Нэхэмьяа 9:17 - Библи

¹⁷ Тэдэнэй дунда Танай бэелүүлһэн эди шэдинүүдыетнай мартаад, үгыетнай дуулахаяа арсаал. Тэдэнэр үсэд зан харуулжа, Египет руу һөөргөө богоол болохоёо бусахын тула өөһэдтөө удамаршые шэлэн табяал! Зүгөөр Та – хүлисэгшэ, һайхан зантай, нигүүлэсхы сэдьхэлтэй, уур сухалда абташагүй, хайра ехэтэ Бурханта; Та тэдэниие орхёогүйт.

Нэхэмьяа 9:17 Referencias Cruzadas

3 Хаан түрэнүүд 8:57

Эзэн Бурхамнай элинсэг хулинсагтамнай туһалан байгаа. Тэрэ маанадтайшье хамта байжа, хэзээдэшье маанадые бү орхиг лэ!

2 Угай бэшэг 36:13

Навуходоносорто үнэн сэхэ байхаб гэжэ Эзэнэй нэрээр тангариглахыень Цэдэкиияые Навуходоносор хаан баадхаһан юм. Теэд Цэдэкиия тэрэнэй урдаһаа буһалгаалба. Цэдэкиия үсэрхэжэ, Израилиин Эзэн Бурханда бусахаяа арсаба.

Эзраа 9:9

Бидэ богоолнуудбди, харин богоолшолгыншье үедэ Та, манай Бурхан, бидэниие орхёогүйт. Персиин хаашуулые манда зөөлөөр хандуулжа, маниие һөөргөө өөдэлхэ, Иудадаа, Иерусалимдаа бусажа аршалагдаха, һандаралда ороһон Бурханайнгаа һүмэ дахинаа һэргээн бодхоохо арга манда олгоот.

Нэхэмьяа 9:31

Өөрынгөө нигүүлэсхы агуу сэдьхэлээр Та тэдэниие дууһан хосорхо туйлда хүргөөгүйт, орхёогүйт. Та һайн һанаатай, нигүүлэсхы сэдьхэлтэй Бурханта!

Псалманууд 106:13

Теэд тэдэ зобожо-тулижа Эзэниие дуудаба, тиихэдэнь Тэрэ гай гамшагһаа абарба,

Псалманууд 106:7

зоной байдаг нютаг руу зүб харгы заажа үгөө.

Псалманууд 78:10

«Бурханиинь хаана юм?» гэжэ үндэһэтэд юундэ хэлэжэ байха юм? Богоолнуудайтнай шуһа урасхуулһанай түлөө яажа хэһээдэгыетнай манай хараһаар байтар тэдэ үндэһэтэд үзэг лэ!

Псалманууд 78:11

Шорондо байгаашадай ёолохонь Танда дуулдаг, үхэхэ ёһотой зониие агууехэ хүсэ шадалаараа абарыт!

Псалманууд 86:5

Сион тушаа зон иигэжэ хэлсэхэ: «Энэ хүн ба тэрэ хүн тэндэ түрэһэн, Дээдэ Бурхан тэрэниие Өөрөө бэхижүүлээ».

Египедһээ гаралга 32:9

Эзэн айладаба: – Яагаа үсэд зэрюу зон гээшэб гэжэ гайханам!

Һургаал 1:24

Минии дуудахада, таанар буруу хараат, гараа һарбайхадам, хэншье анхараагүй.

Ерэмияа 18:15

Харин Минии арад зон Нам тухай мартаа. Тэдэ шүтөөнүүдтэ санзай ууюулна, харгы замаа төөрижэ, урданай һайн замуудаа – Моисейн Хуули орхибо. Тэдэ зүргэ мэтэ муу харгыгаар ябана.

Ерэмияа 19:15

Израилиин Бурхан, Түмэн Сэрэгтэ Эзэн иигэжэ айладана: «Үзөөрэйгты, Минии үгэ дуулахагүй гэжэ үсэрхэһэнэйтнай түлөө Би тунхаглаһан бүхы гай тодхороо энэ хотодо болон оршон тойронхи һууринуудтань шэглүүлхэмни», – гээшые дуулгаа һэм.

Ерэмияа 7:26

Теэд таанад Минии үгэ дуулаагүйт, шэхээ табяагүйт, үсэрхэжэ, үбгэ эсэгэнэрһээ бүри муу болоот.

Эзэкээл 5:6

Теэд Иерусалим Минии зарлигуудые буруушаан эсэргүүсэжэ, бусад үндэһэ яһатанһаа үлүүгээр аашалба, тойроод байгааша орон түрэнүүдһээ муугаар тэрээндэм хандаба. Иерусалим Минии зарлигуудые, хуули ёһонуудые дүүргэхэеэ арсаба.

Даниил 9:9

Эзэн Бурхамнай маанадые энэрэл хайраараа орхингүй, хүлисэг лэ. Бидэ урдаһаань эсэргүүсээбди,

Ёһээл 2:13

Таанад хубсаһаяа бэшэ, зүрхэ сэдьхэлээ удар татагты!» Одоол өөһэдын Эзэн Бурхан тээшэ эрьегты. Тэрэ хадаа нигүүлэсхы хайра үршөөлтэй, уурлахадаа удаан, тэсэбэритэй, муудашье зөөлэн хандадаг.

Левит 26:44

Харин дайсадай газарта байхадань, Би тэдэнһээ арсахагүйб, тэдэниие орхихогүйб, хюдахагүйб, Хэлсээгээ эбдэхэгүйб. Юуб гэхэдэ, Би тэдэнэй Эзэн Бурханиинь гээшэб.

Наум 1:3

Эзэн абаһаар уурлажа байдаггүй, тэсэбэритэй, гэбэшье Тэрэ гэмтэдые хэһээлтэгүй оройдоошье орхидоггүй. Тэрэ агууехэ хүсэ шадалтай. Һалхи шуурган, хуй соогуур харгы замынь, хүл дороһоонь үүлэн, тооһон бушаганадаг.

Тоололго 14:11

Эзэн Моисейдэ иигэжэ айладаба: – Хэды болотор энэ арад Намһаа буруу харахаб? Хэды болотор эдэнэр Намда этигэхэгүйб? Эдээндэ оло дахин дүлгэ үзэгдэл боложо Минии харагдаашье һаа, эдэнэр Намда этигэнэгүйл.

Тоололго 14:41

Моисей тэдээндэ иигэжэ хэлэбэ: – Эзэнэй зарлигые таанад юундэ дүүргэнэгүйбта? Таанад амжалта туйлахагүйт!

Тоололго 16:14

Шинии хойноһоо юундэ дахаха болообибди? Эзэнэй үгэхэб гэһэн эдеэ хоолоор элбэг дэлбэг газарта бидэниие асараа гүш? Үзэм жэмэстэ мододой ургадаг үрэжэлтэй газар бидэндэ үгөө аалши? Бидэниие энэ үгөөр мэхэлхэ гэжэ борохон ухаандаа оруулаа гүш? Бидэнэр ошохогүйбди!

Хэрэгүүд 7:39

Гэбэшье манай үбгэ эсэгэнэр тэрэнэй үгэ дуулаха дурагүй байгаа. Тэдэнэр Моисейе буруушаажа, Египет руугаа бусахые хүсөө.

Римэйхиндэ 9:15

Тэрэ Моисейдэ: «Хэниие үршөөлдэ хүртөөхэ гэбэл, хүртөөхэб, хэниие хайрлаха гэбэл, хайрлахаб», – гэжэ хэлээ.

Еврейнүүдтэ 12:25

Эзэнэй айладахадань, шагнахагүйбди гэжэ бү арсаарайгты. Тэрэнэй газар дэлхэй дээрэ айладахадань, шагнангүй Өөрыень буруушааһан хүнүүд хэһээлтэһээ мултараагүй. Харин тэнгэриһээ айладахадань, арсабал, хэһээлтэһээ бүришье мултархагүйбди.

1 Хаан түрэнүүд 12:22

Юуб гэхэдэ, Эзэн агууехэ нэрынгээ түлөө Өөрын арад түмэниие орхихогүй. Ушарынь гэбэл, Эзэн таанарые Өөрынгөө арад зон болгон шэлээл!