Нэхэмьяа 9:6 - Библи

⁶ Та – Эзэн, Та – гансат! Та огторгой, огторгойн огторгойнуудые, одо мүшэдые, газар, дээрэнь байгааша хамагые, далайнуудые бүтээгээд, досоонь байгааша бүхы юумэ байгуулаат. Тэдээндэ бултандань ами үгөөт. Огторгойн сэрэг Танда доро дохин мүргэнэл!

Нэхэмьяа 9:6 Referencias Cruzadas

Эхин 1:1

Эхинэй эхиндэ Бурханай огторгой болон газар дэлхэйе бүтээжэ захалхада,

Эхин 1:9

Бурхан: – Тэнгэри дорохи уһан нэгэ газарта суглараг, хуурай газар үзэгдэг! – гэжэ айладхаба. Айладхалайнь ёһоор энэ бүтэбэ.

Эхин 2:1

Иигэжэ оршолон юртэмсэ болон амитай, амигүй байгаали бүтээгдэһэн гээшэ.

Эхин 32:2

Тэдэниие хараад, Яков иигэжэ хэлэбэ: – Энэ Бурханай бууса байра гээшэ. Тиигээд тэрэ газараа «Маханааим», оршуулбал, «Хоёр бууса» гэжэ нэрлэбэ.

3 Хаан түрэнүүд 22:19

Михай харюудань: – Эзэнэй айладхал шагна! Эзэнэй сэнтиидээ залараад, хажуудань баруун, зүүн гараарнь Огторгойн сэрэг барандаа зогсон байна гэжэ би харааб.

3 Хаан түрэнүүд 8:27

Нээрээ, Бурхан газар дээрэ оршохо юм аал?! Огторгойн уудам Таниие багтаажа шаданагүй бшуу. Тиимэһээ газар түби дээрэ минии бариһан Һүмэ соо Танай багтахагүйнь эли!

4 Хаан түрэнүүд 19:15

Тиигээд тэрэ Эзэндэ зальбарба: – Херүүбүүд дээрэ заларагша, Түмэн Сэрэгтэ Израилиин Эзэн Бурхан! Та ори гансаараа газар дээрэхи бүхы хан түрэнүүдэй Бурхан болонот! Та огторгой, газарые бүтээгээт!

4 Хаан түрэнүүд 19:19

Эзэн Бурхамни, Та болбол ори ганса Бурхан, бэшэ Бурхан байхагүй гээшые дэлхэйн бүхы хан түрэнүүд мэдэхын тула мүнөө маанадые дайсадһаамнай абарыт!

Нэхэмьяа 9:5

Иисүүс, Кадмиһээл, Бании, Хашабнэяа, Шэрээбияа, Һодьяа, Шэбааньяа, Пэтаахияа гэгшэ левидүүд: – Бодогты, тиигээд өөһэдынгөө Эзэн Бурханда магтаал үргэгты! Алдар нэрыень хэтын хэтэдэ магтан дуулагты! Хэнһээшье ехэ алдар солотой, ямаршье магтаалһаа үлүү лэ Танай нэрэ! – гэгты.

Псалманууд 103:21

Арсалангууд хүнэһэ бэдэрэн архирдаг, Бурханһаа хоол гуйдаг.

Псалманууд 146:6

Эзэн тулигшадта түшэн туһалдаг, хорото муу хүниие доошонь унагаадаг.

Псалманууд 24:10

Мүрнүүдынь гэбэл, Өөртэйнь хэһэн хэлсээ, заабариинь сахигшадта энэрэл хайра болон үнэн мүн! ל Лаамэд

Псалманууд 33:6

Тэрээн руу хандан эрьегшэ зоной нюур шарай толорно, эшэхэ байдал шарайдань үзэгдэхэгүйл. ז Заайин

Псалманууд 36:6

Тэрэ шинии зүб шударгые гэрэл мэтээр, шударга хэрэгыеш үдын гэрэл мэтээр элирхэй болгохол. ד Даалэт

Исай 37:16

«Херүүбүүд дээрэ заларагша, Түмэн Сэрэгтэ Израилиин Эзэн Бурхан! Та ори гансаараа газар дээрэхи бүхы хан түрэнүүдэй Бурхан болонот! Та огторгой, газарые бүтээгээт!

Исай 37:20

Эзэн Бурхамни, Та болбол ори ганса Бурхан, бэшэ Бурхан байхагүй гээшые дэлхэйн бүхы хан түрэнүүд мэдэхын тула мүнөө маанадые дайсадһаамнай абарыт!»

Исай 43:10

Харин Минии гэршэнэр гэбэл, Израилиин арад түмэн. Таанад болбол Минии зарасанар. Таанад мэдэжэ, Намда этигэжэ, Намайе ори ганса Бурхан гэжэ ойлгохын тула таанадые шэлээб. Намһаа бэшэ ондоо Бурхан байхагүй, хэзээдэшье байгаагүй, байхашьегүй!

Исай 44:6

Израилиин Хаан, Абарагшань, Түмэн Сэрэгтэ Эзэн иигэжэ айладхана: Би болбол эхин, тиихэдэ нэгэн доро эсэс гээшэб. Намһаа ондоо Бурхан байхагүй.

Исай 44:8

Бү айгты, бү һүрдэгты! Эртэ урда сагһаа мүнөө болотор юун болохыень Би таанадта уридшалан айладажа мэдүүлээ һэм. Таанад гэршэнэрнит. Намһаа ондоо Бурхан бии юм гү?! Ондоо Хабсагай байхагүй! Би мэдэхэгүйб!

Исай 45:12

Дэлхэйе бүтээжэ, дээрэнь зониие бии болгоһониинь Би мүн! Өөрын хүсэ шадалаар огторгойе дэлгээб, нара, һара, мүшэдые зонхилон удариданаб.

Ерэмияа 32:17

– Дээдэ Эзэн, Та агууехэ хүсэ шадалаараа газар дэлхэйе, огторгойе байгуулаат. Танай хэжэ шадахагүй юумэн гэжэ байхагүй.

Эзэкээл 20:11

Хуули ёһонуудаа, зарлигуудаа тэдээндэ дамжуулхадам, тэдэ яагаад ажаһуубал зүб гээшэб гэжэ мэдэдэг болобо.

Иона 1:9

Тэрэ тэдээндэ: – Би еврейби. Уһан далайе, газар дайдые байгуулагша тэнгэриин Эзэндэ шүтэдэг хүнби, – гэбэ.

Иоанн 10:30

Эсэгэ бидэ хоёр нэгэн хамтабди.

Хэрэгүүд 4:24

Хэлэһыень дуулахадаа, тэдэ булта шангаар Бурханда хандан зальбарба: «Дээдэ огторгой, газар, далай, досоонь байгааша бүхы юумэ Бүтээгшэ, Эзэмнай,

Хуули дабталга 10:14

Эгээл үндэр огторгойнуудшье, газар дэлхэй, мүн дээрэнь байгааша бүхы юумэн Эзэн Бурханайтнай мэдэлэй юм.

Хуули дабталга 32:39

Мүнөө харана гүт: Биб, ганса Би байнаб. Намһаа бэшэ ондоо Бурхан үгы. Би гээгдүүлнэб, нэгэн доро амидыруулнаб, Би хюданаб, мүн аргалнаб. Минии урдаһаа хэншье һөөргэдэжэ шадахагүй!

Хуули дабталга 6:4

Израилиин арад зон, соносогты! Манай Эзэн Бурхан ори ганса Эзэн юм.

Еврейнүүдтэ 1:3

Бурханай алдарай туяа сасаруулан, Бурханай шанар шэнжэтэй байжа, Тэрэ бүхы замбуулин дэлхэйе Өөрын үгын хүсөөр баридаг. Бидэниие нүгэлнүүдһээмнай арилгаад, огторгой дээрэ һүр жабхаланта Бурханай баруун талада һуугаа.

Еврейнүүдтэ 1:6

Тиихэдэ Бурхан Өөрынгөө ууган Хүбүүе дэлхэй руу эльгээхэдээ: «Бурханай бүхы Эльгээмэлнүүд Тэрээндэ мүргэхэнь болтогой», – гэжэ хэлээ.

Гэршэлгэ 14:7

«Бурханһаа айжа түбэгшөөжэ байгыт! Тэрэнэй алдар солые суурхуулан магтажа байгыт! Юуб гэбэл, Бурханай зарга шүүбэри хэхэ сагынь ерээд байнал! Огторгой тэнгэриие, газар дайдые, далай мүрэнүүдые Бүтээгшын урда һүгэдэн мүргыт!»

Гэршэлгэ 4:11

– Манай Эзэн Бурхан, Та али бүхы алдар солодо, нэрэ хүндэдэ, засаг түрэдэ хүртэмөөр байнат! Бүхы юумэн Танаар бүтээгдээ, Танай хүсэл зоригоор байгуулагдаа.