Нэхэмьяа 9:14 - Библи

¹⁴ Та тэдэнэртэ Өөрынгөө субботые нангин наринаар сахижа ябахыень заабарилаат, Өөрынгөө зараса Моисейгээр захяа заабаринуудые, хуулинуудые, һургаалнуудые тэдэнэртэ захиржа үгөөт.

Нэхэмьяа 9:14 Referencias Cruzadas

Эхин 2:3

Бурхан долоодохи үдэрые үреэжэ, тусхай нангин үдэр гээд тодорхойлбо, юундэб гэхэдэ, энэ үдэр хэжэ байһан ажалһаа Тэрэ амараа: бүтээлгэ байгуулгын хэрэг түгэсөө.

Нэхэмьяа 1:8

Гэбэшье Өөрын богоол Моисейдэ иигэжэ айладаһанаа һаныт: «Хэрбэеэ таанадай урбабал, Би таанадые арадуудай хоорондо сасан тараахаб.

Нэхэмьяа 10:32

Манай Бурханай Һүмэдэ мүргэл бэелүүлгэдэ жэлэй туршада шээкэлэй гурбанай нэгэ хубиие үгэхэбди гэжэ уялга абанабди:

Египедһээ гаралга 16:23

– Эзэн энээн тухай айладаа агша һэн. Үглөө ажал хэхэгүй амарха үдэр, Эзэнэй табиһан нангин үдэр суббото мүн болоно. Дуратайгаа жэгнэгты, дуратайгаа шанагты, үлэһыень үглөө болотор орхиходош хамаагүй, – гэжэ Моисей хэлэбэ.

Египедһээ гаралга 16:29

Ойлгоногүй аалта: Би, Эзэн, гараг тогтоогооб, тиимэһээ зургаадахи үдэртэнь хоёр үдэрэй эдеэ үгэнэб. Субботодо хүн бүхэн гэртээ һууха, хайшаашье гараха ёһогүй.

Египедһээ гаралга 24:12

Эзэн Моисейдэ айладаба: – Хада өөдэ Намда гарыш. Энэ арадта ухаа заахын тулада Минии бэшэһэн һургаал, зарлигуудтай шулуун хабтаһануудые шамда үгэхэб.

Эзэкээл 20:11

Хуули ёһонуудаа, зарлигуудаа тэдээндэ дамжуулхадам, тэдэ яагаад ажаһуубал зүб гээшэб гэжэ мэдэдэг болобо.

Эзэкээл 20:12

Би, Эзэн, тэдэниие Өөртөө зорюулааб гэжэ эли байхын тула Намтай баталһан хэлсээнэй дүлгэ тэмдэг болгон Би тэдээндэ субботые тогтоогооб.

Эзэкээл 20:20

Маанадай хоорондохи хэлсээнэй дүлгэ тэмдэг байхын тула, Намайе өөһэдэйнь Эзэн Бурхан гэжэ хододоо һанадаг байхынь тула субботын үдэр жэншэдгүй сахихыень захирааб.

Левит 19:3

Таанад өөһэдынгөө эхэ эсэгэһээ түбэгшөөгты. Минии субботонуудые сахигты. Би танай Эзэн Бурхантнай гээшэб.

Левит 27:34

Эдэ захяануудые Эзэн израильшуудта зорюулжа, Синай хадын оройдо Моисейдэ захираа бэлэй.

Иоанн 1:17

Бурхан Моисейгээр дамжуулан Хуули үгөө, харин Иисүүс Христоосоор дамжан, үршөөл хайра, үнэн зүйл үгтөө.

Хуули дабталга 4:45

Египедһээ гараһанай удаа, Иордан голой зүүн бэедэ, Бэт-Пэһоор хотын урдаһаа тулаһан нюруу дээрэ, Хэшбоондо ажаһууһан Сиһоон хаантай эмоор арадай газарта (Египедһээ гарахадаа, Моисей Израилиин улад зонтой хамта тэрэниие диилээ бэлэй) Израилиин зондо Моисей эрхэ нүхэсэлнүүдые, хуулинуудые, ёһо гуримуудые дамжуулаа һэн.

Хуули дабталга 4:5

Ойлгогты, Эзэн Бурханайнгаа намда захин заабарилһан хуули, ёһо гуримуудта таанадые һурганаб. Эзэлхэ зорилготойгоор ошожо ябаһан тэрэ газартаа эдэниие сахин байгты.

Хуули дабталга 5:31

Харин өөрөө, Моисей, удаань Намтай эндэ үлөөрэй. Би шамда бүхы захяа заабари, хуули, ёһо гурим хэлэжэ үгэхэб. Хубитань гэжэ Минии үршөөжэ байһан газарта эдэ бүгэдые сахин дүүргэжэ ябахыень тэдэниие һурга».