Псалманууд 33:16 - Библи

¹⁶ Эзэн үнэн сэдьхэлтэниие хаража байдаг, тэдэнэй зальбаралнуудые дуулажа байдаг, פ Пээ

Бурятский Библия. Отдельные книги Ветхого Завета

¹⁶ Хүсэтэ олон сэрэгээр абарагдаха хаан гэжэ үгы, агуу хүсээрээ халхалагдаха баатар гэжэ байхагүй.

Псалманууд 33:16 Referencias Cruzadas

3 Хаан түрэнүүд 20:10

Бэн-Һадаад иигэжэ харюу дамжуулба: – Угаа олон сэрэг таанад руу дахуулан асархадам, һандаргагдаһан Самариин үнэһэн шорой тэдэ асаруулааша зондом бултандань альган соонь хүртэхэгүй. Энээниие бэелүүлээгүй һаам, бурхад намда гай гасалан ушаруулаг лэ!

3 Хаан түрэнүүд 20:15

Можонуудай ноёдой ударидалга доро ябадаг залуу сэрэгшэдые хаан хамта суглуулжа тоолобо: хоёр зуун гушан хоёр гээд элирбэ. Удаань Израилиин арад зониие тоолоходонь, долоо мянга гээд эли болобо.

2 Угай бэшэг 13:8

Давидай уг удамда Эзэнэй үгэгшэ хаанта засагай урдаһаа мүнөө таанад дайлалдаха гэжэ байна гээшэ гүт?! Угаа олон сэрэгтэйт, бурхад болгон таанадта Еробоһаамай дархалуулжа үгэгшэ алтан хүрэгүүдтэйт.

2 Угай бэшэг 20:12

Манай Бурхан! Тэдэниие усадхыт! Маанадта добтологшо иимэ ехэ сэрэгэй урдаһаа тулаха хүсэн бидэндэ байхагүй. Юугээшье хэхэеэ бидэ мэдэнэгүйбди, харин Тандаал найданабди!

2 Угай бэшэг 20:23

Яагаад бэ гэбэл, Аммоон ба Моһаабай сэрэгүүд Сэһиир хадын уласта добтолжо, эсэслэн усадхаба. Удаань тэдэ бэе бэетэеэ дайлалдаа бэлэй.

2 Угай бэшэг 32:21

Эзэн Эльгээмэлээ ябуулжа, тэрэ Ассириин сэрэгые ноёд һайдтайнь хамта хюдаба. Иигэжэ Ассириин хаан өөрынгөө газар руу нэрээ хухараад бусаа һэн. Тиигээд тэрэнэй өөрынгөө бурханай һүмэ соо мүргэл хэхэеэ ерэхэдэ, тэрэнэй түрэһэн хүбүүд эсэгээ һэлмээр сабшан алаа бэлэй.

Иоов 36:7

Гэмгүй хүндэ тэрэ хайраяа үршөөжэ, хаан мэтэ хүндэтэй болгодог.

Иоов 39:11

Шадал ехэтэй зэрлиг үхэртэ найдажа, хүндэ ажалаа хүүлэжэ шадаха гүш?

Псалманууд 20:8

Дээдэ Эзэн, Танда хаан найдадаг, Танай хайрын ашаар тэрэ ганхахагүй.

Псалманууд 44:3

Зоной дундаһаа ши эгээл гоё һайханши, нигүүлэсхы үгэнүүдые хэлэдэгши. Тиимэһээ Бурхан хэтэ мүнхэдөө шамайе үреэгөө.

Египедһээ гаралга 14:28

Израильшуудые намнажа ябаһан фараоной хамаг сэрэгшэдые моридтойнь, тэргэнүүдтэйнь уһа долгин үрэбхибэ. Египедэй нэгэшье хүн амиды үлэбэгүй.

Экклезиаст 9:11

Нарата дэлхэйдэ хараһан зүйл соо хурданиинь урилдаанда шалгардаг бэшэ, эрэлхэгтэ илалта ерэдэггүй, мэргэн сэсэндэ олоһон хилээмэниинь хүртэхэгүй, ухаатайда зөөри баялиг байхагүй, уран дүйтэйдэ шадабари үгтэдэггүй, бүхы хүнүүд эрэ бэрхэдээ бэшэ, аза талаангайл тудахада юумэн хуу ушарха сагтаа болодог.

Ерэмияа 48:14

Моһаабай арад түмэн, юундэ таанад зүрхэтэй, байлдаануудта дүршэһэн зомди гээд хэлэнэбта?

Ерэмияа 9:23

Эзэн иигэжэ айладхана: Мэргэн хүн мэргэн ухаагаараа, хүсэ шадалтай хүн шадалаараа, баян хүн эд баялигаараа бү һайрхаг.

Һошээ 10:13

Таанад муу муухайе ургуулан байгаат, үнэн шударга бэшые хуряажа абанат. Худал хуурмагаар ургуулагша эдеэгээ эдин байнат. Юуб гэбэл, таанад дайшалхы тэргэнүүдтээ, олон сэрэгшэдтээ найдаһан байгаат.

Амоос 2:14

Эгээл хурдан хүнэй хурдань мөхөжэ, эгээл хүсэтэй хүнэй хүсэнь буураха, эрэлхэг зоригтойшье амияа абаржа шадахагүй.

Амоос 2:15

Һурша ном татаха хүншье байрадаа тогтожо шадахагүй, хүл хурданшье тэрьедэжэ үрдихэгүй, моритой хүншье амияа абаржа шадахагүйл.

Нүүнэй Иисүүс 14:12

Тиимэһээ Эзэнэй тэрэ үдэр хэлэһэн энэ хадые намда үгэ. Тэндэ Анаагай хүбүүд һууна гэжэ тэрэ үдэр ши дуулааш, тэдээнэй хотонууд томо ба бэхилэгдэһэн; Эзэнэй намтай ябаа һаань, тэрээнэй хэлэһэн ёһоор би тэдээниие үлдэхэб.

Ударидагшад 7:2

Эзэн Гидоондо иигэжэ хэлэбэ: – Шинии хүнүүд тэдээнһээ үлүү олон байна. Мидиануудые Би таанадай гарта үгэхэгүйб. Минии урда израильшууд «Магад өөһэдөө өөһэдыгөө абараабди» гэжэ болохо.

Ударидагшад 7:4

Гидоондо Эзэн иигэжэ хэлэбэ: – Үшөөл олон сэрэгшэд үлөө байна. Үлэгшэдыень ши дахуулжа, урдажа байһан уһанда абааша. Тиихэдэш Би тэдээнһээ шамда шэлэхэб. «Шамтай ошолдогты» гэжэ Би хэлэхэб. Тиихэдэмни шамтай ошолдохо сэрэгшэд ошолдог. «Шамтай ошолдожо болохогүй» гэжэ Би хэлэхэб. Тиихэдэм шамтай ошолдохогүй сэрэгшэд үлэг.

1 Хаан түрэнүүд 17:4

Тиигээд пилиштүүдэй хотон хүреэнһөө тулалдаашан гаража ерэбэ. Тэрэнэй нэрэнь Голиаф, тэрэ Гаатһаа, зургаа хахад тохой үндэр бэетэй хүн бэлэй.

1 Хаан түрэнүүд 2:9

Һүзэгтэй арюун зонойнгоо ами наһа Тэрэ хамгаалдаг, харин муу зон харанхыда үгы болоно. Хүн гээшэ бар хүсөөрөө бата бүхэ бэшэ, Тэрэнэй туһалаагүй һаа, илахагүй.