Псалманууд 33:15 - Библи

¹⁵ Муу муухайһаа буруу хаража, һайн һайханиие үйлэдэг, эб эеые бэдэрэн шармайжа, энхэ тайбан байдалые найруулжа байг. ע Аайин

Бурятский Библия. Отдельные книги Ветхого Завета

¹⁵ Бултанай оюун ухаа тэрэ бүтээгээ, бултанай хэрэгүүдые сүм мэдэдэг.

Псалманууд 33:15 Referencias Cruzadas

Иоов 10:8

Та Өөрөө намайе газар шоройһоо бүтээһэн аад, шорой болгохо гэжэ юундэ хүсэбэт?

Иоов 11:11

Хуурмаг хүниие тэрэ ядахагүй танидаг, хүн бүхэнэй гэм Тэрэнэй нюдэндэ эли.

Һургаал 22:2

Үгытэй ядуу хоёр зэргэ ябаха табилантай. Ядуу хүнииешье, баянииешье Эзэн бүтээгээ.

Һургаал 24:12

«Бидэ энээн тухай мэдээгүйлби» гэжэ ши хэлэхэш. Зүрхые Туршагша энээниие анхаралдаа абана, һүнэһыеш Хамгаалагша энэ бүхэниие мэдэнэ. Хэһэн үйлын харюу Тэрэ хүнүүдтэ үгэхэ.

Һургаал 27:19

Уһанай нюрууда хүнэй шарай харагдадагтал хүнэй зүрхэн тэрэнэй шэнжэ харуулна.

Экклезиаст 7:29

Минии оложо мэдэһэн зүйл хадаа Бурхан хүниие үнэн шударгыгаар бүтээгээ, теэд тэдэнь муу тээшэ олон зам нээгээ.

Исай 64:8

Гэбэшье, Эзэн, Та манай Эсэгэт. Бидэ шабар мэтэ, харин Та шабараар амһарта бүтээдэг хүн мэтэт. Бидэ бултадаа – Танай бүтээлнүүд мүн!

Ерэмияа 16:17

Хэһэн юумыень бултыень Би харанаб. Тэдэ Намһаа хоргодожо шадахагүй – гэм зэмэнь Намһаа хорохогүй.

Ерэмияа 32:19

Та ухаатай мэргэн түсэбүүдые зохёонот, гайхамшагта хэрэгүүдые эрхилнэт. Зоной юу хэһые бултыень харанат, хэһэн хэмээрнь лэ юумыень харюулнат.

Һошээ 7:2

Муу муухай хэрэгүүдыень Минии бултыень һанажа байһые тэдэ мэдэнэгүй. Теэд нүгэл шэбэлынь тэдэниие тойроод байнал, Би мүнөө эли хаража-үзэжэ байнаб.

Хэрэгүүд 17:26

Бүхы дэлхэйгээр нютагжахынь тула амидарха саг болзорыень болон байрлаха хилэ хизаарыень тогтоон, ори ганса хүнһөө бүхы хүн түрэлхитэниие Тэрэ бүтээгөө.

Коринфынхидтэ 1-дэхи 4:5

Тиимэһээ тогтоогдоһон сагай болоогүйдэ хэнииешье бү шүүбэрилэ. Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.