Нэхэмьяа 9:16 - Библи

¹⁶ Харин тэдэнэр, манай эсэгэнэр, үсэд хэрзэгы зан харуулжа, Танай захяануудые дуулабагүйл!

Нэхэмьяа 9:16 Referencias Cruzadas

4 Хаан түрэнүүд 17:14

Теэд тэдэнэр Эзэнэй хэлэһэн үгые хайхаран абабагүй. Тэдэнэр Эзэндэ, өөрынгөө Бурханда этигэдэггүй байһан эсэгэнэртээл адляар үсэрэлдэбэд.

2 Угай бэшэг 29:6

Манай үбгэ эсэгэнэр муу юумэ үйлэдэн, Эзэн Бурхандамнай таагүй хэрэгүүдые хэдэг байгаа. Тэдэ Бурханаа орхижо, Эзэнэй Һүмэһөө буруу хаража,

2 Угай бэшэг 30:8

Мүнөө үсэрхэжэ бү байгыт, эсэгэнэртээ адли бү болыт. Эзэнтэй эблэрыт, хэтэ мүнхэдөө Тэрэнэй арюудхаһан нангин үргөө руу ерэгты, Эзэн Бурхандаа алба хэгты, тиихэдэ Тэрэ таанадта уурлахаяа болихо.

2 Угай бэшэг 36:13

Навуходоносорто үнэн сэхэ байхаб гэжэ Эзэнэй нэрээр тангариглахыень Цэдэкиияые Навуходоносор хаан баадхаһан юм. Теэд Цэдэкиия тэрэнэй урдаһаа буһалгаалба. Цэдэкиия үсэрхэжэ, Израилиин Эзэн Бурханда бусахаяа арсаба.

Нэхэмьяа 9:10

Тэдэниие египедшүүдэй доромжолон зобоохые мэдэхэдээ, Та фараондо, тэрэнэй бүхы зарасануудта, тэрэ ороной бүхы хүн зондо дүлгэ тэмдэг, шэдитэ үйлэ харуулжа, гайхуулаат. Та мүнөөшье болотор мартагдашагүй алдар соло олоот.

Нэхэмьяа 9:29

Танай Хуулида бусаха тухай Та тэдээндэ заагаат, харин тэдэнэр дээрэлхүү боложо, захяануудыетнай дуулабагүй. Тогтоолнуудыетнай сахибал, хүн амиды ябаха байгаа, харин тэдэ тогтоолнуудайтнай урдаһаа нүгэл хэбэ. Тэдэнэр али болохоор Танһаа буруу харана, үсэрхэнэ, дуулаха шагнаха дурагүйнүүд!

Псалманууд 106:6

Теэд тэдэ зобожо-тулижа Эзэниие дуудаба, тиихэдэнь Тэрэ гай гамшагһаа зайлуулба,

Псалманууд 81:8

Бурхан, бодыт! Дэлхэйе шүүбэрилыт! Бүхы арадууд – Танай эзэмшэл мүн.

Египедһээ гаралга 15:26

Эзэн айладхаба: – Танай Бурхан болохо Эзэнэй үгэ дуулажа, Тэрээндэ таатай юумэ үйлэдэжэ, хэлэһэн зарлигынь соносожо, буулгаһан хуулииень тогтоожо байбалтнай, египет угсаатанда хүргэһэн үбшэн тахал таанадта хэзээдэшье хүргэхэгүйб. Би эмшэлэгшэ Эзэн гээшэб!

Египедһээ гаралга 32:9

Эзэн айладаба: – Яагаа үсэд зэрюу зон гээшэб гэжэ гайханам!

Һургаал 29:1

Хүжүүндээ найраад, зэмэлэл шагнадаггүй хүн нэгэ үдэр гэнтэ бусалтагүй унана.

Исай 48:18

Хэрбээ Минии захяа заабаринуудта анхаралаа хандуулдаг һаатнай, үршөөлнүүд гол мүрэн мэтэ таанад руу урдаха байгаа, далайн долгид мэтээр буян таанадта ерэхэ һэн.

Исай 48:4

Танай үсэдые, хоолойтнай түмэр, сохотнай гуулин мэтэ гэжэ би ойлгодог һэм.

Исай 63:10

Харин арад түмэниинь урдаһаань эсэргүүсэжэ, Тэрэнэй Арюун Һүлдые гомдохообо. Тиимэ ушарһаа Эзэн эрьен, тэдэнэй дайсан боложо, урдаһаань дайлаһан юм.

Ерэмияа 19:15

Израилиин Бурхан, Түмэн Сэрэгтэ Эзэн иигэжэ айладана: «Үзөөрэйгты, Минии үгэ дуулахагүй гэжэ үсэрхэһэнэйтнай түлөө Би тунхаглаһан бүхы гай тодхороо энэ хотодо болон оршон тойронхи һууринуудтань шэглүүлхэмни», – гээшые дуулгаа һэм.

Ерэмияа 2:31

Энэ үеынхид, айладхалыемни дуулыт. Элһэн сүл губидал, үгышье һаа, гүн харанхы орондол мэтэ Израильда байгаа юм гүб? Юундэ таанад өөрынгөө һанаһаар лэ байха, Намда дахин бусахагүй тухайгаа хэлэнэбта?

Ерэмияа 7:26

Теэд таанад Минии үгэ дуулаагүйт, шэхээ табяагүйт, үсэрхэжэ, үбгэ эсэгэнэрһээ бүри муу болоот.

Эзэкээл 5:6

Теэд Иерусалим Минии зарлигуудые буруушаан эсэргүүсэжэ, бусад үндэһэ яһатанһаа үлүүгээр аашалба, тойроод байгааша орон түрэнүүдһээ муугаар тэрээндэм хандаба. Иерусалим Минии зарлигуудые, хуули ёһонуудые дүүргэхэеэ арсаба.

Хэрэгүүд 7:51

Бурханай һургаал дуулаха дурагүй, мэдэлдэнь байдаггүй зүрюу зон! Таанад өөһэдынгөө үбгэ эсэгэнэртэл адли Арюун Һүлдэдэ ходо эсэргүүсэнэт.

Римэйхиндэ 2:5

Харин таанад зүрюутэжэ, Бурханда хандахаяа арсанат. Тиигэжэ Тэрэнэй уур сухалаа элирүүлхэ, газар дэлхэйнхидые гэмнэн шүүбэрилхэ үдэр хүрэтэр таанад өөһэдтөө бүрил муу хэһээлтэ бэлдэжэ байнат.

Хуули дабталга 31:27

Зоной үсэдые, өөрынхиеэ табихаяа һанадаггүйе мэдэнэб. Минии бүхы наһанай үргэлжэлдэ тэдэ Эзэндэ үсэрхэжэ байна. Гээгдэһэнэйм удаа бүри үсэд болохо юм бэшэ гү?

Хуули дабталга 32:15

Ешүрүүн маряажажа, дээрэлхүү зантай болобо, таргалаа, бүдүүрээ, үсэд болоо, Бүтээгшэ Бурханаа, өөрын абаралта Хабсагайгаа тообогүй.

Хуули дабталга 5:29

Өөһэдтэнь болон үхи хүүгэдтэнь хэтэ мүнхэдөө һайн байхын тула тэдэнэр Намайе хүндэлжэ, Минии захяа заабаринуудые бүхы наһаараа үнэнхэ зүрхэнһөө сахижа ябаа гээшэ һаань, хэды һайн байха байгааб!

Хуули дабталга 9:13

Эзэн үшөө намда иигэжэ дуулгаба: «Энэ арадые шобто хаража байнаб. Одоол үсэд зон даа.

Хуули дабталга 9:27

Абраһаам, Исаак, Яков гэдэг өөрынгөө богоолнуудые ой ухаандаа оруулыт. Энэ арадай үсэдые мартыт, тэдэнэй буруу байдал, нүгэл шэбэл хэһыень бү тоогыт.

Хуули дабталга 9:6

Тиимэһээ энэ һайхан газар үгэхэдөө, таанадай сэбэр сэхэ байһанай түлөө бэшэ гээд ойлгогты. Таанад, юрэдөө, үсэд лэ зон гээшэлта даа.

Еврейнүүдтэ 3:13

Таанадай хэн нэгэнэй нүгэлөөр хорхойтуулагдан дошхорхогүйн тула, Нангин Бэшэг соо бэшээтэй «мүнөөдэр» гэдэг үгын маанадта хандажа байхада, та бэе бэеэ үдэр бүхэндэ урмашуулжа байха ёһотойт.

Еврейнүүдтэ 3:15

Нангин Бэшэг соо: «Таанад мүнөөдэр Бурханай дуу дуулахадаа, Бурханай урдаһаа үймөө татаһан үбгэ эсэгэнэртээл адли үсэд зан бү гаргагты», – гэжэ бэшээтэй.