Нэхэмьяа 9:30 - Библи

³⁰ Олон жэлдэ Та тэдэниие тэсээт. Лүндэншэдөөрөө дамжуулан, Та Өөрын Һүлдөөр тэдэниие һургаат, тэдэнэрэй ойлгохогүйдэнь, Та тэдэниие хариин арадай һабарта оруулаат.

Нэхэмьяа 9:30 Referencias Cruzadas

4 Хаан түрэнүүд 18:11

Ассириин хаан израильшуудые намнан туужа, Гозаан соогуур урдадаг Хабуур голой эрьедэхи Халаада, мүн баһа Мидиин хотонуудта сүлэн нүүлгэбэ.

4 Хаан түрэнүүд 21:10

Эзэн Өөрынгөө барлагууд болохо лүндэншэдтэ дамжуулан, иигэжэ хэлэбэ:

2 Угай бэшэг 24:19

Өөртэнь эрьен ерэхыень лүндэншэдыешье Тэрэ арад түмэндэ эльгээгээ. Тэдэнь зондо ойлгуулан хэлээ, гэбэшье зон анхарбагүй.

Эзраа 9:10

Мүнөө иимэ юумэнэй болоод байхада, Бурхамнай, юун гэжэ хэлэхэбибди?! Захяа заабариһаатнай нээрээ хадуураабди.

Нэхэмьяа 9:20

Өөрынгөө һайхан Һүлдые тэдэндэ үгэжэ, Та юу хэхыень заагаат. Та саг үргэлжэ Өөрынгөө будаа эльгээжэ байгаат, ундыень харяаха уһа үгэжэл байгаат.

Нэхэмьяа 9:26

Зүгөөр тэдэнэр буһалгаалба, урдаһаатнай бодобо. Таниие, Танай Хуули һургаалые ара нюргаараа шэдэжэ хаяба. Тэдэниие Танда бусаахаяа, мүн тэдэниие һургахаа эльгээһэн Танай лүндэншэдые алаба. Израильшууд иигэжэ туйлай ехэ муу хэрэгүүдые хэбэ!

Нэхэмьяа 9:29

Танай Хуулида бусаха тухай Та тэдээндэ заагаат, харин тэдэнэр дээрэлхүү боложо, захяануудыетнай дуулабагүй. Тогтоолнуудыетнай сахибал, хүн амиды ябаха байгаа, харин тэдэ тогтоолнуудайтнай урдаһаа нүгэл хэбэ. Тэдэнэр али болохоор Танһаа буруу харана, үсэрхэнэ, дуулаха шагнаха дурагүйнүүд!

Псалманууд 95:10

«Эзэн бол Хаан!» гэжэ үндэһэтэдэй дунда хэлэгты. Юртэмсэ нээрээ бата бэхи тогтоогдонхой, ганхахагүй. Эзэн арад зониие зүб шударга ёһоор шүүбэрилхэ.

Исай 28:10

Тэрэ дабтаад һаланагүй: «Заабари, заабари, дүрим, дүрим, тэндэ нэгэ бага, эндэ нэгэ бага…».

Исай 42:24

«Хэн Яковые дээрмэшэдтэ дамжуулжа үгөөб? Хэн Израилиие һүйдхэгшэдтэ үгөөб? Эзэн бэшэ гү? Бидэ Тэрэнэй урдаһаа нүгэл үйлэдөө бэлэйлди. Тэрэнэй үгөөр ажаһуугаагүйбди, хуулииень сахяагүйбди.

Исай 48:9

Минии нэрэ магтан зоной дуулахын тула Би уур хилэнгээ баряад, нюугаад байнаб, таанадые хюдахаһаа тэбшээд байнаб.

Исай 63:10

Харин арад түмэниинь урдаһаань эсэргүүсэжэ, Тэрэнэй Арюун Һүлдые гомдохообо. Тиимэ ушарһаа Эзэн эрьен, тэдэнэй дайсан боложо, урдаһаань дайлаһан юм.

Ерэмияа 25:4

Эзэнэй лүндэншэд болохо албатанаа таанад руу дахин дахин эльгээгээшье һаань, таанад шагнаагүй, анхаралаа хандуулаагүй бэлэйт.

Ерэмияа 44:22

Тиимэһээл Эзэн танай жэгшүүритэй муухай хэрэгүүдые тэсэжэ ядаа, тиимэһээл газартнай зэлүүд хооһон, үзэмжэгүй муухай болоо. Таанад энээниие мүнөө өөһэдөө хаража байна ха юмта даа.

Ерэмияа 44:4

Минии үзэн ядадаг иимэ жэгшүүритэй мухай юумэ хэхэһээ хоридог Өөрын албатан лүндэншэдые эльгээжэл таанадта байгааб.

Ерэмияа 44:5

Теэд таанад үгыем дуулаагүйт, анхаралаа хандуулаагүйт. Ондоо бурхадта үргэл үргэдэг муу заншалаа орхёогүйт.

Ерэмияа 7:25

Таанадай үбгэ эсэгэнэрэй Египедэй орон нютагһаа гараһан тэрэ үдэрһөө хойшо мүнөө хүрэтэр Би таанадта бүхы зарасанараа – лүндэншэдөө дахин-дахин эльгээжэл байгааб.

Гашуудал 2:17

Шиидэһэн хэрэгээ Эзэн бүтээгээ, эртэ урдын үдэрнүүдтэ айладаһан үгөө бэелүүлээ. Тэрэ хайра гамгүй һалгаана, дайсадаар шамайе баһуулан баясуулаа, дайсадые үргэмжэлөө.

Даниил 9:6

Танай нэрэһээ хаашуулдамнай, түшэмэл ноёдтомнай, бүхы арад түмэндэмнай айладхал буулгажа байһан үнэн зарасанарайтнай – лүндэншэдэй үгэ дуулаагүйбди.

Захарияа 7:12

Тэдэ зүрхэ сэдьхэлээ шулуун хатуу болгоһон ушарһаа Түмэн Сэрэгтэ Эзэнэй Өөрын Һүлдөөр эртын эшэ үзүүлэгшэ лүндэншэдөөр дамжуулһан хуули заабари болон үгэнүүдые дуулаагүй. Тиихэдэнь Түмэн Сэрэгтэ Эзэнэй айхабтар ехэ уур хилэнсэг хүдэлбэ.

Захарияа 7:13

«Минии дуудахада, тэдэ дуулаагүй һэн. Тэрээн шэнги харюудань тэдэнэй дуудахада, Би дуулахагүйб.

Тоололго 11:26

Элдаад, Мэдаад гэжэ нэрэтэй хоёр аха захатан майхан һүмэдэ ерэнгүй, хотон хүреэнэй дунда үлэһэн байбад. Тэдээндэ Эзэнэй һүлдэ баһал оронхой байжа, хотон хүреэнэйнгээ зондо ерээдүйн сагта болохо юумэнүүд тухай уридшалан хэлэжэ эхилбэд.

Хэрэгүүд 13:18

дүшэн жэлэй туршада сүл губида тэдэнтэй тэсэбэритэй байгаа.

Хэрэгүүд 28:25

Нэгэ һаналда ерэнгүй таража эхилхэдэнь, Павел тэдэниие иимэ үгэнүүдээр үдэшэбэ: – Арюун Һүлдэ лүндэншэ Исайгаар дамжуулан манай үбгэ эсэгэнэртэ сохом үгэнүүдые хэлээ:

Хэрэгүүд 7:51

Бурханай һургаал дуулаха дурагүй, мэдэлдэнь байдаггүй зүрюу зон! Таанад өөһэдынгөө үбгэ эсэгэнэртэл адли Арюун Һүлдэдэ ходо эсэргүүсэнэт.

Римэйхиндэ 2:4

Али таанад Бурханай агууехэ үршөөл хайра, хүлисэл, тэсэбэри тооногүй аалта? Таанадые Өөртөө хандуулхын тула Бурхан танда үршөөл хайратай байна гэжэ мэдэнэгүй аалта?

Пётрой 1-дэхи хандалга 1:11

Ямар сагта, яажа тэрэ буян хэшэгэй үгтэхые лүндэншэд досоогоо байһан Христоосой Һүлдын зааһан сагаар тодоруулха гэжэ оролдоо. Тиихэдээл Христоос зоболонгуудые дабажа гараад, һүүлдэнь алдаршаха гэжэ Һүлдэ уридшалан хэлээ.

Пётрой 2-дохи хандалга 1:21

Юундэб гэхэдэ, нэгэшье лүндэншэ өөрынгөө дура хүсэлөөр уридшалан хэлээгүй, харин Арюун Һүлдөөр хүтэлүүлэгдэн, Бурханай үгэ айладхадаг байгаа.

Пётрой 2-дохи хандалга 3:9

Эзэн найдуулһан юумэеэ бэелүүлхэеэ яаранагүй гэжэ зарим хүнүүд һанадаг. Үнэндөө болбол Тэрэ маанадай нэгэшье хүнэй хосоронгүй, нүгэлөө мэдэрэн гэмшэхыемнай тэсэбэритэйгээр хүлеэнэ.