Псалманууд 111:10 - Библи

¹⁰ Хорото һанаата хүн хаража, атаархаха, ש Шиин шүдөө хабирха, хайлан һалаха. ת Таав Хорото зоной хүсэл бэелүүлэгдэхэгүй.

Бурятский Библия. Отдельные книги Ветхого Завета

¹⁰ Эзэнһээ түбэгшөөхэ гээшэ сэсэн мэргэн ухаанай эхин юм. ש Зарлигыень дүүргэгшэ бүхы зондо боро ухаан бии. ת Эзэндэ магтаал соло хэтэ мүнхэдөө оршохол!

Псалманууд 111:10 Referencias Cruzadas

Иоов 28:28

Тиигээд өөрынгөө бүтээл болохо хүндэ хандажа, «Ехэ Эзэн намайе хүндэлхэ гээшэ таанарай хубида эгээл сэсэн зүйл болохо. Тиин гэмтэ байдалһаа зайлажа ябахань хүнэй амидаралда хамагһаа ухаатай шухала» гэбэ.

Псалманууд 1:3

Урасхал уһанай дэргэдэ тариһан модондол тэрэ адли. Тус модон асарха сагтаа алим жэмэсээ эдеэшүүлэн асардаг, набшань хатадаггүй. Тиимэ хүнэй хэһэн хэрэг бүхэниинь үлзытэй.

Псалманууд 145:2

Амиды байхадаа Эзэниие магтан байхаб, байгаа сагтаа Бурханаа магтан дуулахаб.

Һургаал 1:7

Эзэнһээ бэшэрхэ гээшэ сэсэн мэргэн ухаанай эхин юм. Харин мунхаг тэнэгүүд лэ сэсэн ухаае, һургаал заабариие үзэн ядадаг.

Һургаал 3:4

Тиин Бурханай болон хүнүүдэй нюдэндэ талархал ба хүндэтхэл олохош.

Һургаал 9:10

Эзэнһээ бэшэрхэ гээшэ мэргэн ухаанай эхин юм. Гэгээн шанарыень танин мэдэжэ абаха гээшэ оюун ухаан мүн.

Экклезиаст 12:13

Эдэ бүгэдын удха гэбэл: Бурханһаа түбэгшөөдэг бай, Тэрэнэй захяа заабари сахидаг бай, хүндэ хабаатай бүхы юумэн тэрээн соо байха.

Левит 19:14

Дүлии хүниие бү хараа, һохор хүнэй урда торожо унахынь түлөө юумэ бү таби. Өөрынгөө Бурханһаа һүрдэн ай. Би Эзэн гээшэб.

Матвей 25:21

Эзэниинь тэрээндэ: «Ехэ һайн! Ши бэрхэ, найдабаритай зараса байнаш! Бага юумэ эрхилхэдээ ши найдабаритай байбаш, тиимэһээ би шамда бүришье ехэ юумэ даалгахамни! Орожо, эзэнтэйгээ хамта баярла», – гэбэ.

Матвей 25:23

Эзэниинь тэрээндэ: «Ехэ һайн! Ши бэрхэ, найдабаритай зараса байнаш! Бага юумэ эрхилхэдээ ши найдабаритай байбаш, тиимэһээ би шамда бүришье ехэ юумэ даалгахамни! Орожо, эзэнтэйгээ хамта баярла», – гэбэ.

Иоанн 12:43

Хүнүүдэй магтаалда хүртэхэнь Бурханай һайшаалда хүртэхэһөө дээрэ гэжэ тэдэ һанаһан байна.

Иоанн 13:17

Энэ мэдэжэ абаһан юумэеэ бэелүүлээ һаа, таанар аза жаргалтай байхат.

Иоанн 5:44

Таанар бэе бэедээ магтуулхаяа ехээр хүсэнэт, харин Бурханай магтаалда хүртэхэ гэжэ оролдоногүйт! Таанартал адли хүнүүд Намда этигэхэ аал?

Римэйхиндэ 2:29

Жэнхэни еврей болбол гансал махабад бэеэ отолуулһан бэшэ, харин зүрхэ сэдьхэлэйнгээ гүн соо отолуулһан байха ёһотой. Энэнь Хуулиин тогтоолнуудай бэшэ, харин Арюун Һүлдын ажал юм. Тиимэ хүн уладай магтаалда бэшэ, харин Бурханай магтаалда хүртэхые хүсэдэг.

Римэйхиндэ 2:7

Һайн һайхан хэрэгүүдые бүтээжэ ябадаг, алдар соло, нэрэ түрэ, һүнэшэгүй ажамидарал бэдэржэ байдаг зондо Бурхан мүнхын амидарал үршөөхэ.

Коринфынхидтэ 1-дэхи 4:5

Тиимэһээ тогтоогдоһон сагай болоогүйдэ хэнииешье бү шүүбэрилэ. Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.

Коринфынхидтэ 2-дохи 4:17

Тиимэ ойро зуурын бэрхэшээл зоболонгууд маанадта угаа ехэ мүнхын алдар асардаг.

Хуули дабталга 4:6

Тэдэниие жэншэдгүй сахин бэелүүлэн байгты, өөрынгөө сэсэн ухаатайе ондоо арадуудта иигэжэ гэршэлхэт. Юуб гэхэдэ, эдэ бүхы хуули ёһо тухай дуулаһан арадууд «Энэ агууехэ арад ямар сэсэн мэргэн ухаатай гээшэб!» гээд хэлэхэл.

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.

Гэршэлгэ 22:14

Хубсаһаа сэбэрлэгшэд жаргалтай! Тэдэнэр амидаралай модондо хүртэлсэхэ эрхэтэй, тэдэнэр хаалгын үүдээр хотодо орохо эрхэтэй.