Нэхэмьяа 9:26 - Библи

²⁶ Зүгөөр тэдэнэр буһалгаалба, урдаһаатнай бодобо. Таниие, Танай Хуули һургаалые ара нюргаараа шэдэжэ хаяба. Тэдэниие Танда бусаахаяа, мүн тэдэниие һургахаа эльгээһэн Танай лүндэншэдые алаба. Израильшууд иигэжэ туйлай ехэ муу хэрэгүүдые хэбэ!

Нэхэмьяа 9:26 Referencias Cruzadas

3 Хаан түрэнүүд 14:9

Шамһаа урид байгааша зонһоо ши бүри муу хэрэгүүдые эрхилжэ, ондоо бурхад, шудхамал шүтөөнүүдые бүтээжэ, Минии уур хүргэбэш, Намһаа буруу харабаш.

3 Хаан түрэнүүд 18:13

Изээбэлэй Эзэнэй лүндэншэдые алажа байхада, зуун лүндэншые таби табяар агы нүхэн соо минии хоргодуулжа, эдеэ, ундаар хангадаг байһан тушаа танда мэдээжэ гү?

3 Хаан түрэнүүд 18:4

Эзэнэй лүндэншэдые Изээбэлэй хюдажа байхада, Обадияа зуун лүндэншые таби табяар хубаагаад, агы нүхэн соо нюужа, эдеэ хоолоор, ундаар хангадаг бэлэй.

3 Хаан түрэнүүд 19:10

– Түмэн Сэрэгтэ Эзэн, би Танда албалхын тула бии шадалаараа шармайдагби. Теэд Израилиин арад зон Тантай хэһэн хэлсээгээ эбдэжэ, Танда тахил үргэдэг үргэлэй шэрээнүүдые һандаргаажа, лүндэншэдыетнай һэлмээр сабшан усадхаа. Би гансаараа үлөөб, харин намайешье алаха гэжэ забдана, – гэжэ тэрэ хэлэбэ.

4 Хаан түрэнүүд 21:10

Эзэн Өөрынгөө барлагууд болохо лүндэншэдтэ дамжуулан, иигэжэ хэлэбэ:

4 Хаан түрэнүүд 21:11

– Иудын хаан Мэнашшээ онгон бурхануудта шүтэн мүргэлгэдэ абаашаһан эмооршуудай урдахи хаашуулһаа һураггүй олон муу муухай ябадалнуудые үйлэдэжэ,

2 Угай бэшэг 36:16

Теэд тэдэ Бурханай элшэдые наадалжа, Үгыень анхарангүй, лүндэншэдыень хараажа байба. Тиимэһээ арад зоной абарагдахын аргагүйгөөр Эзэн арадтаа уурлаба.

Нэхэмьяа 9:18

Шудхамал онго бүтөөжэ, маниие Египедһээ гаргаһан бурхан энэ гээд соносхожо ехээр гомдохооходоньшье,

Нэхэмьяа 9:29

Танай Хуулида бусаха тухай Та тэдээндэ заагаат, харин тэдэнэр дээрэлхүү боложо, захяануудыетнай дуулабагүй. Тогтоолнуудыетнай сахибал, хүн амиды ябаха байгаа, харин тэдэ тогтоолнуудайтнай урдаһаа нүгэл хэбэ. Тэдэнэр али болохоор Танһаа буруу харана, үсэрхэнэ, дуулаха шагнаха дурагүйнүүд!

Нэхэмьяа 9:30

Олон жэлдэ Та тэдэниие тэсээт. Лүндэншэдөөрөө дамжуулан, Та Өөрын Һүлдөөр тэдэниие һургаат, тэдэнэрэй ойлгохогүйдэнь, Та тэдэниие хариин арадай һабарта оруулаат.

Псалманууд 50:17

Эзэн, минии амые нээгыт! Амамни Таниие магтахал.

Ерэмияа 16:11

Тиихэдэнь ши тэдээндэ: – Элинсэг хулинсагайтнай Намайе орхиһоной түлөө гэжэ Эзэн айладхана! Тэдэ ондоо бурхадые дахажа, тэдээндэ алба хэжэ, урдань һүгэдэн мүргэжэ байгаа. Харин Намайе орхижо, Минии хуули сахяагүй гэжэ Эзэн айладхана.

Ерэмияа 2:30

Би таанадта хэһээлтэ амасуулааб, теэд таанад заһараагүйт. Лүндэншэдые таанар һэлмээр таһа сабшаат, арсалан мэтээр тэдэниие хюдабат.

Ерэмияа 2:7

Би таанадые үрэжэлтэй һайхан газарта асаржа, тэрэнэй үрэ жэмэсээр хоолложо байхыетнай хүсөө һэм. Гэбэшье таанад Минии газар нютагые бузарлабат. Минии хубитые таанад жэгшүүритэй зүйл болгобот.

Ерэмияа 32:23

Теэд тэдэ энэ газарта ерэхэдээ, Танай захяануудые сахибагүй. Тиимэһээ Та тэдээндэ гай тодхор татабат.

Ерэмияа 42:19

Би үргэлжэлүүлбэб: – Иудын орон нютагта үлөөшэ зон, таанадые Египет руу бү ошогты гэжэ Эзэн һэргылнэ. Би таанадта энээн тушаа хэлэжэ байна гээшэб.

Гашуудал 3:42

Бидэ хадуураабди, һөөргэдөөбди, Та маанадые хүлисөөгүйт.

Эзэкээл 20:21

Теэд үхи хүүгэдынь мүн лэ Минии урдаһаа һөөргэдэбэ. Минии хуули ёһо, захиралтануудыем дүүргэхэеэ татагалзаба, субботын үдэрые сахингүй байба. Эдэ бүгэдые хэжэ байгаа гээшэ һаа, тэдэ амиды мэндэ байха һааб даа. Зай, тиигээд Би уурлан сухалдажа, тэдэниие элһэн сүл губида хюдаха гэжэ һанаа һэм.

Матвей 21:35

Тиихэдэнь үзэмшэд эзэнэй барлагуудые бариһан бэеэрээ нэгыень зада сохибо, нүгөөдыень алаба, үшөө нэгыень шулуугаар үхэтэрынь шэдэбэ.

Хэрэгүүд 7:52

Танай үбгэ эсэгэнэртнай лүндэншэдэй хэниие хашан мүрдөөгүйб? Үнэн сэдьхэлтэнэй ерэхэ тухай урда айладхаһан хүнүүдые тэдэ алаа, харин таанад мүнөө тэрэ Үнэн сэдьхэлтэндэ урбажа, тэрэниие алабат.

Хуули дабталга 32:14

Тэдэнэй үнеэнүүд, хонид һү, тоһо элбэг дэлбэг үгэдэг байгаа, эгээл эрхим хуса, ямаадые, үхэр мал, эрхим шэниисэ Тэрэ тэдээндэ үгөө. Үзэмэй дараһан архишье байгаа.

Хуули дабталга 32:15

Ешүрүүн маряажажа, дээрэлхүү зантай болобо, таргалаа, бүдүүрээ, үсэд болоо, Бүтээгшэ Бурханаа, өөрын абаралта Хабсагайгаа тообогүй.

Ударидагшад 10:6

Израильшууд Эзэндэ дахин муу юумэ үйлэдэжэ, хуурмаг бурханууд Баалда, Аштаартуудта болон араамшуудай, сидоонуудай, моһаабуудай, аммоонуудай, пилиштүүдэй бурхануудта шүтэн мүргэжэ эхилбэ. Тиихэлээрээ тэдэнэр Эзэнээ орхижо, Тэрээндэ шүтэн мүргэхэеэ болибо.