Псалманууд 119:4 - Библи

⁴ Шатажа байгаа нүүрһэтэй сэрэгшэ хүнэй хурса годли!

Бурятский Библия. Отдельные книги Ветхого Завета

⁴ Өөрын захиралтануудые заабол бэелүүлэн байхые Та захираа бэлэйт.

Псалманууд 119:4 Referencias Cruzadas

Эзраа 7:21

Евфрадһаа баруулжаа можодохи баялигуудые хадагалдаг зондо би, Артагсээрэгс хаан, иимэ зарлиг үгэнэб: огторгойн Бурханай хуули һургаал заадаг багша, санаартан Эзраа танһаа юу эринэб, эриһэн юумыень бултынь түргэн үгэгты:

Египедһээ гаралга 7:6

Эзэнэй зарлигые Моисей Аһароон хоёр гүйсэд бэелүүлбэ.

Ерэмияа 7:23

Гансал Минии үгэ дуулажа, Би тэдэнэй Бурхан, тэдэ Минии арад түмэн болохыень, тэдээндэ һайн байхын тула Минии захиһаар ажаһуухыень айладхан захираа һэм.

Эзэкээл 20:19

Тэдэнэй Эзэн Бурхан байһан тушаа, Минии захиралтануудые, хуули ёһонуудые сахин дүүргэдэг байха тухайнь Би һануулбаб.

Матвей 28:20

Таанарта Минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб.

Иоанн 14:15

– Хэрбээ таанар Намда дуратай һаа, Минии захяа заабариие дүүргэхэт.

Иоанн 14:21

Минии захиһан захяа заабариие хэн дүүргэнэб, тэрэ Намда дуратай гээшэ. Хэн Намда дуратайб, тэрээндэ Минии Эсэгэшье дуратай байха. Баһа Бишье тэрэ хүндэ дуратай байхаб, Би Өөрыгөө тэрээндэ үзүүлхэб.

Хуули дабталга 11:13

Хэрбээ минии мүнөөдэр хэлэһэн захяа заабаринуудые шагнан сахижа, Эзэн Бурхандаа дуратай байжа, бүхы зүрхэ сэдьхэлээрээ Тэрээндэ һүгэдөө гээшэ һаатнай,

Хуули дабталга 11:22

Минии хэлэһэн захяа заабаринуудые жэншэдгүй сахин дүүргэжэ байгаа һаатнай, Эзэн Бурхандаа дуратай байбалтнай, Тэрэнэй замаар ябабалтнай, Тэрээндэ үнэн сэхэ байгаа һаатнай,

Хуули дабталга 12:32

Минии таанадта захиһан юумэ бултыень дүүргэхэеэ оролдогты, хэлэһэндэм юушье бү нэмэгты, бү хороогты!

Хуули дабталга 30:16

Би таанадта мүнөөдэр юу дамжуулан захинабиб гэбэл, Эзэн Бурхандаа дуратай байхыетнай, Тэрэнэй захирһаар ажаһуухыетнай, Тэрэнэй захяа заабаринуудые, хуулинуудые, ёһо гуримуудые сахин дүүргэхыетнай. Тиигэбэл, амиды мэндэ байхат, үнэр баян болохот, эзэмдэхэеэ таанадай шэглэн ошожо байһан газарта Эзэн Бурхантнай таанадые үреэхэ юм.

Хуули дабталга 4:1

Моисей Израилиин улад зондо иигэжэ хэлэбэ: – Минии заабарилжа байһан хуули, ёһо гуримуудые сахигты. Тиигэбэл, таанад амар мэндэ байхат, Эзэнэй, үбгэ эсэгэнэрэйтнай Бурханай, үршөөһэн газарта ошожо эзэлэн ажаһуухат.

Хуули дабталга 4:9

Теэд болгоомжологты! Хараһан үзэһэн үйлэ хэрэгүүдээ бү мартагты, бүхы наһаараа ой ухаанһаатнай тэдэ бү гараг. Эзэн Бурханайнгаа урда Хорээб хадын дэргэдэ зогсоһон тэрэ үдэр тушаа үхи хүүгэдтээ, аша гушанартаа хөөрэгты. Тэндэ Эзэн намда иигэжэ айладхаа бэлэй: «Улад зониие Минии урда суглуула, Би тэдээндэ Өөрынгөө һургаал айладхахам. Тиихэдэм тэдэнэр хүрьһэтэ дэлхэй дээрэ амидаран байгаа бүхы наһан соогоо Намайе хүндэлжэ һураха, энээндэ үхи хүүгэдээшье һургахал».

Хуули дабталга 6:17

Эзэн Бурханайнгаа таанадта захирһан захяа заабаринуудые, эрхэ нүхэсэлнүүдые, хуули ёһонуудые жэншэдгүй сахигты.

Хуули дабталга 6:3

Израилиин улад зон, соносогты, тиигээд эдэ бүгэдые жэншэдгүй сахин дүүргэхэеэ оролдогты! Тиигэбэл, таанадта һайн байха, угаа үнэржэн, шадал түгэс үндэһэ яһатан болохот, Эзэнэй, үбгэ эсэгэнэрэйтнай Бурханай, найдуулһаар, бүхы юумээр элбэг дэлбэг газартай болохот.

Нүүнэй Иисүүс 1:7

Гансал хатуу ба тон зоригтой байгаарай, Моисейн шамда захиһан бүхы хуулиие сахижа, дүүргэжэ ябаарай, Богоолни. Тэрээнһээ хайшаашье бү хазагайраарай, тиибэл лэ бүхы хэрэгээ бодолтойгоор хэхэш.

Иоаннай 1-дэхи хандалга 5:3

Бурханай захяа заабариие сахихадаа, Бурханда бидэ дуратай байнабди. Бурханай захяа заабаринь хүшэр хүндэ бэшэ.