Нэхэмьяа 8:15 - Библи

¹⁵ тэдэнэр өөһэдынгөө бүхы хотонуудта, Иерусалимда иигэжэ дуулган мэдээсэхэ: «Гүбээ, үндэр добо дээрэһээ таримал, мүн зэрлиг оливын, мииртын, паальмын, мүн бэшэшье набшаһата модонуудай мүшэрнүүдые асараад, эндэ заагдаһанай ёһоор һарабшануудые түхеэрхэ ёһотойт».

Нэхэмьяа 8:15 Referencias Cruzadas

Эхин 8:11

Тэрэнь үдэшэлэн бусахадаа, хушуундаа олива модоной нарай набша зуугаад ерэбэ. Тиихэдэнь Ной уһанай татаһые ойлгобо.

Левит 23:4

Энэ Эзэнэй һайндэрнүүд гээшэ, нангин суглаануудые саг соонь үнгэргэхэ ёһотойт.

Левит 23:40

Түрүүшын үдэр һайхан модоной жэмэс суглуулагты, дал модоной набша, үдхэн набшаһатай модоной мүшэр, голой бургааһанай мүшэр суглуулагты. Тиигээд Эзэнэй, өөрын Бурханайнгаа урда долоон үдэр хүхилдэн сэнгэн байгты.

Захарияа 1:8

– Энэ һүни үзэгдэл харабаб: миртын һөөгүүдэй дунда хонхосог соо зээрдэ мори унаһан хүн зогсоно, ара тээнь зээрдэ, алаг, сагаан морид байна.

Матвей 21:1

Иисүүс шабинартайгаа Иерусалимда ойртожо ерээд, Элеон хадын хаяада оршодог Бэтпагээ тосхон ошобо. Иисүүс түрүүлэн тиишэнь хоёр шабияа эльгээхэ зуураа

Иоанн 12:13

Тэдэ зон пальма модоной мүшэрнүүдые баряад, Иисүүсые угтахаяа гараа. Тэдэ иигэжэ хашхаралдабад: – Бурханда алдар соло! Эзэнэй нэрээр заларан Ерэгшэ үреэл магтаалда хүртэһэй! Израилиин Хаан үреэл магтаалда хүртэһэй!

Хуули дабталга 16:16

Танай үндэһэ яһанай бүхы эрэ зон Эзэн Бурханайнгаа нангин үргөөдэ жэлдээ гурба дахин ерэхэ ёһотой: Паасхын, Ургаса хуряалгын һайндэр болон Майхангуудай һайндэрнүүдэй үедэ. Ерэхэдээ, Эзэнэй урда гар хооһон бү ерэгты.

Гэршэлгэ 7:9

Тэрэнэй удаа харахадамни, тооложо барагдашагүй олон зон урдамни үзэгдэбэ. Тэдэ зоной дунда бүхы үндэһэ яһатан, арадууд, угсаатан, янза бүриин хэлэтэй хүнүүд ерээд байгаа һэн. Тэдэ зон хаан шэрээгэй урда, Үргэлэй Хурьганай урда зогсобо. Тэдэнэр сагаан хубсаһа үмдэнхэй, гартаа пальма модоной мүшэрнүүдые баринхай.