Нэхэмьяа 9:15 - Библи

¹⁵ Та тэдэнэртэ үл залгахыень огторгойһоо хилээмэ, шулуун хабсагайһаа уһа гаргажа, ундыень харяагаалта. Та тэдэнэртэ үгэхэб гэжэ гараа үргэн тангариглаһан газар руу ошожо, эзэлэн абахыень айладаалта.

Нэхэмьяа 9:15 Referencias Cruzadas

Эхин 14:22

Гэбэшье Абрам иигэжэ харюусаба: – Һэтэрхэй зүүшье, түгдэрхэй тэбэнэшье танай зөөриһөө абахагүйб гэжэ огторгой газар хоёрые бүтээгшэ Дээдэ Эзэн Бурханай урда тангаригланаб. «Би Абрамые баян болгооб» гэжэ хожом танай хэлэжэ байхагүйн тула иигэнэб.

Нэхэмьяа 9:20

Өөрынгөө һайхан Һүлдые тэдэндэ үгэжэ, Та юу хэхыень заагаат. Та саг үргэлжэ Өөрынгөө будаа эльгээжэ байгаат, ундыень харяаха уһа үгэжэл байгаат.

Псалманууд 114:8

Юуб гэхэдэ, Та намайе үхэлһөө, нюдыем нулимсаһаа, хүлыем бүдэрхэһөө абараат.

Египедһээ гаралга 16:4

Эзэн Моисейдэ айладаба: – Би таанадта бороогой ороһон шэнгеэр огторгойһоо талха оруулхаб. Үдэр бүри зон гаража, үдэрэйнгөө эдихэ хоол суглуулдаг байха. Минии тогтооһон эрилтэ байха, тэрэниие сахина гү гэжэ Би Өөрөө хинахаб.

Египедһээ гаралга 17:3

Ангаһан зон Моисейһээ һалаха юм бэшэл даа: – Бидэниие юундэ Египедһээ гаргаабши? Үхи хүүгэдтэеэ, үхэр малтайгаа ангажа үхэхымнай гү?

Египедһээ гаралга 17:6

Тэндэ, Хорээб хада дээрэ, Би урдаш хабсагай дээрэ байлсахаб. Хабсагай ёборходош уһан дэлбэрэн гараха. Зон уһа уужа садаха, – гэжэ Эзэн Моисейе зонхилбо. Моисей айладхалыень Израилиин ахамад тэргүүтэнэй хараһаар байтар бүтээбэ.

Египедһээ гаралга 6:8

Абраһаамда, Исаак болон Яковта үгэхэб гэжэ тангариглаһан орон дэбисхэртэ таанадые оруулхаб, уг удамарайтнай эзэлэн һууха газар болгожо үгэхэб. Би Эзэн мүн гээшэб!»

Исай 48:21

Эзэн Бурханай Өөрын арад зониие элһэн сүл губяар хүтэлэн ябахада, тэдэ ангажа зобоогүй. Бурхан хабсагайһаа тэдээндэ уһа гаргажа, хадые хахалан, уһа урдахуулаа.

Ерэмияа 32:23

Теэд тэдэ энэ газарта ерэхэдээ, Танай захяануудые сахибагүй. Тиимэһээ Та тэдээндэ гай тодхор татабат.

Эзэкээл 20:15

Тэрэнэй орондо юумээр элбэг-дэлбэг эгээл һайхан газар нютаг руу таанадые оруулхагүйб гэжэ элһэн губи дотор Би тэдээндэ тангариглаа һэм.

Тоололго 14:30

Тиимэһээ үгэхэб гэжэ Минии гараа үргэн тангариглаһан тэрэ газарта таанадай хэншье хүрэжэ ошохогүй. Гансал Епуннээгэй хүбүүн Халээб, Нүүнэй хүбүүн Иисүүс тэрэ газар дээрэм хүлөө табиха.

Хуули дабталга 1:8

Харагты, энэ газар дайдые Би таанадта үгэнэб! Үбгэ эсэгэнэртэтнай – Абраһаамда, Исаагта, Яковта мүн үри хүүгэдтэнь үгэхэб гэжэ Минии, Эзэнэй, тангариглан найдуулһан газар руу ошожо, эзэмдэгты».

Хуули дабталга 8:3

Хүн ганса хилээмээр амидардаггүй, харин Эзэнэй үгын ашаар амиды ябадаг гэжэ ойлгохынтнай тула Тэрэ таанадые даран номгоруулаа, гэдэһыетнай үлдэхүүлээ, удаань таанадай хараагүй, үбгэ эсэгэнэрэйтнайшье үзөөгүй сагаан будаагаар холлуулаа.