлгэхэ бахана бодхуулба.

Эстээр 6:4

– Хэн газаа ерээд байнаб? – гээд хаан асууба ха. Бэлдэһэн үлгэхэ баханадаа Мордохайе үлгэн алаха зүбшөөл хаанһаа абаха гэжэ Һамаан ордоной дотор хашаа соо ерээд байгаа.

Иоов 15:16

Харин хүн гэжэ бузар амитанда найдалтай гү? Булагай уһанай гараһантай адли хүнэй гэм буруу таһархагүй.

Псалманууд 38:12

Гэмэйнь түлөө зэмэлэн, Та хүниие хэһээнэт, арюун юумэнь хибэндэл адли һалаха. Үнэн дээрээ хүн бүхэн нэгэ амисхал юм. [Хүгжэм]

Псалманууд 52:3

Юумэ ойлгодог, Бурханиие бэдэрдэг хүн бии гү гэжэ мэдэхэеэ Бурхан тэнгэриһээ зон руу харана.

Һургаал 24:2

Тэдэ хүсэрхэл һэдэжэ ябадаг, ама хэлэниинь гай зоболон түхеэржэ байдаг.

Һургаал 24:23

Сэсэшүүл иигэжэ хэлэдэг. Хэрэг шүүлгэдэ али нэгэнэй тала бариха гээшэ һайн хэрэг бэшэ.

Һургаал 4:16

Тэдэ хорото муу юумэ үйлэдөөгүйдөө амар унтахагүй юм. Хэн нэгэниие бүдэрүүлжэ унагаагаагүй сагтаа тэдэнэй нойр хүрэдэггүй.

Исай 65:2

Муу зам даган, өөрын һанаһаар ажаһуудаг, хүнэй үгэ дууладаггүй арад руу бүхэлиин үдэрөө гараа һунган байгааб.

Ерэмияа 4:22

Эзэн иигэжэ хэлэнэ: «Арад зомни мунхаг. Тэдэ Намайе мэдэдэггүй. Тэдэ тэнэг үхибүүдтэл адли, юумэ ойлгодоггүй. Муу юумэ үйлэдэхэдөө һүрхэй, харин һайн юумэ хэхэеэ шададаггүй».

Ерэмияа 6:16

Эзэн өөрын арад зондо иигэжэ айладхаба: «Харгы замууд дээрэ тогтожо харагты. Урданай һайн харгынууд тушаа – Моисейн һургаал тухай һурагшалагты. Тэрэ һайн замаар зорибол, ажана амгалан ажаһуухат». Теэд тэдэ: «Үгы, зорихогүйбди», – гэлдэбэ.

Ерэмияа 8:6

Би һайса шагнааб, теэд таанад үнэн сэхэеэ хэлэнэгүйт. Хэншье муу муухай хэрэг тухайгаа гэмшээгүй. Хэншье «Би юу буруу хээбиб?» гэжэ һураагүй. Тулалдаан руу дабшан орожо байһан мориндол адли хүн бүхэн өөрын шэглэлээр ябаһаар лэ байна.

Амоос 5:15

Муу муухайе зайлуулагты, һайнда дурлагты, зарга шүүхэдэ зүб шударга ёһо гурим бата һуурижуулагты! Тиигэбэлтнай, Түмэн Сэрэгтэ Эзэн Бурхан Иосифой үри таһардаһанай үлдөөсые хайрлан үлөөжэ магад.

Михей 2:1

Орондоо хэбтээд, муу муухай юумэ түсэблэн байгаашад ямар жэгшүүритэйб! Үүрэй сайхада түсэблөөшэ юумэеэ тэдэ хэжэ эхилнэ, юуб гэбэл, энээниие хэхээр тэдэ хүсэтэй.

Михей 6:8

Үгы. Һайн хэрэг гээшэ юун бэ гэжэ Эзэн бидэндэ, зондо, иигэжэ айладхана: «Үнэн шударга байха, саг үргэлжэ дура хайраяа элирхэйлжэ байха, Бурханайнгаа үгэ дуулажал ябаха».

Матвей 27:1

Үүр сайха үеэр хамаг түрүү санаартан, улад зоной ахамадууд сугларжа, Иисүүсые үхэлэй саазада хүртөөхэ гэжэ зүбшэн шиидэбэ.

Хэрэгүүд 23:12

Хойто үдэрынь еврейнүүд хоорондоо хэлсээ үүдхэн сугларжа, Павелые алаагүй һаа, юумэ эдихэ уухагүйбди гэжэ тангариглаба.

Римэйхиндэ 1:32

Тиимэ юумэ үйлэдэжэ байһан хүн бүхэн үхэлдэ хүртэхэ табилантай гэжэ Бурханай хэлэһые мэдэжэ байһаншье һаа, тэдэнэр нүгэлтэ юумэ хэжэл байдаг, үшөө тиихэдэ бусад зониие тиимэ юумэ үйлэдүүлхэдэ түлхидэг.

Римэйхиндэ 12:9

Хүнүүдтэ үнэн зүрхэнһөө дуратай байгты; нүгэлтэ юумэнүүдһээ зайсагты; үлзы дэмбэрэлтэй юумэндэ эрмэлзэжэ байгты.

Гэршэлгэ 2:2

танай бүтээһэн үйлэ хэрэгые, танай хэһэн ажалые, танай тэсэбэриие Би мэдэнэб. Хара һанаатанда таанад тон дурагүйт гэжэ мэдэнэб, Иисүүсэй элшэд бэшэ аад, элшэнэрынь гээшэбди гээд өөһэдыгөө тоологшодые шалгажа үзөөд, тэдэнэр хадаа худалшад, мэхэшэд мүн гэжэ элирүүлһыетнай Би мэдэнэб;

1 Хаан түрэнүүд 19:11

Саул Давидай гэр руу элшэнэрые эльгээн, тэрэниие амадажа, үглөөгүүр алаха гэбэ. Теэд Давидай һамган Михаал Давидта: – Энэ һүни ши ами наһаяа абараагүй һаа, үглөөдэр алуулхаш, – гэбэ.