Нэхэмьяа 9:35 - Библи

³⁵ Танай тэдэнэртэ бэлэглэһэн захагүй үргэн үрэжэл һайтай газар дээрэ өөрынгөө хан түрэдэ Танһаа сэгнэшэгүй туһа абажа байгаад, тэдэнэр Танда алба хэхые хүсөөгүйл, харша үйлэ хэрэгүүдээ үүсхэһээр лэ байгаал.

Нэхэмьяа 9:35 Referencias Cruzadas

Нэхэмьяа 9:25

Израильшууд бүхэлэгдэмэл хотонуудыень, мүн үрэжэл ехэтэй газарнуудыень буляажа абаба, элдэб зөөреэр дүүрэн гэрнүүдыень, шулуутай газарта һэндэһэн худагуудыень, уһан үзэм, олива жэмэсэй олон сэсэрлигүүдыень, жэмэстэ шугынуудыень эзэлбэ. Танай агуу үршөөлөөр тэдэнэр садатараа эдеэлжэ, баян тарган һуунад лэ.

Нэхэмьяа 9:34

Манай хаашуул, удамаршад, санаартад, мүн манай эсэгэнэр Танай Хуули дүүргэдэггүй байгаа. Танай тэдээндэ заабарилһан зарлигуудыетнай болон һургаал заабаринуудыетнай бэелүүлхые тэдэ оролдоогүйл.

Исай 63:7

Би Эзэнэй энэрэл хайрые дурсанаб. Маанадта бэлэг болгон хэһэн бүхы үйлэ хэрэгүүдэйнь түлөө Тэрээндэ баяр баясхалан хүргэнэб. Израилиин улад зониие Тэрэ угаа ехээр үреэн үршөөгөө, энэрэл хайраяа, бэлэг үреэлөө олоор бэлэглээ.

Ерэмияа 5:19

Тэдэнэй «Юундэ Эзэн Бурхамнай бидэндэ эдэ бүгэдые ушаруулааб?» гэжэ асуухадань, «Намайе, Бурханиие, орхижо, өөһэдын газар нютагта хариин шүтөөнүүдтэ алба хэжэ байһантайгаа адли таанар мүнөө хариин газар нютагта ондоо уладта алба хэхэ болоот» гэжэ Намайе айладхана гээд ши, Ерэмияа, хэлээрэй.

Эзэкээл 5:6

Теэд Иерусалим Минии зарлигуудые буруушаан эсэргүүсэжэ, бусад үндэһэ яһатанһаа үлүүгээр аашалба, тойроод байгааша орон түрэнүүдһээ муугаар тэрээндэм хандаба. Иерусалим Минии зарлигуудые, хуули ёһонуудые дүүргэхэеэ арсаба.

Хуули дабталга 28:47

Бүхы юумэнэй танда элбэг дэлбэг байхада Эзэн Бурханаа баяртай хүхюутэйгөөр тахяагүй байһанайтнай түлөө

Хуули дабталга 28:48

Эзэн таанадай урдаһаа дайсадые эльгээхэ. Тэдээндэ алба хэхэт. Үлэн хооһон, ехэ ангаһан, нюсэгэн сурба, бүхы юумээр дуталдажа ажаһуухат. Хүзүүндээ хөөмэгшэ углуулһандал, үхэтэрөө хүшэр хүндэ мүлжэлгэ, дарлалта доро байхат.

Хуули дабталга 31:21

Тэдэниие олон муу юумэнэй, мүн гай тодхорой дайрахада, энэ дуун тэдэнэй буруу байһые гэршэлхэ. Юуб гэхэдэ, уг удамыньшье энэ дууе мартаагүй байха бшуу. Би тангариглаһан газартаа үшөө тэдэниие асараадүй байнаб, гэбэшье тэндэ юу хэхэеэ һанаһыень мэдэнэб.