Нэхэмьяа 9:5 - Библи

⁵ Иисүүс, Кадмиһээл, Бании, Хашабнэяа, Шэрээбияа, Һодьяа, Шэбааньяа, Пэтаахияа гэгшэ левидүүд: – Бодогты, тиигээд өөһэдынгөө Эзэн Бурханда магтаал үргэгты! Алдар нэрыень хэтын хэтэдэ магтан дуулагты! Хэнһээшье ехэ алдар солотой, ямаршье магтаалһаа үлүү лэ Танай нэрэ! – гэгты.

Нэхэмьяа 9:5 Referencias Cruzadas

3 Хаан түрэнүүд 8:14

Тиигээд хаан эрьежэ, зогсоод байгааша Израилиин улад зониие юрөөбэ.

3 Хаан түрэнүүд 8:15

Тэрэ иигэжэ хэлээ: – Израилиин Эзэн Бурханда магтаал үргэнэб! Минии эсэгэ Давидта найдуулһанаа Тэрэ мүнөө бодотоор бэелүүлээ. Эзэн иигэжэ айладхаа бэлэй: «Өөрын арад түмэн Израилиие Египедһээ гаргаһанһаа хойшо Минии нэрын заларха Һүмые ямар хотодо баригдахые, мүн Минии арад түмэн Израилиин удамаршаар хэнииешье һунгаагүй байгааб. Мүнөө Минии нэрын оршохоор Иерусалимые һунганаб, Минии арад түмэн Израилиие хүтэлхыень Давидые шэлэнэб».

3 Хаан түрэнүүд 8:22

Соломоон Израилиин улад зоной хараһаар байтар Эзэнэй үргэлэй шэрээгэй урда зогсоод, гараа дээшэнь һунгажа,

3 Хаан түрэнүүд 8:27

Нээрээ, Бурхан газар дээрэ оршохо юм аал?! Огторгойн уудам Таниие багтаажа шаданагүй бшуу. Тиимэһээ газар түби дээрэ минии бариһан Һүмэ соо Танай багтахагүйнь эли!

1 Угай бэшэг 16:36

Израилиин Эзэн Бурхан хэтын хэтэдэ магтагдахань болтогой! Бүхы зон «Болтогой!» гэжэ хэлээ, Эзэниие магтаа.

1 Угай бэшэг 29:11

Танай Эсэгэ, мүн тэнгэри, газар дээрэхи алдар суу, алдар хүсэн, алдар соло, эдэ бүхыдөө Танайл: Минии Бурхан Хамагые эзэмдэгшэ мэтэ бултанһаа эрхимынь Та гээшэт, хан түрэ, Бурхан, Танайл.

1 Угай бэшэг 29:13

Бидэ мүнөө өөрынгөө Бурхан Тандаа соло дууданабди, Танайнгаа алдар нэрые магтанабди.

1 Угай бэшэг 29:20

Давид өөрынгөө суглаанда иигэжэ хэлэбэ: – Өөһэдынгөө Эзэн Бурханиие үреэн магтагты. Өөһэдынгөө эсэгэнэрэй Эзэн Бурханиие суглаан үреэн ёһолбод. Бурхандаа, хаандаа һүгэдэн мүргэбэд.

2 Угай бэшэг 20:13

Иудын бүхы эрэшүүл һамгадтаяа, үхи хүүгэдтэеэ хамта Эзэнэй нангин үргөө соо зогсон байгаа бэлэй.

2 Угай бэшэг 20:19

Кэһаадай болон Коорахай угай левидүүд Израилиин Эзэн Бурханда угаа шангаар магтаал үргэхэеэ бодоо һэн.

Эзраа 3:11

«Магтагты!», «Эзэн Бурханаа алдаршуулагты!», «Энэрхы хадаа Тэрэ Израилиие хододоо үмэгшэлхэ!» гэхэшэлэн олон магтаал дуунуудые дуулабад. Эзэнэй һүмын һууриин табигдаһантай дашарамдуулан бүхы зон Эзэндээ соло магтан хашхаралдаба.

Нэхэмьяа 9:4

Иисүүс, Бании, Кадмиһээл, Шэбааньяа, Бүннии, Шэрээбияа, Бании болон Хэнаан гэгшэд левидүүдтэ зорюута бэлдэгдэһэн ендэр дээрэ зогсоод, өөһэдынгөө Эзэн Бурханиие шангаар дуудан мүргэбэд.

Нэхэмьяа 9:6

Та – Эзэн, Та – гансат! Та огторгой, огторгойн огторгойнуудые, одо мүшэдые, газар, дээрэнь байгааша хамагые, далайнуудые бүтээгээд, досоонь байгааша бүхы юумэ байгуулаат. Тэдээндэ бултандань ами үгөөт. Огторгойн сэрэг Танда доро дохин мүргэнэл!

Иоов 1:21

– Би эхын умайһаа нюсэгэн ерээ һэм, энэ дэлхэйһээ тиишээ нюсэгэн бусанаб. Эзэн намда эд зөөри, үри хүүгэдые үгөө бэлэй. Мүнөө һөөргэнь бусаажа абаа. Эдэ бүгэдые хэхэ эрхэтэй Эзэнэй нэрэ алдаршаг!

Псалманууд 106:2

Иигэжэ хэд хэлэхэб гэбэл, Эзэнэй сүлөө болгоһон, дайсадай һабарһаа зайлуулһан зон хэлэхэл.

Псалманууд 134:1

Эзэниие магтагты! Эзэнэй нэрэ магтагты! Эзэнэй зарасанар, магтагты!

Псалманууд 145:2

Амиды байхадаа Эзэниие магтан байхаб, байгаа сагтаа Бурханаа магтан дуулахаб.

Псалманууд 145:5

Яковай Бурханиие өөрын туһалагша болгон, өөрын Эзэн Бурханда найдагшад угаа юрөөлтэй.

Псалманууд 146:2

Эзэн Иерусалимые бодхоон баридаг, Израилиин таран бутараашадые суглуулдаг.

Псалманууд 16:2

Зарга хэрэгыем шиидхэхэт, хэн зүб бэ гэжэ нюдэнтнай хаража байна.

Псалманууд 66:2

Бурхан маанадые нигүүлэн хайрлаг, юрөөг лэ! Гэрэлтэ нюураа бидэндэ үзүүлэг лэ! [Хүгжэм]

Псалманууд 99:3

Эзэн хадаа Бурхан гэжэ мэдэгты, Тэрэ маанадые бүтээгээ, бидэ Тэрэнэй арад түмэн мүн. Бидэ Тэрэнэй бэлшээриин хонид гээшэбди.

Египедһээ гаралга 15:11

Эзэнтэй жэшэхээр бурхад үгыл! Хутагтанарай дунда Тан шэнги хүсэ шадалтай хэншье олдохогүй! Алдар солоороо һүр дарагша, эди шэдиин Эзэн!

Египедһээ гаралга 15:6

Эзэн! Гартнай шанга, хүсэтэй! Эзэн! Гартнай дайсаниие нэрбээ!

Даниил 2:20

Даниил иигэжэ тунхаглаба: – Хэтын хэтэдэ Бурханай нэрэ үреэл үршөөлтэй байхань болтогой! Тэрэ сэсэн мэргэн, хүсэн түгэс.

Матвей 11:25

Баһа тэрэ сагта Иисүүс иигэжэ хэлэбэ: – Газар тэнгэриин Эзэн, Эсэгэмни! Сэсэн мэргэн, эрдэм номтой зонһоо далдалан нюуһан юумэеэ эгээлэй юрын зондо нээжэ элирүүлһэнэйтнай түлөө Танда баяр баясхалан хүргэнэб.

Коринфынхидтэ 2-дохи 4:6

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай сэдьхэлдэ гэрэлтэжэ, Христоосто оршожо байһан Бурханай алдарай мэдээгээр бидэниие гэгээрүүлээ.

Хуули дабталга 28:58

Энэ ном соо бэшэгдэһэн һургаалай бүхы үгэнүүдые сахин дүүргэхэеэ оролдоогүй, Эзэн Бурханайнгаа алдар солото, һүрөөтэ нэрые хүндэлөөгүй гээшэ һаатнай,

Пётрой 1-дэхи хандалга 1:3

Манай Эзэн Иисүүс Христоосой Эсэгэ Бурханда баяр хүргэе! Үхэһэн Иисүүс Христоосые амидыруулхадаа, Бурхан агууехэ үршөөл хайраараа шэнэ амидарал бидэндэ үршөөгөө. Тиин маанадые амиды найдалаараа дүүргээ,

Ударидагшад 13:18

Эзэнэй Эльгээмэл Манооһаада иигэжэ айладаба: – Ши юундэ минии нэрые һурабаш? Минии нэрэ юрэ бусын юм.